Preziydent Núrsúltan Nazarbaev 21-aqpan kýni Ýkimetti otstavkagha jibergen edi. Býgin Astanada auys-týiis boldy. Premier-ministrden tartyp birqatar ministrlikterge jana basshylar taghayyndaldy. Sonymen qay ministr qayda bardy? Ret-retimen jazayyq.

Asqar Mamin - Premier-ministr

Áueli Asqar Mamin turaly aitayyq. 21-aqpan kýni Preziydent Nazarbaev Ýkimetti otstavkagha jiberu turaly jarlyq shygharyp, uaqytsha Ýkimetting tizginin Asqar Mamin ústaghan edi.

Býgin Mәjilisting plenarlyq otyrysyna arnayy qatysqan Preziydent Maminning kandidaturasyn premierlikke úsynghan edi. Mәjilis birauyzdan maqúldady. Sóitip, uaqytsha premier bolghan Mamin endi, sol qyzmette túraqtap qalatyn boldy.

Álihan Smailov - Birinshi viyse-premier, QR Qarjy ministri

Býginnen bastap Asqar Maminning birinshi orynbasary qyzmetine Álihan Smailov kiristi.

Sonday-aq, Smailov QR Qarjy ministri qyzmetin qatar atqaratyn boldy. Esterinizge sala keteyik, Álihan Smailov 2015 jyldan beri Memleket basshysynyng kómekshisi bolghan. Osy uaqqa deyin Smailov eki mәrte Qarjy ministrining orynbasary boldy. Al Ýkimet otstavkagha ketpes búryn, ol qarjy ministri qyzmetin atqarghan edi.

Jenis Qasymbek - Premier-ministrding orynbasary

Býgin jasaqtalghan Ýkimet qúramyna Jenis Qasymbek te endi. Ol Premier-ministr Asqar Maminning orynbasary bolyp taghayyndaldy. Jenis Qasymbekting kandidaturasyn Mәjilis maqúldady.

Jenis Qasymbek Ýkimet júmysynyng strategiyalyq baghyttaghy sheshimderdi qabyldau ýshin qajetti qúzyretke ie eken.

Gýlshara Ábdiqalyqova - Premier-ministrding orynbasary

Ábdiqalyqovanyng da kandidaturasy Mәjiliste maqúldandy. Ol 2014 jylden beri Memlekettik hatshy qyzmetinde bolghan. Ár jyly Preziydentting kenesshisi, Enbek jәne әleumettik qorghau ministri qyzmetterin atqarghan.

Beybit Atamqúlov - QR Syrtqy ister ministri

Beybit Bәkirúly Atamqúlov Qazaqstannyng Syrtqy ister ministri qyzmetinde qaldy. Beybit Atamqúlov búl qyzmetke 2018 jyldyng 26-jeltoqsany kýni taghayyndalghan edi.

Núrlan Ermekbaev - QR Qorghanys ministri

Preziydent Ýkimetti otstavkagha jibergen son, jana jasaqtalghan qúrammen óz qyzmetin qayta jalghastyratyndardyng biri búrynghy jәne qazirgi Qorghanys ministri Núrlan Bayúzaqúly Ermekbaev boldy.

Erlan Túrghymbaev - QR Ishki ister ministri

Ýkimet otstavkagha keterding sәl-aq aldynda Ishki ister ministrligine taghayyndalghan Erlan Túrghymbaev ta ornynda qaldy. Ol jana jasaqtalghan Ýkimetting Ishki ister ministrligin basqaratyn boldy. Ayta keteyik, Erlan Túrghymbaev 2019 jyldyng 12-aqpany kýni QR Ishki ister ministri bolyp taghayyndalghan edi.

Dәuren Abaev- QR Aqparat jәne qoghamdyq damu ministri

Búrynghy Ýkimetting qúramynda QR Aqparat jәne kommunikasiyalar ministrligin basqarghan Dәuren Áskerbekúly býgin jana qyzmetke taghayyndaldy. Ol qayta jasaqtalghan QR Aqparat jәne qoghamdyq damu ministrligining tizginin ústady.

Marat Beketaev - QR Ádilet ministri

Ýkimet auysqanymen óz qyzmetin әri qaray jalghastyratyn ministrlerding biri - Marat Baqytjanúly Beketaev. Ol óz qyzmetinde qaldy. Yaghni, búdan búlay da QR Ádilet ministrligin basqara bermek.

Eljan Birtanov - QR Densaulyq saqtau ministri

Birtanov ta óz qyzmetin әri qaray jalghastyra beredi. Asqar Maminning basqaruyndaghy Ýkimetting qúramyndaghy Densaulyq saqtau ministrligining tizgini qaytadan Birtanovta bolatyn boldy.

Arystanbek Múhamadiyúly - QR Mәdeniyet jәne sport ministri

Mәdeniyet pen sporttyng tizginin qatar ústaghan Arystanbek Múhamadiyúly da óz qyzmetinde qaldy.

Qanat Bozymbaev - QR Energetika ministri

Óz qyzmetinde qalghandardyng taghy biri Qanat Bozymbaev. Ol búdan búlay da Energetika ministri bolyp júmas jasaydy.

Asqar Júmaghaliyev - QR Sifrlyq damu, qorghanys jәne aerogharysh ónerkәsibi ministri

Al býgin Preziydent pәrmenimen qayta jasaqtalghan ministrlik - QR Sifrlyq damu, qorghanys jәne aerogharysh ónerkәsibi ministrligining tizginin Asqar Quanyshúly Júmaghaliyev ústaytyn boldy.

Berdibek Saparbaev - QR Enbek jәne halyqty әleumettik qorghau ministri

Al búghan deyin Aqtóbe oblysynyng әkimi qyzmetinde bolghan Berdibek Mashbekúly Saparbaev endi QR Enbek jәne halyqty әleumettik qorghau ministri bolyp taghayyndaldy.

Ayta keteyik, osyghan deyin atalghan qyzmetti atyshuly ministr Mәdina Ábilqasymova atqaryp kelgen.

Roman Sklyar - QR Industriya jәne infraqúrylymdyq damu ministri

Býgin Mәjilis kandidaturasyn maqúldaghan taghy bir adam Roman Sklyar boldy. Búl azamat býginnen bastap QR Industriya jәne infraqúrylymdyq damu ministri qyzmetin atqarady.

Búghan deyin Sklyar deytin azamat Jenis Qasymbek basqarghan Investisiyalar jәne damu ministrliginde viyse-ministr qyzmetin atqarghan eken.

Saparhan Omarov - QR Auylsharuashylyq ministri

Býgin ghana taghayyndalghan su jana ministrding bireui - Saparhan Omarov. Ol endi QR Auylsharuashylyq ministri qyzmetine kirisetin boldy. Onyng kandidaturasyn Mәjilis maqúldady.

Kýlәsh Shәmshidinova - QR Bilim jәne ghylym ministri

Júrtqa jaghymsyz Erlan Saghadiyev qyzmetinen ketip, onyng ornyna su jana ministr bolyp Kýlәsh Shәmshidinova taghayyndaldy, býgin.

Ruslan Dәlenov - QR Últtyq ekonomika ministri

Al Mamin tizginin ústaghan Ýkimetting Últtyq ekonomika ministri - endi Ruslan Dәlenov deytin azamat boldy.

Qysqashy osy. Astanadaghy auys-týiisting auany osy boldy. Preziydent qauly shyghardy. Mәjilis te óz mindetin qaltqysyz atqardy. Sóitip, Ýkimetting jagha qúramy bekitildi.

Abai.kz