Senbi, 26 Qırküyek 2020
COVID-19 QAZAQSTANDA. Jwqtırğandar — 107659. Jazılğandar — 102530. Qaytıs bolğandar — 1699
Jañalıqtar 2807 0 pikir 28 Qırküyek, 2012 sağat 12:56

Halıq talabı – ädilettilik

Qazaqstan Respublikasınıñ   prezidenti N.Ä.Nazarbaevqa 2011 jıldıñ 16-17 jeltoqsan künderi Jañaözen men Şetpede jäbir körgen, japa şekken mwnayşılar men qala twrğındarı atınan

AŞIQ HAT

2011 jıldıñ 16 jeltoqsan küni sağat 10.00-şamasında qala äkimşiliginiñ tapsırması boyınşa, täuelsizdiktiñ 20 jıldığına oray, merekelik şeru bastaldı. Jwrt mülde kütpegen bwl şeru kezinde policiya qızmetkerleri eñbek dauımen twrğan mıñdağan mwnayşı azamattarğa qarsı arandatuşılıq äreketterin jasadı. 7 ay boyı eñbek­aqı mäselesi boyınşa jwmıs beruşi­lerge talap qoyıp, beybit türde narazılıq tanıtqan mwnayşılardı alañnan ketirudiñ osınday qitwrqı täsilin qoldandı. Arandatuşılıqtıñ soñı qantögiske wlastı. Avtomatpen, tapanşamen, sonday-aq tayaqpen qarulanğan işki ister qızmetkerleri sağat erteñgi 11-ler şamasında qarapayım halıqqa eşqanday eskertusiz oq jaudırdı.

Policiyanıñ suıq qaruınan atılğan oqtan qwlap jatqan adamdardı körip halıq jan-jaqqa bas sauğalap qaştı, al policiya qızmetkerleri qatardan bölinip şığıp qaşıp bara jatqan adamdardı quıp jürip attı, oqtı qarşa borattı.

Policiyanıñ beybit halıqqa atıs qaruın zañsız qoldanuınıñ saldarınan 100-den asa adam ayağınan, qolınan, moynınan, keudesinen, jambasınan jaraqat aldı. 16 adam qaza boldı.

Qazaqstan Respublikasınıñ   prezidenti N.Ä.Nazarbaevqa 2011 jıldıñ 16-17 jeltoqsan künderi Jañaözen men Şetpede jäbir körgen, japa şekken mwnayşılar men qala twrğındarı atınan

AŞIQ HAT

2011 jıldıñ 16 jeltoqsan küni sağat 10.00-şamasında qala äkimşiliginiñ tapsırması boyınşa, täuelsizdiktiñ 20 jıldığına oray, merekelik şeru bastaldı. Jwrt mülde kütpegen bwl şeru kezinde policiya qızmetkerleri eñbek dauımen twrğan mıñdağan mwnayşı azamattarğa qarsı arandatuşılıq äreketterin jasadı. 7 ay boyı eñbek­aqı mäselesi boyınşa jwmıs beruşi­lerge talap qoyıp, beybit türde narazılıq tanıtqan mwnayşılardı alañnan ketirudiñ osınday qitwrqı täsilin qoldandı. Arandatuşılıqtıñ soñı qantögiske wlastı. Avtomatpen, tapanşamen, sonday-aq tayaqpen qarulanğan işki ister qızmetkerleri sağat erteñgi 11-ler şamasında qarapayım halıqqa eşqanday eskertusiz oq jaudırdı.

Policiyanıñ suıq qaruınan atılğan oqtan qwlap jatqan adamdardı körip halıq jan-jaqqa bas sauğalap qaştı, al policiya qızmetkerleri qatardan bölinip şığıp qaşıp bara jatqan adamdardı quıp jürip attı, oqtı qarşa borattı.

Policiyanıñ beybit halıqqa atıs qaruın zañsız qoldanuınıñ saldarınan 100-den asa adam ayağınan, qolınan, moynınan, keudesinen, jambasınan jaraqat aldı. 16 adam qaza boldı.

Halıqqa atıs qaruın zañsız qoldanudı toqtatu jöninde oblıs, qala basşıları tarapınan eşqanday bwyrıq bolmağan.

