Сәрсенбі, 22 Қараша 2017
433 6 пікір 15 Қараша, 2017 сағат 08:16

Сириядан Грозныйға жеткізілген қазақстандықтар елге қайтарылады

Сириядағы соғыс аймағынан Грозныйға жеткізілген Қазақстанның бес азаматы таяу уақытта отанына жеткізіледі деп хабарлады Қазақстан сыртқы істер министрлігінің баспасөз хатшысы Әнуар Жайнақов.

Астанада үкімет жиынынан соң журналистерге комментарий берген Жайнақовтың айтуынша, Орал қаласының тұрғыны - 1988 жылы туған әйел мен оның төрт баласы басқа бір топ ресейлікпен бірге 13 қараша күні кешке Грозныйға арнайы рейспен жеткізілген.

"Оларды Грозный әуежайында Қазақстанның Ресейдегі елшілігі қызметкерлері күтіп алды. Әйелдің үлкен баласының жасы 5-те - 2012 жылы туған, кіші баласы жасқа толмаған" деген Жайнақов қазақстандықтарға қатысты басқа ақпарат бермеді.

Шешенстан басшысы Рамзан Қадыров 13 қараша күні кешке Сириядағы соғыс аймақтарынан Ресейдің 34 азаматы, Қазақстанның бес азаматы мен Өзбекстанның екі азаматы - барлығы 41 әйел мен баланың Грозныйға жеткізілгенін хабарлаған.

Abai.kz

6 пікір

Үздік материалдар

Рухани жаңғыру

Қанат Әбілқайыр. Қарыз бен Парыз

Abai.kz 10316
Қауіп еткеннен айтамын

Қазақстанда жүрген қытайлар кімге сүйенеді? 

Н.Қошаманұлы 18519