Q. Toqaev Indoneziya Preziydentine Din kóshbasshylary Sezine shaqyrudy tabys etti, - dep habarlaydy Abay-aqparat. Indoneziyada saparda jýrgen Qazaqstan Respublikasy Parlamenti Senatynyng Tóraghasy Qasym-Jomart Toqaev birqatar ekijaqty kezdesuler ótkizdi.

Q. Toqaevtyng el Preziydenti Djoko Vidodomen kezdesui sapardyng basty oqighasy boldy. Memleket basshysy N. Nazarbaevtyng tapsyrmasy boyynsha Senat Tóraghasy Indoneziya basshysyna biylghy qazan aiynda Qazaqstangha resmy saparmen keluge shaqyruyn jetkizip, Álem jәne dәstýrli dinder liyderlerining VI Sezine qatysugha shaqyrudy tabys etti.

Q.Toqaev Astanadaghy dinaralyq forum din kóshbasshylarymen qatar әlemdik dengeydegi sayasatkerler de bir ýstel basynda bas qosatyn ýnqatysu alany retinde moyyndalghanyn atap ótti. Sezd júmysyna BÚÚ Bas hatshysy, kóptegen memleketterding basshylary, halyqaralyq úiymdardyng jetekshileri qatysty. Senat Tóraghasy jer jýzindegi iri músylman memleketi basshysynyng Astana forumyna qatysuy, islam әlemindegi Indoneziyanyng manyzdy rólin eskere kelgende, «Diny qayratkerler qauipsiz әlem jolynda» taqyrybyna arnalghan aldaghy sammitting tabysty ótetinine yqpal etetinin atap ótti.

Q.Toqaev ekijaqty qatynastardyng keleshegi turaly aita kelip, Qazaqstan Ontýstik-Shyghys Aziyadaghy jetekshi elderding biri – Indoneziyamen jan-jaqty әri ózara tiyimdi yntymaqtastyqty damytugha erekshe manyz beretinine nazar audardy. Keyingi jyldarda ekijaqty qatynastardyng barlyq baghyttary boyynsha, atap aitqanda, sauda-ekonomikalyq, aimaqaralyq yntymaqtastyq, mәdeniy-gumanitarlyq jәne parlamentaralyq ózara is-qimyl salalarynda ong ózgerister kórinis tauyp otyr.

Q. Toqaev iske qosylatyn jana kólik-logistika baghdarlarynyng keleshegine, birinshi kezekte Qazaqstannyng «Núrly Jol» baghdarlamasy men QHR-dyng «Jibek jolynyng Ekonomikalyq beldeui» bastamasynyng úshtasu josparyna baylanysty jana mýmkindikterge toqtaldy. Atap aitqanda, «Qazaqstan - Lyaniunigan porty (QHR) – Aziya-Tynyq múhity aimaghyndaghy teniz porttary» kólik dәlizining mýmkindikteri sauda-ekonomikalyq yntymaqtastyghyn terendetuge yqpal etetin bolady.

Islamdyq qarjylandyru salasyndaghy Indoneziyanyng mol tәjiriybesin eskere otyryp, Qazaqstan tarapy Astana halyqaralyq qarjy ortalyghynyng ayasynda Indoneziya qarjy instituttaryn júmysqa tartugha yqylas bildirip otyr. Memleket basshysy Astana halyqaralyq qarjy ortalyghy qyzmetining basym baghyttarynyng biri retinde islam qarjylandyruyn ataghan bolatyn. Djoko Vidodo óz kezeginde Qazaqstangha shaqyruyna oray Preziydent N. Nazarbaevqa alghys aitty әri sayasi, ekonomikalyq jәne mәdeny ekijaqty baylanystardy úlghaytu maqsatynda barlyq sharalardy qabyldau jónindegi niyetin jetkizdi.

Qazaqstan Senatynyng Tóraghasy men Indoneziya Halyq kenesshileri kongresining Tóraghasy Zulkifly Hasanmen әngimesining taqyryby parlamentaralyq baylanystardy nyghaytudyng keleshegi turaly boldy. Q.Toqaev Qazaqstannyng sayasy jýiesining erekshelikteri turaly habardar etip, Parlament jogharghy Palatasynyng konstitusiyalyq ókilettikteri jayynda әngimelep berdi. Indoneziya tarapy Qazaqstannyng preziydenttik bes әleumettik bastamasyn iske asyrudaghy jospary men sayasy jәne ruhany janghyru baghdarlamasyna erekshe yqylas bildirdi.

Q. Toqaevtyng Indoneziya Halyq ókilderi kenesining Tóraghasy Bambang Susatiomen kezdesuinde zang shygharu organdarynyng ýnqatysu mәseleleri әngime ózegine ainaldy. Ángime barysynda Qazaqstan men Indoneziyanyng ózara yntymaqtastyghyn nyghaytudaghy parlamentaralyq qúramnyng manyzdy róli atap ótildi. Q. Toqaev eki elding zang shygharu organdarynda qyzmet etetin deputattyq dostyq toptarynyng júmysyn óristetuge shaqyrdy.

Q.Toqaevtyng sapar baghdarlamasy boyynsha Indoneziya Viyse-preziydenti Yusuf Kallamen kezdesui 14 nauryzgha belgilendi. Qazaqstan delegasiyasy mәdeny baghdarlama ayasynda Jakartadaghy Últtyq tәuelsizdik monumentinde jәne «Taman Miny Indoneziya» parkinde boldy.

Qazaqstan Respublikasy Parlamenti

Senatynyng Baspasóz qyzmeti