Halıqtı jappay qıruğa jüzden astam policiya qızmetkerleri qatıstı. Solardıñ işinen tek qana bes policiyanı kinäli dep tauıp, olardı QR Qılmıstıq kodeksiniñ 308- babı, 4-böligimen sottadı. Al ädildigine keletin bolsaq, bwl policeyler - nağız kisi öltiruşiler. YAğni, bwlar qasaqana adam öltiru babımen sottaluı kerek edi.

9 adamnıñ qazası qay policiyanıñ qa­r­uınan atılğan oqtan bolğanı belgisiz küyinde qaldı. Sonday-aq 97 adamdı avtomatpen atıp jaralağan policiya qızmetkerleriniñ kimder ekeni de anıqtalmadı. Özderi jasağan qılmıstı özderi qalay aşsın. Mwnıñ bäri - atu da, sottau da joğarıdan bolğan bwyrıqpen jasalıp jatqanın halıq biledi.

Sot procesi oqiğa ornı - Jañaözen men Şetpede ötui kerek edi. Sot Aqtau qalasında ötti. Ne sebepti qarapayım halıqtı Aqtau qalasına şwbırttı? Bizder - jäbirlenu­şiler bir ay köleminde Aqtau qalasına - 160 şaqırım jerge künde qatınap älek boldıq. Köptegen jäbirlenuşiler sotqa tolıq qatısa almadı. Öytkeni künde qatınauğa jol qarajatı jetpedi.

Qazaqstan ökimeti bwl qandı oqiğağa qaşan ädil bağa berer eken? Halıqtı jerge qaratu, jüregin auırtu, köñilin qaldıru, senimin öşiru qaşanğa deyin jalğasar eken? Jañaözende bolğan qandı oqiğanı, silkinisti bwzaqılıqqa emes, erlikke teñegen bolar edik. Nege biz jasqanıp, tabanğa jazıqsız taptalıp ötuge tiistimiz? Söziñdi jergilikti bilik tıñdamasa, jazğan arızıñdı joğarğı bilikke jetkizbese, astınan sız ötip, töbesinen kün tesip aştıq jariyalasa da, joğarıdan köretin köz bolmasa, adam basımen aram ölu kerek pe? Mal ekeş mal da ölerinde twyaq serpip barıp ölmey me? Jañaözendegi qandı oqiğanı twyaq serpu dep bilemiz.

Halıqqa oq atu - qanıpezerlik! Qwdaydıñ ekinşi atı - halıq emes pe?! Qolında küşi, zañı bar bilik nege jazıqsız beybit halıqqa oq attı? Qazirgi tañda Jeltoqsan oqiğasında jazıqsız beybit halıqtıñ qanı tögiluine, ölimine sebepşi bolğan basşılar - Q.Köşerbaev, oblıstıq Işki ister depar­tamentiniñ bastığı A.Qabılov, qalalıq işki ister basqarmasınıñ basşıları M.Qojaev, U.Mıltıqov, A.Öteşov, Özenmwnaygaz direktorı K.Eşmanov jäne Miroşnikov erkin­dikte jür. Olardıñ qılmıs­qa tartılıp sottalmauı jäbirlenuşi halıqtıñ qabırğasına batıp, ıza-kegin odan beter küşeytude, kinäli twlğalar QK-niñ 164-babı boyınşa jauapqa tartılıp, tiisti jazasın alıp sottalmasa, bwnıñ artı jaqsılıqqa aparmaydı. Qaytadan qantögis bolatının qaperi­ñizge beremiz. Bwl - bizdiñ birinşi talabımız.

Ekinşi talabımız: ereuil­ge öz müddelerin ädildik jolında qorğap şıqqan, jazıqsız qamalıp sottalğan mw­nayşılar men Jañaözen, Şetpe azamattarı - Dosmağanbetov Maqsat, Jüsipov Qanat, Jarılğasınov Narın, Ötkilov Şabdol, Qaliev Tañat, Töletaeva Roza, Saqtağanov Talğat, Besmağanbetov Jaras, Amanov Marat, Edilov Qanat, Qosbarmaqov Mwrat, Nepesov Bauırjan, Asqarwlı Nwrlan, Avezov Hoşmwrat, Mamedov Erjan, Bauırjan Ğabiden, Säuirbaev Nwrbolat aqtalsın, türmeden bosatılsın. Olarğa tergeu kezinde qısım körsetilip, negizsiz, dälelsiz qılmıstıq is qozğalğanı, ayıp taqqanı sotta däleldendi, halıqtıñ oğan közi jetti.

