Seysenbi, 10 Jeltoqsan 2019
1128 2 pikir 18 Qaraşa, 2019 sağat 18:32

Almatıda «El ümiti» respublikalıq jastar marafonı ötti

16 qaraşada Almatı qalasındağı "Halıq Arena" sport keşeninde Almatı qalası äkimdiginiñ qoldauımen Qazaqstan Respublikasınıñ Twñğış Prezidenti - Elbası qorı wyımdastırğan "El ümiti" jastar forumı ötti.

Megapolis elordalıq darındı balalar men jastardı jan-jaqtı qoldau jönindegi Elbası bastamasın jüzege asıru ayasında auqımdı is-şara wyımdastırğan ekinşi qala. Birinşi marafon aydıñ basında Aqtöbede ötken edi.

Erekşe oqiğanıñ bastı keyipkerleri ğılım, mädeniet, sport, iskerlik jäne qoğamdıq qızmette jetistikke jetken jas qazaqstandıqtar. Bwl Almatı, Şımkent, Almatı, Jambıl jäne Türkistan oblıstarınan şıqqan 3000-ğa juıq belsendiler, köşbasşılar men önertapqıştar. Marafonnıñ bastı mindeti – öskeleñ wrpaq pen öz salasındağı käsipqoylardıñ şeksiz äleuetin, jetistikke jetudegi talpınısı men el damuına qosqan ülesin körsetu.

Qazaqstan Respublikası Twñğış Prezidenti – Elbası qorınıñ atqaruşı direktorı Äset Isekeşev pen Almatı qalasınıñ äkimi Baqıtjan Sağıntaev qazaqstandıq jastardıñ jetistikterin atap ötti.

Äset Isekeşev marafonğa qatısuşılarğa arnağan sözinde "El ümiti" bastamasınıñ bastı maqsatı – respublikanıñ tükpir-tükpirinen – qalalar men auıldardan, türli saladağı darındı balalar men jastardı tas basıp tanu äri qoldau ekenin ayttı.

- "El ümiti" bastaması ayasında üzdik bilim beru resurstarı, testter men qızmetter ayasında jinaqtaladı. Olar barlıq janğa aqısız negizde qoljetimdi boladı. Sonımen qatar, Qazaqstanda jäne şetelde tağılımdamalar, joğarı oqu orındarına tüsuge granttar, auıldıq jerlerdegi balalarğa, darındı balalarğa, olimpiadalardıñ jeñimpazdarına jäne ğılımnıñ, innovaciyanıñ, mädeniettiñ türli salalarında arnayı sıylıqtar beru josparlanuda, - dedi Äset Isekeşev.

Almatı jay ğana "El ümiti" marafonı ötkizilgen ekinşi qala bolğan joq. Mwnda 700 mıñğa juıq jas twradı, yağni qalanıñ ärbir üşinşi twrğını - jastar. Sonıñ 230 mıñnan astamı studentter. Olar Almatınıñ 39 joğarı oqu ornı men 81 kolledjinde bilim alıp jatır.

- Talant pen energiya, kreativti şığarmaşılıq qabiletter bwl bizdiñ qalamızdıñ bastı artıqşılığı bolıp tabıladı. Biz mwnı tüsinemiz jäne joğarı bağalaymız. Elbası Nwrswltan Äbişwlı Nazarbaevtıñ tapsırması ayasında biıl Almatıda jwmıs isteytin jastar üşin 1050 päter jalğa beriletin boladı. 2020 jıldan bastap biz «Almatı jastarı» bağdarlamasın jüzege asırudı jalğastıramız jäne päter böludi jılına 1000-ğa deyin arttıramız. Almatı jastar mäselelerin şeşedi: jwmıs beredi, käsibi şeberligin arttıradı, biznes bastamaların qoldaydı. Biz jas wrpaq özderiniñ "Almatı armanın" jüzege asıra alatınday etip öz qalamızdı damıtamız. Sondıqtan men "El ümiti" marafonı qala üşin strategiyalıq mañızdı dep sanaymın, - dedi Almatı qalasınıñ äkimi Baqıtjan Sağıntaev.

Öz kezeginde jastar jeke ösu, alğaşqı jeñister men sätsizdikter turalı ayttı. Jas käsipkerler, ğalımdar men mädeniet qayratkerleri özderiniñ belsendi qoyılımdarımen marafon qatısuşılarına köteriñki köñil-küy sıyladı, barlığın ülken tabısqa bastap, kez-kelgen salada bäsekege qabilettiligin arttıruğa ıntalandırdı.

Elbası qorınıñ ökilderi mwnday oqiğalar jii boluı kerek dep atap ötti. Olardı talanttarın jüzege asıruda mümkindik izdeytin barlıq qazaqstandıqtar bilui kerek.

Esteriñizge sala keteyik, "El ümitiniñ" qoldauımen Qazaqstan Respublikasınıñ Twñğış Prezidenti - Elbası Qorı Ükimetpen, äkimdiktermen, ükimettik emes wyımdarmen jäne biznes-qauımdastıqpen birlesip köşbasşılıq bağdarlamaların iske asıradı, bilim beru resurstarın damıtadı jäne darındı balalar men jastardı anıqtauğa arnalğan barlıq keşendi şaralardı wsınadı.

"El ümiti" marafonşıların qwttıqtap, jastardıñ igi bastamalarına qoldau körsetu üşin qazaq estradasınıñ jarıq jwldızdarı: Ninety One tobı, Qayrat Baekenov jäne Gülsim Mırzabekova, Raim & Artur, Kamşat Joldıbaeva jäne t.b. keldi.

Marafon qorıtındısı şarasında jobanıñ barlıq qatısuşılarınıñ jetistikteri men jeñisteri turalı aqparattarı bar qattı disk Twñğış Prezident Qorına tapsırıldı. Mwndağı mälimetter barlığına qoljetimdi bolatın arnayı portaldıñ qwrıluına negiz boladı.

Al jastar marafonı Nwr-Swltan qalasında jalğasın tabatın boladı.

Abai.kz

2 pikir