Memleket basshysy qaladaghy jana nysandarmen tanysu barysynda elordanyng 20 jyldyghyna oray Almaty oblysy qayta jóndeuden ótkizgen «Jetisu» sayabaghyna bardy.

Oblys әkimi A.Batalov Núrsúltan Nazarbaevqa sayabaqta Almaty oblysynyng kórnekti oryndarynyng bәri kórinis tapqanyn aitty. Onyng kire berisinde Jetisudi beyneleytin jeti arka, subúrqaqtary bar basty alleya ornalasqan, sonday-aq tau silemderining kórinisi jәne kiyiz ýige úqsas oryn-jaylary bar «Aport» alany, týrli jastaghy balalargha arnalghan «Tengri» alany, shaghan alleyasy, «Tamghaly tas» petroglifteri beynelengen tastar jәne Sharyn shatqalynyng ýlgisi bar.

Qazaqstan Preziydenti men kórermender ýshin sahnada Almaty oblysynyng tanymal әrtisteri jәne etnomәdeny ortalyqtarynyng ókilderi óner kórsetti.

Sharagha qatysushylar aldynda sóz sóilegen Núrsúltan Nazarbaev Almaty oblysy Astananyng mereytoyyna keremet sayabaq tartu etkenin jәne onyng elorda túrghyndarynyng sýiikti demalys ornyna ainalatynyn atap ótti.

– Býginde barlyq oblystar kómek kórsetip, qoldau bildirip jatyr. Óitkeni, Astana – býkil Qazaqstannyng jetistigi. Bas qala qúrylysyna ónirlerding bәri atsalysty jәne qazir múnda elimizding әr týkpirinen kelgen adamdar ómir sýredi. Biz HHI ghasyrda ghalamat dýniyeni birge jasadyq. Adamzat tarihynda múnday qalalar eshqashan 20 jyldyng ishinde salynbaghan. Al, biz saldyq! – dedi Qazaqstan Preziydenti.

Núrsúltan Nazarbaev sózining sonynda oblys basshylyghy men qúrylysshylargha rizashylyq bildirdi jәne sharagha qatysushylardyng bәrin aldaghy elorda kýnimen qúttyqtap, baq-bereke tiledi.

Sonymen qatar, Núrsúltan Nazarbaev qalanyng Almaty audanynda ornalasqan «Jerúiyq» sayabaghyn aralap kórdi. Onda Elbasygha 19 jyl búryn ózi otyrghyzghan alghashqy aghash kórsetildi.

Abai.kz