Соңғы уақыттары елдегі болып жатқан төтенше су басу жағдайынан кейін көптеген үйлер мен малдар да су астында қалды. Бұл дегеніміз өз алдына бір бөлек, өлікселерден бөлінетін улы инфекциялардың таралуын білдіреді. Осы жағдайдың алдын алу мақсатында Ақтөбе облысында инфекцияның таралуына жол бермеу үшін су басқан аумақты жаппай залалсыздандыру жұмыстары басталды.

Бұл жұмысқа радиациялық, химиялық және биологиялық қорғаныс бөлімшелерінің қызметкерлері жұмылдырылған. Әскерилер тасқын шайған бес мыңнан астам гектар жерді дезинфекцияламақ.

"Жұқпалы аурулардың, оның ішінде ішек аурулары бірінші кезекте. Соларды жұқтыруы мүмкін. Аурулардың таралуын алдын алу мақсатында осы су тасқынынан кейінгі шаралар жүргізілуде. Сонымен қатар, Ақтөбе қаласы бойынша сумен жабдықтау объектілері біздің қадағалауымызда екенін айтып өткім келеді. Су тасқыны кезінде бұл объектілердің су көздерін су басқан жоқ", – деді Ақтөбе облыстық санитариялық-эпидемиологиялық бақылау департаментінің бөлім басшысы назима Сербаева.

Abai.kz