(Ábish aghammen baqúldasu)

Jýregimiz jylap, janymyzdy júbatatyn sóz tabay almay sizdi de kózimiz qimay qara jerding suyq qoynyna tapsyrdyq Ábish, agha! Kesheden beri ózinizdi joqtap aza tútqan halqynyz sizdi nargha da, tolaghaygha da, taugha da, әuliyege de tenep mahabbatyn bildirip jatyr. Basqa júrt sizdi kimge tenese de óz erki, biraq men ýshin siz eng aldymen - osy sózding úly maghynasyndaghy ADAM ediniz. Sizben sóileskenimde adam janynan jarqyraghan úly sәulening meyirimine jylynghanday kónilim eljirep sala beretin. Pendelik tirlikten jalyqqanymda adamdyq parasatty ansap, sizdi izdeushi edim, Ábish agha.
Jazghan shygharmalarynyzda adamgha tәn mahabbat, adamgha tәn tazalyq, adamgha tәn úlylyq, adamgha tәn terendik, adamgha tәn biyiktik, adamgha tәn parasat mol boldy. Qúday jaratqan bolmysynyzda adamgha tәn osaldyq bolghan shyghar, biraq, pendege tәn osaldyq bolghan emes. Ómirding múz-aydynynda tayghanap ketken kezinizde talay dúshpandarynyz syrtynyzdan neshe týrli sózdi qarsha boratqanda da siz olargha qarsy bir auyz sóz aitpadynyz. Óitkeni, siz esh uaqytta da myna bizder siyaqty, adamdardy jaqsygha nemese jamangha bólgen joqsyz.. Dúshpan deymin-au!. Sizdi ózining dúshpany sanaghandar bolghan shyghar, biraq siz eshkimdi de dúshpan sanaghan joqsyz, ózinizge. 
Býgin jeltoqsannyng qaq ortasy bolghanyna qaramastan kýn erekshe shuaghyn shashyp, Saryrqanyng dalasyn jylytyp jiberdi. Astanagha kelgenime alty jyldan asqan men, qystyng ortasynda búl qaladan túnghysh ret tap osynday qúbylysty bayqap túrmyn. Bәlkim, búl sizding aspangha úshyp bara jatqan janynyzdan taraghan jylylyqtyng songhy qyzuy shyghar. 
Qosh bol, abyz agha! Endi sizding ghúmyry mәngilik ekinshi ómiriniz bastaldy. Jeltoqsannyng qara suyghynda tonghan kezimde ózinizdi eske alyp, sonau kózindi taldyratyn biyiktegi aspangha qarap, parasat sәulesin izdep, әli talay saghynatyn bolamyn asyl beynenizdi.

Amangeldi Kenshilikúly

Facebook-tegi paraqshasynan