Qytaydan qashyp kelgen Sayragýl Sauytbaydyng densaulyghyna qatysty aqparattar anyqtaldy. 25-mausym 2018 jyl. Yaghni, býgin keshki saghat 21:13-te «Abai.kz» aqparattyq portalynda  «Qytaydan qashyp kelgen Sayragýl auruhanagha týsti» atty maqala jariya boldy. Onda Sayragýlding auruhanagha týskendigi jayly beyresmy aqparattyng әleumettik jelide taralghandyghy aityldy.

Biz búl aqparattyng ras ótirigin anyqtau ýshin Taldyqorghan qalasyndaghy birneshe auruhanagha habarlastyq.

Áueli Almaty oblystyq auruhanasyna habarlasqan ek. Ózin medbiykemin dep tanystyrghan Túraqova Almira Núrsúltanqyzy (atalghan auruhananyng qyzmetkeri) songhy 1 aptanyng ishinde  (19-25 mausym aralyghynda) Sayragýl Sauytbay esimdi azamatshanyng týspegenin aityp ant-su ishti. «Auruhananyng kompiterlik bazasynda Sayragýl Sauytbay esimdi adam tirkelmegen»,- degen edi.

Sodan №2-Taldyqorghan qalalyq auruhanasyna habarlastyq. Sayragýl onda da joq bolyp shyqan. Keyin Sayragýldi izdep, Taldyqorghan qalalyq kópsalaly auruhanasyna habarlastyq. Toqtasyn Erasyl esimdi azamat telefon tútqasyn kóterdi. Ózi kezekshi dәriger (medbrat) eken. Sayragýl Sauytbay esimdi azamatshanyng auruhanada jatqan adamdar tiziminde joqtyghyn aitty.

Artynsha Taldyqorghandaghy uaqytsha tergeu izolyatoryna qonyrau shaldyq. Sayragýlding qayda ekendigin súradyq. Esim-soyy Maqsat Ensebaev degen UTI  qyzmetkeri, qabyldau bólimining mamany bizge Sayragýlding tergeu izolyatorynda jatqanyn aitty.

Degenmen jogharydaghy maqalada qúzyrly organ tarapynan Sayragýl Sauytbaydyng densaulyghyna qatysty keybir mәlimetter jasyryn ústaluy mýmkin ekenin de jazdyq. Jazghanymyz sol-aq eken, Sayragýlding qayda ekeni anyqtyldy.

«Atajúrt jastary» eriktiler birlestigining jetekshisi Serikjan Bilәshúlyna Taldyqorghandaghy belsendi azamattar habarlasyp, Sayragýlding oblystyq auruhanada jatqanyn aitty. Belsendiler Sayragýlding sonynan atalghan auruhanagha izdep barghan. Anyqtalghan aqparat mine:

Sayragýl Sauytbay oblystyq auruhanada jatyr. Neyrohirurgiya bólimi. 3-qabat, 12-bólmede. Esiginde qaru asynghan eki saqshysy taghy bar. Eshkimdi kirgizbeytin kórinedi. Izdep barghan azamattar jolygha almaghan. Al auruhanadaghy kezekshi dәrigerler «Sayragýlge qatysty aqparatty UTI  dәrigerinen ala alasyzdar», dep jauap bergen eken.

Biz alghashqyda «Sayragýl esimdi eshkim joq» degen auruhana medbiykesi Almiramen sóilespekke, oblystyq auruhananyng qabyldau bólimine qayta qonyrau shaldyq. Búl joly telefon tútqasyn Sәule Ahatqyzy esimdi sanitar kóterdi. «Men eshqanday aqparat bere almaymyn. Almira Núrsúltanqyzy ýiine qaytyp ketken. Erteng keledi. Qazir bizde kezekshi dәriger bar. Saltanat Janatqyzy. Sol kisini shaqyryp keleyin. Jarty saghattan song habarlasynyz», dep jauap qaytardy.

Biz arada jarty saghat ótkende oblystyq auruhanagha qayta habarlastyq. Telefon tútqasyn Abdyqasymova Kýlәsh Núrdauletqyzy kóterdi. Oblystyq auruhananyng qabyldau bólimindegi kezekshi medbiyke eken. Sayragýl Sauytbaydyng auruhanada jatqanyn rastap berdi.

«Ol bizde jatyr. 23-mausym kýni kelip týsken. Qazir Neyrohirurgiya bóliminde jatyr. Ol turaly naqty aqparatty erteng anyqtap bile alasyzdar. Neyrohirurgiya bólimining bas dәrigeri, bólim basshylar erteng keledi. Men sizge basqa aqparat bere almaymyn», dep qysqa qayyrdy.

Kýlәsh Núrdauletqyzy sóz arasynda Sayragýlding miy shayqalghanyn aityp qaldy. «Jo-joq, oghan operasiya jasalghan joq. Ol bizde sotryaseniyemen jatyr ghoy. Ayttym ghoy. Ol turaly erteng habarlasyp biliniz», - dedi.

Ayta keteyik, osyghan deyin, «qúzyrly organ ókilderi Sayragýlding densaulyghyna qatysty keybir aqparatty jasyryn ústauy da mýmkin degen kýdigimiz de joq emes» dep jazghan ek. Aytqanymyzday-aq, boldy.

Degenmen, Sayragýlding isine qatysty «Abai.kz» aqparattyq portalynda dýrkin-dýrkin maqala jazyldy. Osy maqalalar arqyly biz Sayragýlding mәselesin qogham talqysyna úsyndyq. «Bir adamnyng taghdyry - últtyng taghdyry» ekenin búqaragha dәleldedik. Sayragýlding mәselesi, onyng taghdyry, onyng densaulyghyna qatysty kez kelgen mәlimet ashyq boluy kerek. Qytaydyng sayasy sýrgininen saugha súrap, shekarany zansyz kesip ótip, balalary ýshin qaraqan basyn qaterge baylap kelgen Sayragýlding mәselesi býtin qazaq júrtynyng nazarynda ekenin qúzyrly organ nazaryna jәne bir mәrte eskertkendi jón sanaymyz.

Osy rette aita keteyik, Sayragýl Sauytbay Qytayda qytay tilinen sabaq bergen. Balabaqsha diyrektory bolghan. Shy tóraghanyng shyrghalany bastalghan kezde sayasy oqytu lagerine adam aparghan. Qytay kompartiyasyna qyzmet etken adam. Bir sózben aitqanday, Qytay biyligining sayasy qúpiyalarynyng shetin bilgen adam.

Sayragýlding erlikke para-par «qylmysy» - dýiim júrttyng talqysynda. Bir ghana Sayragýlding jayy - býkil Qytaydaghy qazaqtyng taghdyryn kóz aldymyzgha keltiredi. Sondyqtan da, bizding qúziretti organdar Sayragýl Sauytbaygha keshirimmen qarap, bostandyqqa shygharugha tiyis. Sayragýl sekildi azamattardyng bәrine azamattyqty jyldam jasap, óz qazaghymyzgha qorghan bola alsaq, úrpaq aldyndaghy mindetimizding oryndalghany...

Núrgeldi Ábdighaniyúly

Abai.kz