Jwma, 18 Qazan 2019
El işi... 1126 11 pikir 9 Qazan, 2019 sağat 16:06

Azat Peruaşev: Auıl şaruaşılığı ministrligi auıldı «laqtırdı» ma?

«Aq jol» partiyası Auıl şaruaşılığı ministrligin auılda käsip qılğandarğa subsidiya tölemegeni üşin sotqa bermek. Bwl turalı Azat Peruaşev 2019-2021 jıldarğa arnalğan respublikalıq byudjetke tolıqtırular men özgertuler engizudi talqılau barısında ayttı.

Öz sözinde ol biılğı köktemde, yağni 13 naurızda «Aq jol» frakciyasınıñ auıl şaruaşılıq öndiruşileriniñ subsidiya qarızın öteu mäselesin şeşudi swrağanın ayttı.

«Tolıqtırılğan byudjetten körip otırğanımızday, bwl mäsele äli de şeşilmegen sıñaylı. 37 mlrd teñge somasındağı qarız ötelmegen. Qarjı ministrliginiñ tüsindiruinşe Auıl şaruaşılıq ministrligi jaña täsilderdi qoldanuğa arnalğan subsidiyalaudıñ tiimdiligin eseptep berui kerek eken. 

Alayda bwdan birneşe jıl bwrın subsidiyalau bağdarlaması mekemearalıq kelissözderden ötip, onıñ tiimdiligi aldın ala eseptelip, sodan soñ ğana bekitildi emes pe?

Endi ne sebepti bükil Qazaqstan boyınşa jüzdegen-mıñdağan şarualar memleketke senim artıp, bar aqşaların salıp, nesie alğanda (ol üşin barlıq byurokratiyanıñ tozağınan ötip) – ne sebepti memlekettik organdar wyqıdan endi oyanğanday bas tartıp otır? Artıq ketsem keşirersizder, bwl auıl şaruaşılığı ministrliginiñ auıldı «laqtırdı» degen sözi  emes pe?!

Jwmıssızdıqpen küreske bağıttalğan qarajat osında jwmsaluı tiis! Ataulı äleumettik kömek aluşılardıñ sanı öskenin de osıdan izdeuimiz kerek! 

Auıl azamattarın öndiristik käsipte qoldaudıñ ornına şeneunikter bos jürgenderge kömek körsetip älek. 

Bwl ekonomikalıq sayasat emes, «qisıq aynalardıñ patşalığı»! Bizdiñ frakciya auıl şaruaşılığın subsidiyalauğa qarajat böludi talap etedi», - dedi Peruaşev. Ol «Aq jol» partiyasınıñ auıl käsipkerligin qorğau üşin sotqa baruğa da dayın ekenin atap körsetti. 

Partiya jetekşisi tiisinşe şağımdı auıl şaruaşılığı ministrligine dayarlap jatqanın ayttı. 

Abai.kz

11 pikir