Keshe Qazaqstan Jurnalister odaghy biylghy Baspasóz kýnine oray anyqtalghan laureattargha әrtýrli atau-aydary bar syilyqtar tapsyryp bastaghan. Kenet ortagha úmytylyp shygha bergen aghayyndy ústalar – Túrsynjan, Mahmút jәne Aytbergen Jetenúldary (Qúlmentegi) «DAT» jobasy boyynsha shyghyp kele jatqan «Obshestvennaya pozisiya» gazetining bas oqyrmany Ermúrat Bapigha «Almas qylysh» syilyghyn tapsyrdy.

«Almas qylysh» syilyghy... Búl qanday syilyq?  «Almasy qylysh» turaly Mahmút myrza bylay dedi: «Biz últjandy bir top qogham ókilderimen aqyldasyp-kelisip, osydan birer jyl búryn «Almas qylysh» syilyghyn taghayyndaghan edik. Sodan beri últ mýddesin úran etken azamattargha qogham ókilderining syiy retinde, óz qolymyzdan qúighan ejelgi kóshpendiler qaruyn syilyq retinde tartu etudi dәstýrge ainaldyryp kelemiz. Onyng búghan deyingi iyegerleri – Jәrken Bódesh, Oljas Sýleymenov, Rollan Seysenbaev, Talghat Aytbayúly boldy. Endi osy qatargha Ermúrat Bapidy layyq sanap, «Almas qylyshty» tapsyryp otyrmyz».

Ermúrat Bapiyding «qynyna» almas qylysh salaghan ústalar gazetting bas redaktorynyng mindetin atqarushy batyr qyz Baqytgýl Mәkimbaydyng qolyna gýrzi ústatty. Bәrekelde! 

- Biz, әriyne, qaltaly kәsipker emespiz, biraq ejelgi kóshpendi qazaqtyng ústalyq óneri qolymyzdan keledi. Ony býginde Qazaqstan ghana emes, Týrki dýniyesine tanytqan synaydamyz. Qazir biz ózimizben pikirles qogham ókilderining kelisimimen búl syilyqty elim dep, jerim dep, últym, mәdeniyetim, ar-úyatym dep jýrgen últjandy azamattargha berip jýrmiz. Keyingi jastargha ýlgi bolarlyq aghalarymyzgha da berip kelemiz. Úly Abay atamyz aitqan ghoy: «Birindi, qazaq, biring dos, kórmesen, isting bәri bos!» – dep. Sol ýshin de búl syilyq bizding qolymyzben jasalghan halyqtyng syilyghy deuge bolady, - deydi aghayyndy ústalardyng kishisi Aytbergen Jetenúly.

 Ras, ústalardyng syilyghy – halyqtyng syiy. Áygili «Dat» jobasymen shyghyp kele jatqan gazet ýshin búdan artyq qanday syilyq bolsyn! Quanyshqa ortaqpyz.

Abai.kz