Birqatar túrghyn alabyn aralau barysynda jergilikti atqarushy organdardyng Memleket basshysynyng algha qoyghan mindetterin oryndau — azamattardyng túrmys sapasyn jaqsartu boyynsha qabyldap jatqan sharalary qaraldy. Atap aitqanda, túrghyn ýy mәselelerin sheshuge, bilim beru jәne medisinalyq qyzmetterding sapasyna, әleumettik jәne kólik infraqúrylymyn jaqsartugha, ýzdiksiz elektrmen jabdyqtau jәne kóshelerdi jaryqtandyru, sonday-aq sumen jabdyqtau mәselelerine kónil bólindi.

«Prigorodnyi» túrghyn ýy keshenin tekseru barysynda Astana әkimi B. Súltanov Elordany damytudyng 2023 jylgha deyingi keshendi josparyn iske asyru barysy turaly bayandady. Qalanyng jekelegen audandaryn ortalyqpen biriktiretin, sonday-aq jolaushylargha barar jerlerine qysqa uaqyt ishinde jetuge mýmkindik beretin jenil relisti kólik jolyn salu mәseleleri qaraldy. Atalghan aumaqtardy qúlatu barysy turaly bayanday otyryp, búl sharalar munisipaldyq túrghyn ýy qúrylysyna, sonyng ishinde kóp balaly jәne asa múqtaj otbasylardy baspanamen qamtamasyz etuge baghyttalatyn aumaqtardy keneytuge jol ashatyny atalyp ótti.

Tekseru júmystary Qabanbay batyr ortalyq qala magistralinde jalghasty, onda danghyldy keneytu perspektivalary talqylandy.

Sonymen qatar, A. Mamin Astana qalasy men Aqmola oblysynyng shekarasynda túratyn azamattardyng baspana jaghdaylarynyng damuymen tanysty. «Iliinka» túrghyn alabynda dәriger ambulatoriyasy men №6 mektep tekserildi, Premier-Ministr osylardyng mysalynda elorda manyndaghy audandardyng bilim beru jәne densaulyq saqtau jýielerining sapasymen tanysty.

Óz kezeginde, Aqmola oblysynyng әkimi M. Myrzalin «Qaraótkel» auylyn Astana qalasynyng tengerimine beru ýderisi turaly, Qoyandy kentin damytu jәne Selinograd audany boyynsha әleumettik-ekonomikalyq damudyng keshendi josparyn iske asyru jóninde bayandady. Múnda halyqty su dengeyining kóteriluinen qorghau maqsatynda bóget salu jәne «Iliinka» kentinen shyghys jaqqa qaray ornalasqan jeke túrghyn ýige injenerlik jeliler jýrgizu mәseleleri qaraldy.

Iske asyrylyp jatqan iri jobalardyng biri — qala tóniregindegi jol ainalmasyn túiyqtaytyn «Astananyng ontýstik-batys ainalma joly» magistralidi trassasyn salu. Búl qala arqyly tranzitpen ótetin, elordany ainalma jolmen ótetin avtokólik qúraldarynyng aghynyn baghyttaugha mýmkindik beredi. «QazAvtojol» AQ aqparatyna sәikes, ainalyp ótetin jol tegin avtomagistrali bolmaq.

Búdan ózge, «Bayqonyr» audanyndaghy «Óndiris» alaby, atap aitqanda 120 bala bilim alatyn balabaqsha – №12 bastauysh mektep tekserildi. Premier-Ministrge bilim beru salasyndaghy qazirgi jaghday turaly bayandaldy. Sonymen qatar, jalpy audan infraqúrylymyn damytu, sonyng ishinde jol-kólik infraqúrylymyn damytu keleshegi, birqatar kósheni keneytu jәne injenerlik-kommunikasiyalyq jelilermen qamtamasyz etu mәseleleri talqylandy.

Elordanyng shetkeri aimaqtaryn aralaudyng sonynda A. Mamin «Qoyandy» auylynda tirshilikti qamtamasyz etu mәselelerin sheshu barysymen tanysty. Eldi mekende medisinalyq qyzmetterdi sapaly úsynu maqsatynda 2500 adamgha shaqtalghan otbasylyq densaulyq saqtau ortalyghy júmys isteydi. Sonymen qatar, bilim beruding qoljetimdiligin arttyru maqsatynda orta mektep salynyp jatyr. Atalghan joba 1200-gha juyq oqushygha bilim beruge mýmkindik beredi.

Qazaqstan Premier-Ministri A. Mamin júmys saparynyng qorytyndysy boyynsha Astana, Aqmola oblystarynyng әkimderine jәne tiyisti ministrlikterge birqatar naqty tapsyrmalar berdi.

Týpnúsqa: primeminister.kz

Abai.kz