Ukrainagha Resey soghys bastaghaly әlem elderi ukrain halqyn barynsha qoldaugha tyrysuda. Bir tarap ashyq әskery kómek kórsetip, Reseyge dýrkin-dýrkin sanksiya salyp jatyr. Endi biri gumanitarlyq kómek kórsetudi qúp kórude. Búl túrghydan Reseymen birneshe úiymgha mýshe sanalatyn elderge qiyn soghuda. Órkeniyetti әlem jәne agressiyashyl Resey arasynda balans ústau qiyngha soghuda. 

Qazaqstan sonday elding biri. Reseymen ekonomikalyq odaqta, әskery úiymgha mýshe. Sondyqtan búl qaqtyghysta balans ústau sayasatyn qúp kóredi. Ukrainany ashyq jaqtasa Resmeyding qaharyna úshyrauy mýmkin, al Reseydi qoldasa Batystyng toqpaghyna úshyrauy ghajap emes. Sondyqtan Qazaqstan biyligi týrli amalmen birde myna tarapty, birde myna tarapty qoldap otyrugha mәjbýr. Búl sayasy oiyndy Batys ta, Resey de týsinetin siyaqty. Alayda arasynda Mәskeuding jýikesi syr beretini bar. Ásirese songhy uaqytta. Ukraina frontyndaghy san sәtsizdik Kremliding songhy jýike talshyqtaryn ýzip jatyr.

Qazaqstan soghys bastalghaly birneshe súraqtyng basyn ashyp, jauabyn berdi. Birinshisi, Qazaqstan Reseyge salynghan sanksiyalargha qosylmaydy. Ekinshisi, Qazaqstan óz aumaghy arqyly Reseyge salynghan sanksiyalardyng ainalyp ótuine de jol bermeydi. Ýshinshisi, Qazaqstan búl soghysty qoldamaydy, mәseleni diplomatiyalyq jolmen sheshu kerek dep sanaydy. Tórtinshisi, Qazaqstan Ukrainanyng Lugansk, Donesk jәne basqa aimaqtaryn Kiyevke tiyesili dep sanaydy jәne onyng aumaqtyq tútastyghyn qoldaydy. Búl osy uaqytqa deyin aitylghan jәne aitylyp kele jatqan mәsele.

Búl súraqtargha qatysty Resey tarapy birneshe mәrte ózining kelispeushiligin, narazylyghyn, arasynda tipti óktemdigin kórsetti. Mysaly reseylik sarapshylar "Qazaqstan arqyly sanksiyalardy ainalyp ótuge jol bermeymiz" degendi birneshe mәrte "Astana tarapynan jasalghan satqyndyq" dep atady. Qazaqstannyng BÚÚ otyrystarynda Reseyd qoldamay, qalys qaluyn da solay baghalap keledi. Songhy mәrte Qazaqstan Reseydi qoldap dauys bergeni bar.

Nauryz aiynda Almaty qalasynda myndaghan adam qatysqan miting ótti. Mitingke jinalghan júrt Ukrainany qoldap, Reseydi ashyq aiyptady. Búl aksiyany "Batysqa baghyttalghan әreket" dep baghalaushylar bar. Artynsha qazaqstandyqtar Ukrainagha gumanitarlyq kómek kórsetu ýshin qarjy jinap, týrli qajettilikterdi Ukraina elshiligine aparyp berdi. Resey әskeri úrys dalasyndaghy sәtsizdikterin qogham aldynda kompensasiyalau maqsatynda Ukrainanyng infraqúrylym keshenderin zymyranmen soqqylau әdisine kóshti. Jaryq pen jylusyz otyrghan Ukraina qoghamy Kiyevke qysymdy arttyryp, Zelenskiy rejiymin tiyimsiz kelisimge kóndiredi dep sanady. Alayda olay bolmay shyqty. Jaryq pen jylusyz qalghan ukrainderge әlem elderi generatorlar bere bastady. Olardyng ishinde Qazaqstan tarapy da bar. Qazaqstan Ukrainagha 41 generator berdi. Bakudyng Ukrainagha generator bergenine baj ete qalghan Mәskeu, Qazaqstannyng generator bergenine tis jarmady.

Alayda generatorgha ýndemegen Mәskeu Buchagha tigilgen kiyiz ýidi kórgende tóbe shashy tik túrdy, jýikesi syr berip, qany basyna shapty. Baj ete qaldy. Qazaq kәsipkerleri kóktemge basqynshylar genosid jasaghan Bucha qalasyna kiyiz ýiler tigip, jergilikti halyqqa jylynu ornyn jasap, tegin tamaq taratu nýktesin ashqan bolatyn. Esi dúrys, adamgershilikti tu etken sanaly adamzattyng әreketi búl. Alayda Resey búl әreketten jaulastyq kórgendey órshelene týsti. "Búl kiyiz ýilerdi resmy Astana tikpedi degen aqparat aldyq, ol boyynsha Qazaqstan biyligi de týsinikteme berer dep oilaymyz" dedi Resey SIM ókili Zaharova.

Qazaqstan biyligi týsinikteme berdi. SIM ókili Aybek Smadiyarov kiyiz ýidi tiguge elshilik qatyspaghanyn, búl iydeyany kәsipkerler iske asyrghanyn jәne búl әreketten qanday da bir oghashtyq kórip túrmaghanyn aitty. Ol kiyiz ýiding kóshpendilerde bar bolghanyn maqtanysh ekenin de aitty. Sarapshylar Smadiyarovtyng jauaby diplomatiyalyq tilmen sәtti shyqqanyn jazuda.

Buchadaghy kiyiz ýige tyrysa qalghan reseylik tarap, býgin Kiyevte tigilip jatqan 16 qanatty 63 kv. metrdi qúraytyn kiyiz ýidi kórgende ne der eken. Kiyevtegi kiyiz ýiding saltanatty ashyluy senbi kýni bolmaq. Kiyevten bólek Harikov, Odessa qalalarynda da kiyiz ýiler tigilmek. Zaharova ne der eken?..

Ka Myrza

Abai.kz