Toqaev: Halyq óz tandauyn jasady
Qasym-Jomart Toqaev ózining saylaualdy shtabynda bolyp, Exit poll qorytyndysyn jariyalau rәsimine qatysty. Ári Exit Poll nәtiyjelerine say alghashqy mәlimdemesin jasady.
Exit poll-dyng qorytyndysyna sәikes preziydent saylauynda Nur Otan partiyasynyng atynan týsken kandidat Qasym-Jomart Toqaev 70,13% dauys jinap, ózge ýmitkerlerden oq boyy ozyq nәtiyje kórsetti.
Memleket basshysy ózine senim bildirgen barsha qazaqstandyqtargha alghysyn bildire otyryp, elimizding endigi mindeti qoldaghy baryn qadirlep, órleu men jasampazdyq jolynda bolashaqqa batyl qadam basu ekenin aitty.
"Saylaualdy kampaniyanyng órkeniyetti túrghyda ótkenine quanyshtymyn. Negizinde, búl saylaualdy jobalardyng ózara bәsekelestigi boldy. Búl Qazaqstandaghy sayasy mәdeniyet dengeyining aitarlyqtay óskenin kórsetedi. Halyq bizge senim artyp, óz tandauyn jasady. Sondyqtan aldymyzda auqymdy júmystar kýtip túr", – dedi Toqaev.
Toqaev ýgit-nasihat kezenine qatysqan respublikalyq qoghamdyq shtab mýshelerine, belsendi azamattargha jәne partiya jaqtastaryna atqarghan júmystary ýshin alghys aitty, әri elektoraldy nauqannyng auqymy men tehnologiyalyq mýmkindigin atap ótti.
"Býkil әlemdegi sekildi bizding elde de týrli jaghdaylar ózgeris ýstinde. Álemdik qauymdastyqtyng bir bólshegi bolghandyqtan Qazaqstangha jahandyq oqighalardyng da yqpaly bolary sózsiz. Sonymen qatar biz de halyqaralyq turbulentti ýrdisterge yqpal etu obektisi bola aldyq. Sondyqtan elimizding jarqyn bolashaghy ýshin júdyryqtay júmylyp júmys isteuimiz kerek", – dedi memleket basshysy.
Qasym-Jomart Kemelúly sóz sonynda Qazaqstannyng býgingi jetistikteri Elbasy esimimen tyghyz baylanysty ekenin eske saldy.
"Qazaqstannyng Túnghysh preziydenti – Elbasy Núrsúltan Ábishúly Nazarbaev býkil әlem moyyndaghan quatty, kóp últty memleket qúrdy. Bizding endigi mindetimiz – qoldaghy barymyzdy qadirlep, jetistikterimizdi saqtap, órleu men jasampazdyq jolynda bolashaqqa batyl qadam basu", – dedi Toqaev.
Abai.kz
