Almatyda 100-den astam adamdy aldaghan "Kәusar trevel" kompaniyasynyng basshysy ústaldy. Ol әrbir adamnan kem degende myng dollardan alghan. Sayram audanynyng túrghyny Jarqyn Bekmyrzaevqa umranyng sertifikatyn kelinshegi tosynsyy retinde tughan kýnine syilaghan. Talay jylghy armany bolghan kiyeli sapargha erli-zayypty qantarda úshuy kerek edi. Alayda týrli syltau aitqan "Kәusar trevel" turfirmasy bas-ayaghy 57 adamdy ýsh kýn keshiktirip, Medina qalasyna jetkizipti. Biraq qonaýige bara sala, turfirma ókilderi oryn dayyndaymyz dep, sol kýii izim-ghayym joghalghan.

"Tanerteng jetide ekskursiya bolady, dayyndalynyzdar dedi de, "Kәusar trevel" ókili ketip qaldy. Sodan biz tanerteng túrsaq, "Kәusar trevel" ókilderi de joq, avtobus ta joq, tamaghy da dayyn emes, aqshasy da tólenbegen", - deydi Bekmyrzaev.

Beytanys qalada til bilmeytin 57 adamnyng jaghdayyn sol jaqta jýrgen qazaqtar estigen. Sodan basqa turfirma ókilderi kómekke kelgen. Olar Medinadan eki-ýsh kýnge qonaqýy jaldap, ary qaray Mekkege saparyn úiymdastyryp bergen. Tipti, qasiyetti Qaghba manynan bes kýnge jatyn oryn jaldap beripti. Al elge oralatyn uaqyt tayaghanda turfirma basshysy Medet Múratbayúly qaytar biylet dayyndap jatyrmyn dep, taghy da habar-osharsyz ketken.

"Demeushilerding aqshasyn eseptemegenning ózinde millionnan asa shyghyngha battyq. Demeushilerding kóp kómegi boldy. Qonaq ýy jaldap, tamaq alyp berdi. Qonaq ýiding bir kýni 180 dollar eken", - dep atap ótti Jarqyn Bekmyrzaev.

Onyng aituynsha, Mekkede "Kәusar trevel" aldap ketti degen 70 shaqty adam jýrgen. Qazir Almaty men Shymkentten qasiyetti sapargha shygha almay otyrghandar kóp eken. Olar da polisiyagha da aryz jazghan. Osydan keyin tәrtip saqshylary "Kәusar treveldyn" basshysyna izdeu salyp, Medet Múratbayúly Almatydaghy jaldamaly pәterlerding birinde ústaldy.

"Mekke men Medina qalalaryna joldama alyp, 50-ge juyq adamdy aldaghan turistik agenttikting basshysy ústaldy. Atalghan jәit boyynsha QR QK 190-babymen qylmystyq is qozghalyp, kýdikti qamaugha alyndy", - deydi poliyseyler.

Turfirmagha aldanghandardyng naqty sanyn poliyseylerding ózi aita almay otyr. Sebebi búghan deyin úsha almaghandardan bólek, aldaghy aqpan aiyna aqsha berip qoyghan azamattar da bar.

Abai.kz