Últtyq Bank tóraghasy Erbolat Dosaev býgin «Baspana Hiyt» baghdarlamasyna bólinetin qarjyny 600 milliard tengege deyin ósirip, ony jyl sonyna deyin iygerudi josparlap otyrghanyn jetkizdi. Búl turaly «Arasha» sayty jazdy.

Qazaqstanda ýsh ay búryn baspana baghasy qymbattady. Biraq, ýkimettegiler tiyimdi týrde ýy alugha bolatyn 7-20-25, Núrly jer, Baspana Hit sekildi baghdarlamalardy jalghastyra beretinin aitady. Búl turaly «Informburo» baghdarlamasynda aityldy.

«Mamyr men mausym ailarynda baspana qúny bir retke keledi» degen sarapshylardyng da boljamy oryndalmauy mýmkin. Óitkeni qazir qúrylys materialdary qymbattap ketken.

Jyl basynan beri zeynetaqy qorynan aqshasyn alugha 210 myng qazaqstandyq ótinish beripti. Olargha 1 trillion tengeden astam aqsha bólinip qoyghan. Ol aqshanyng 99,4 prosenti ýy satyp alugha nemese ipotekany jabugha júmsalghan. Ýsh ay búryn baspananyng qymbattap ketkeni de sodan. Ipotekalyq túrghyn ýy zaymdaryn qayta qarjylandyratyn kompaniyanyng mamany Aybar Oljaev «endi ekinshi naryqtaghy ýiler de, jana baspanalar da arzandamaydy» deydi Últtyq Bank tóraghasy Erbolat Dosaev.

Sarapshylar baspana baghasynyng qymbattay týsetinine senimdi.

«Dәl qazir ýy baghasy týsedi dep aita qoymaymyn. Kvadrat metri mysaly 300 myng bolsa aqyryndap 310 myng bolady, sosyn 320 myng bolady. Sol jalpy ýiding baghasyna 500 myn, milliondap qosyla beredi. Syrttan aldyratyn qúrylys materialdary qatty qymbattaghan. Ol valutanyng kursyna baylanysty», – deydi «Qazaqstannyng ornyqtylyq qory» AQ Syrtqy baylanystar qyzmetining bas menedjeri Aybar Oljaev.

Yaghni, ýige kerektining barlyghy bizde shetelden keledi. Sondyqtan eshbir qúrylys kompaniyasy qymbattaghan qúrylys materialynan salynghan ýidi arzangha bermeydi.

«Ýiding baghasyn eshkim arzandata almaydy, tek memleket pәterlerdi kóptep salyp, ýy satushy kompaniyalargha bәsekeles bola alsa ghana bagha azdap týsui mýmkin» deydi maman. Al sapasy biznes klastaghyday bolmasa da Ýkimet jylda milliondaghan sharshy metr pәter salady. Qantardan beri memlekettik baghdarlamamen 23,663 baspana berilgen. Jyl sonyna deyin ýkimettegiler 17 million sharshy metr ýidi paydalanugha beremiz dep otyr.

«Aghymdaghy qantar-nauryzda 2,9 mln sharshy metr túrghyn ýy paydalanugha berildi. Búl ótken jyldyng kezeninen 8,6 payyzgha joghary. Pavlodar oblysynan basqa barlyq ónirler ong ósim kórsetti. Túrghyn ýidi eng kóp 5,9 ese paydalanugha beru Shymkent qalasynda bayqaldy», – deydi últtyq ekonomika ministri Áset Erghaliyev.

Al, últtyq statistika burosyndaghylar nauryzda 52,673 ýidi satyp alu-satu kelisimsharty jasalghanyn, búl ótken jylmen salystyrghanda 2,4 esege kóp ekenin jariyalady. Yaghni, ýige degen súranys ay sayyn ósip keledi.
Ótken aida baspana satyp alghan 52 mynnan astam qazaqstandyqtyng 40 myny kópqabatty ýiden pәter alypty. Eng kóbi Manghystau oblysynyng túrghyndary: bir aidyng ishinde 9852 adam baspana satyp alghan. Al, Soltýstik Qazaqstan oblysynda kerisinshe, ýy alghandar az: 687 adam.

«Jyl sonyna deyin 17 million sharshy metr ýidi paydalanugha beremiz» degen sheneunikter býgin Ýkimet otyrysynda naryqta ýiding baghasy nelikten qymbattaghanyn, taghy qalay qúbyluy mýmkin ekenin aitpady.

Abai.kz