Сәрсенбі, 18 Қыркүйек 2019
Жаңалықтар 2291 0 пікір 10 Сәуір, 2009 сағат 06:00

ШИКІЗАТТЫҚ БАҒЫТТАН - ӨҢДЕУШІ БАҒЫТҚА

Ауыл шаруашылығында өңдеу секторының үлесін арттыру – уақыт талабы. Кластерлік жүйені дамыту, азық-түлік қауіпсіздігін қамтамасыз ету, шикізаттық бағыттан арылып, өңдеуші бағытқа көшудегі қадамдар өз нәтижесін байқатуда.

Алматы облыстық ауыл шаруашылығы басқармасының мәліметіне сүйенсек, аграрлық сала кәсіпорындары 2016 жылдың қаңтар-мамыр айларында өнеркәсіп өндірісі өнімінің 61%-ін және өңдеу өнеркәсібінің 72%-ін өндірді.

Тамақ өнеркәсібі өнімінің көлемі биылғы жылдың 5 айында 133,3 млрд. теңгені құрады, бұл 2015 жылдың сәйкес мерзімімен салыстырғанда 8,2%-ке артық.

Елбасының «100 нақты қадам» Ұлт жоспарындағы тапсырмаларға сәйкес ет және сүт өнімдерінің өндірісі жандандырылуда. Азық-түлік өндірісінің құрылымында негізгі үлес сүт - 27%, ет - 22%, дәнді-дақылдар - 20%, жеміс пен көкөніс - 13,5% және 5 % майлы дақылдарды - өңдеу салаларына тиесілі.

Сүт өңдеу өнеркәсібінде жүктемелік 64%-ті құрап, 13,3 млрд. теңгеге 53,6 мың тонна сүт өнімдері өндірілді. Ет өңдеу өнеркәсібінде 9,0 млрд. теңгеге 26,8 мың тонна дайын өнім өндірілді, құс фабрикаларының қуаттылығы 61,9%-ке, ет комбинаттарының қуаттылығы 72,2%-ке игерілді.

Жеміс, көкөніс өңдеу кәсіпорындары 3,4 млрд. теңгенің өнім өндірді, қуаттылығы 26,8%-ке игерілді.

Abai.kz

0 пікір