Üşinşi talabımız: jeti ay boyı eñbek dauımen twrğan mıñdağan azamattarğa özderiniñ qwqıqtarın qorğau jolında kömek körsetken A.Äminov, V.Kozlov, S.Saparğali QR Qılmıstıq kodeksiniñ 164-inşi jäne     170-baptarı­men ayıptalıp, sotqa tartıldı. Bwl - bizdiñ eldigimizge jäne azamattığımızğa ülken sın. Nağız halıq janaşırların öz qolımızben twnşıqtırudamız. Osı aytılğan azamattardı dereu sot zalınan bosatudı talap etemiz.

Törtinşi talabımız: 2011 jıldıñ 16-17 jeltoqsan künderi Jañaözen qalasındağı jazıqsız halıqqa oq atudı toqtatudı swrap köşege şıqqan Şetpe halqına da oq jaudırılğan bolatın. Sonıñ saldarınan Tölegenov Törebek Jänibekwlı oqqa wştı, qaza boldı. Köptegen azamattar auır dene jaraqatın aldı. Qanşa adamnıñ jaraqat al­ğanı jöninde resmi derek tağı joq. Audan äkimi Q.Boqanov osı oqiğanıñ barlığın jasırıp baqtı. Şetpe kentine qarulı äsker kirgizip halıqtı atqızuğa bwyrıq bergen barlıq kinäli adamdar anıqtalıp, jazalanuı tiis.

Besinşi talabımız: policiya oğınan qaza tapqandardıñ otbasına berilgen 1 million teñge, jaralanğandarğa bölingen 500 mıñ teñge mülde layıqtı emes. Azamattardıñ ömiriniñ, tögilgen qannıñ qwnın bwlayşa eseptegenine narazımız. Qaytıs bolğandar äuletiniñ asırauşısı edi. Endi olardıñ ata-anasın, äyelin, balaların kim bağadı? Ükimettiñ jarılqadıq, berdik degen teñgesi ölim-jitimdi atqarumen-aq tügesildi. Jaralanğandardıñ emdelip, jazıluına, qalıpqa keluine älgi qarajat jetpeydi. Tayauda Astanada qwlağan tikwşaqtıñ qaytıs bolğan wşqıştarı men Sizdiñ küzetiñizdiñ adamına Jañaözendikterge atalğannan 8 ese köp qarjı berdi emes pe? Ol dwrıs ta şığar, biraq bizdi kemsitkendey körinetinin öziñiz de sezersiz. Arnayı qor qwrıldı, järdem­desemiz degen oblıs äkimi B.Mwhamedjanovtıñ sözi jelge wştı. Şetpedegi jäbir­lenuşi azamattardıñ birde-bireuine jär­dem­aqı äli künge deyin berilgen joq. Osı mäseleniñ ädiletti şeşiluine, qayta qara­luına tapsırma beriñiz. Jazıqsız qwrban bol­ğan bauırlarımızğa "Täuelsizdik" alañında eskertkiş twrğızu kerek dep esep­teymiz.

Bizdiñ bes talabımızdıñ ädil ekenin tüsinedi jäne onı qanağattandıradı dep senemiz.

Qol qoyğandar - R.Iztwrğanova, T.Amangeldiev, T.Bisenğaliev, H.Düysekenov, T.Twrğanbaev, I.Ütenov, E.Ersariev, A.Qojahmetov, A.Sarıev, A.Talasbekov, J.Tölegenov, Q.Dosbergenov, O.Sabıt, A.Suanova, T.Qwljanov, E.Baltaev, K.Nwrmanov, A.YUsupov, O.Bayjan, M.Qwrbanbaev, N.Süyinbekov jäne t.b. (Hatqa barlığı 275 adam  qol qoyğan).

"Jas Alaş" gazeti

 

0 pikir