Memleket basshysyna Tәjikstan Respublikasynyng Tótenshe jәne ókiletti elshisi Hayrullo Ibodzoda, Japoniyanyng Tótenshe jәne ókiletti elshisi Tasuhiko Kasai, Cheh Respublikasynyng Tótenshe jәne ókiletti elshisi Rudolif Gikl, Horvatiya Respublikasynyng Tótenshe jәne ókiletti elshisi Refik Shabanovich jәne Vietnam Sosialistik Respublikasynyng Tótenshe jәne ókiletti elshisi Nguen Thy Hong Oani senim gramotalaryn tapsyrdy. Búl turaly Aqordanyng resmy sayty jazdy.

Núrsúltan Nazarbaev elshilerdi Qazaqstandaghy diplomatiyalyq missiyalarynyng resmy týrde bastaluymen qúttyqtap, olardyng qyzmeti elimizdegi manyzdy reformalardyng jýzege asyrylu kezenimen túspa-tús kelip otyrghanyn atap ótti.

– Bizding maqsatymyz – әlemdegi ozyq damyghan 30 elding qataryna qosylu. Qazaqstannyng keleshegi zamanauy tehnologiyany jete mengergen óskeleng úrpaqtyng qolynda. Sondyqtan, osy jyldy «Jastar jyly» dep jariyaladym, – dedi Qazaqstan Preziydenti.

Memleket basshysy jastardy sapaly bilimmen, júmyspen jәne baspanamen qamtamasyz etu ýshin tiyisti sharalar qabyldanyp jatqanyn atap ótti.

Núrsúltan Nazarbaev biznes ahualyn jaqsartu, shetelden investisiya tartu jәne Qazaqstan eksportynyng baghyttaryn keneytu ýshin birqatar baghdarlamanyng jýzege asyrylyp jatqany jóninde aitty.

Qazaqstan Preziydenti halyqaralyq kýn tәrtibinde túrghan ózekti mәselelerge de toqtaldy.

– Jetekshi yadrolyq derjavalar arasyndaghy teketires әlem júrtshylyghyn alandatyp otyr. Osy orayda, Orta jәne kishi qashyqtyqtaghy zymyrandardy joy turaly sharttyng búzylu qaupin erekshe atap ótkim keledi. Beybitshilikti qalaytyn elder jahandyq jana apattyng boluyna jol bermey, onyng aldyn aluy qajet, – dedi Memleket basshysy.

Núrsúltan Nazarbaev Qazaqstannyng bitimgershilik qyzmetining nәtiyjelerin erekshe atap ótip, әlemde yadrolyq qarudy taratpau ýshin qabyldanghan sharalardyng manyzdylyghyna nazar audardy.

Qazaqstan Preziydenti elshilerge arnalghan sózinde memleketaralyq dostyq qatynastardy nyghaytu jәne ilgeriletu qajettigin aitty.

– Biz Tәjikstanmen dәstýrli yntymaqtastyq pen strategiyalyq seriktestikti damytugha zor mәn beremiz. Astana men Dushanbe arasyndaghy TMD, Újymdyq qauipsizdik shart úiymy, Shanhay yntymaqtastyq úiymy jәne basqa da halyqaralyq qúrylymdar ayasyndaghy yntymaqtastyqty qarqyndy nyghaytudamyz. Osy rette, Tәjikstannyng Aziyadaghy ózara yqpaldastyq pen senim sharalary kenesindegi tóraghalyghyna tabys tiley otyryp, atalghan baghytta birge júmys isteuge dayyn ekenimizdi aitqym keledi, – dedi Memleket basshysy.

Núrsúltan Nazarbaev Qazaqstan men Japoniya arasyndaghy qatynastardyng nәtiyjelerine jәne ony damytu perspektivalaryna toqtaldy.

– Byltyr Brusselide ótken ASEM sammiytinde Premier-Ministr Sindzo Abemen jýzdesip, eki memleket arasyndaghy qatynastardy odan әri nyghaytugha uaghdalastyq. 2018 jyly ózara sauda ainalymy 30 prosentke ósti. Biz japon kompaniyalarynyng Qazaqstan naryghyna atsalysuyna mýddelimiz jәne qajetti jaghday jasaugha dayynbyz, – dedi Qazaqstan Preziydenti.

Memleket basshysy Chehiya Preziydenti Milosh Zemannyng «EKSPO-2017» kórmesine kelui eki jaqty baylanystyng damuyna tyng serpin bergenin atap ótti.

– Ózara tiyimdi ekonomikalyq baylanystar ornatu eki el ýshin de manyzdy. Ýkimetaralyq komissiyanyng әleuetin paydalanuymyz qajet dep oilaymyn, – dedi Qazaqstan Preziydenti.

Memleket basshysy Qazaqstan men Horvatiya arasyndaghy yntymaqtastyqtyng nәtiyjelerine de toqtaldy.

– Songhy jyldary Horvatiya Respublikasymen baylanystarymyz aitarlyqtay nyghaya týsti. Men osy elding preziydentterimen әrdayym jaqsy qarym-qatynasta boldym. Byltyr Astanada alghash ret Horvatiya elshiligi ashyldy, – dedi Memleket basshysy.

Rәsim barysynda Núrsúltan Nazarbaev Qazaqstan men Vietnam arasyndaghy qatynastardyng tiyimdiligin atap ótti.

– Býginde Vietnam – Qazaqstannyng Ontýstik-Shyghys Aziyadaghy negizgi әriptesterining biri. Biz ekonomikalyq jәne sayasy qatynastarymyzdy joghary dengeyde damytu jónindegi júmystardy odan әri jalghastyra beruge niyettimiz, – dedi Núrsúltan Nazarbaev.

Sonynda Qazaqstan Preziydenti elshilerdi jauapty missiyalarynyng bastaluymen taghy da qúttyqtap, diplomatiyalyq qyzmetterine tabys tiledi.

Abai.kz