Qazaqstanda pandemiya kezinde medisina salasyndaghy dәri-dәrmekter men medisinalyq búiymdardy satu boyynsha 869 qúqyq búzushylyq anyqtalghan. Búl turaly Aqorda mәlimdedi. 

Elde qalyptasqan epiydemiologiyalyq ahual ayasynda jekelegen preparattargha joghary súranysty paydalana otyryp, naryqtyng josyqsyz qatysushylary dәri-dәrmekterdi bólshek saudada ótkizu ýshin belgilengen shektik baghalargha qaramastan, olardy joghary baghamen sata bastady (qayta satu).

Aghymdaghy jyldyng 5 shildesi men 3 tamyzy aralyghynda dәri-dәrmekting baghasyn kóteruding 522 faktisi anyqtaldy. Sonymen qatar, olardy zansyz satu men dayyndaudyng 338 faktisi belgili boldy.

Dәri-dәrmekter men medisinalyq búiymdardy satu salasynda barlyghy 869 qúqyq búzushylyq anyqtaldy, onyng ishinde 10 qylmystyq jәne 745 әkimshilik qúqyq búzushylyq anyqtaldy.

Atalghan sannyng 742 faktisin ishki ister organdary, 111-in – Ekonomikalyq tergeu qyzmeti, 14-in – Sybaylas jemqorlyqqa qarsy qyzmet jәne 2-in – Últtyq qauipsizdik komiytetining Shekara qyzmeti anyqtady.

Mysaly, Ishki ister organdary Núr-súltan qalasyndaghy dәrihananyng qosalqy ýi-jayynan týrli dәrilerding 2811 oramasyn, qúnggha arnalghan 2650 jýieni, 400 dana betperde men 15 litr antiyseptikti zansyz satu faktisin anyqtady, al dәrihananyng ózinde olar satylmaghan.

Sybaylas jemqorlyqqa qarsy is-qimyl agenttigi 7,4 mln.medisinalyq maskany zansyz satu faktisi boyynsha, sonday-aq, ókpeni jasandy jeldetu apparattaryn joghary baghamen satyp alu kezinde budjet qarajatyn jymqyrghan Qostanay jәne Qyzylorda oblystarynyng densaulyq saqtau organdarynyng qyzmetkerlerine qatysty qylmystyq isterdi tergeude.

Ekonomikalyq tergeu qyzmeti jalghan dәrilik zattar men medisinalyq maqsattaghy búiymdardy basqa tauar belgisin paydalana otyryp, zansyz óndiristi jolgha qoyghan Almaty qalasynyng ýsh túrghynyna qatysty qylmystyq is qozghady. 60 myng dana kontrafaktilik 17 týrli dәri-dәrmek tәrkilendi.

Búdan basqa, qúqyq qorghau organdary dәri-dәrmek óndirushiler men jetkizushilerding arasynda baghagha qatysty sóz baylasugha, olardy emdeu mekemelerinen jymqyrugha, gumanitarlyq kómekti satugha jol bermeu boyynsha is-sharalar jýrgizude.

Búl rette qúqyq qorghau organdarynyng ózindik qauipsizdik bólimshelerining júmysy atalghan is-sharalardy oryndau kezinde jeke qúram arasynda sybaylas jemqorlyq kórinisterining aldyn alugha jәne adal kәsipkerlerding qúqyqtaryn búzugha jol bermeuge baghyttalghan.

Jýrgizilip jatqan júmys pen qylmystyq isterdi tergeu Qauipsizdik Kenesi Apparatynyng erekshe baqylauynda.

Abai.kz