Jeksenbi, 8 Jeltoqsan 2019
Abay.tv 3639 3 pikir 15 Qaraşa, 2019 sağat 16:30

Abzal Qwspan: Qoğamdıq komissiyağa künine 200-dey arız tüsedi

El-halıqqa esim-soyı etene tanıs zañger Abzal Qwspan äleumettik jelidegi qoğamdıq lekciyasın jariyalay bastadı.

Qoğamdıq lekciyanıñ bwl jolğı şığarılımı QR Prezidenti janınan qwrılğan qoğamdıq komissiyağa kelip tüsip jatqan Qazaqstandağı sottalğandar men sotalğan azamattardıñ tuğan-tuıstarınıñ arız-şağımdarına qatıstı boldı.

"Qazaqstan prezidenti janınan qwrılğan qoğamdıq komissiyağa künine 200-dey arız kelip tüsedi. Al komissiyanıñ otırısına 100-diñ üstinde adam jeke qabıldauğa keledi. Atap aytatın bolsaq, 2012 jıldıñ qorıtındısı boyınşa, Qazaqstanda 48 mıñ sottalğan bolatın bolsa, 2018 jılı bwl körsetkiş 35 mıñğa deyin tömendegen. YAğni, bas bostandığın şekteu orındarında otırğandardıñ sanı 3/1 -ge azayğan.

Halıqaralıq türme indeksi boyınşa 2000 jıldardıñ basında Qazaqstan bwl boyınşa AQŞ pen Reseyden keyingi üşinşi orında bolsa, qazir 82 orınğa deyin tömendegen. Osı sottalğan azamattar men olardıñ tuıstarınıñ arnayı jüginetin orındarı bar", deydi zañger.

Äri qaray, zañger Abzal Qwspan adam qwqıqtarı mäselesi boyınşa azamattarğa qayda jäne qalay jüginui kerektigi turalı tolığıraq keñes bergen.

Esteriñizge sala keteyik, bwğan deyin Abzal Temirğaliwlı Qazaqstan Respublikası Prezidentiniñ qoğamdıq qabıldau komissiyası müşesi retinde azamattar şağımın qabıldaytının habarlağan. Bwl turalı ol youtube jelisindegi video ündeuinde ayttı.

Al erteñ Qoğamdıq komissiya men oğan tüsip jatqan arızdar boyınşa "You Tube" jelisindegi "Abzal Quspan" arnasında tikeley efirda jauap berilmek. Oğan moderator bolıp belgili qoğam qayratkeri, sayasatker Mwrat Äbenov qatısadı.

;feature=youtu.be&fbclid=IwAR09ZIwXmoASnTAgkCnxOnYwQcdWQ2p3JIk2bPCTieoxcnXcknnX0UXXmNM

Abai.kz

3 pikir