Jwma, 15 Qaraşa 2019
Bilik 2374 0 pikir 29 Qazan, 2015 sağat 16:20

TQJB: QIZILORDALIQTAR BASPANALI BOLIP JATIR!

 «Qazaqstannıñ twrğın üy qwrılıs jinaq banki» AQ «Öñirlerdi damıtudıñ 2020 jılğa deyingi bağdarlaması» ayasında "Halıqtıñ barlıq sanatına arnalğan twrğın üy" bağıtı boyınşa Qızılorda oblısı, Qızılorda qalası «Aray-2» möltek audanındağı №1, №2, №3, №4, №5 meken-jayında ornalasqan twrğın üy keşeniniñ qwrılısı ayaqtalıp, twrğandardıñ paydalanuına berilmek. Bwl turalı abai.kz portalı  «Qazaqstannıñ twrğın üy qwrılıs jinaq banki» AQ-nıñ saytına silteme jasay otırıp  habarlaydı. Bank aqparattarına süyensek, bank jelisi boyınşa barlığı İİİ sınıp jaylılıqtı 120  päter ülestiriledi.

Osı ob'ektiler boyınşa eñ ülken ball jinağan ötiniş beruşilerdiñ tizimi Banktiñ internet-resursındağı «Öñirlerdi damıtudıñ 2020 jılğa deyingi bağdarlaması» böliminde ornalastırılğan.

Twrğın üy qwrılıs jinaq jüyesi arqılı twrğın üydi satıp aluşılar men jalğa aluşılardıñ pulın qwru tärtibimen jäne qwrılıs nısanınıñ surettemesimen (sonıñ işinde ğimarat qasbetin jäne päterlerdiñ josparlanuımen) egjey-tegjeyli Banktiñ Qızılorda oblısı, Qızılorda q., Baytwrsınov k-si, 122 üy meken-jayında ornalasqan filialında, nemese Banktiñ www.hcsbk.kz Internet-resursında tanısuğa boladı.

 

Osıdan birneşe jıl bwrın baspanalı bolsaq degen ümitpen, «Qazaqstannıñ twrğın üy qwrılıs jinaq bankine» salımdarın sala bastağan azamattar, Qwday bwyırtsa, endi bir qol sozsa, armandarına jetkeli twr.

«Biıl Qazaqastannıñ twrğın üy qwrılıs jinaq banki twrğındardan päter satıp aluğa ötinişter qabılday  bastağan.  Bağdarlama boyınşa dayın bolğan twrğın üylerden bank salımşılarına arnalğanı 120 päter bar. Bwl qazirgi dayın bolğanı. 

Elimizdiñ 6 jäne birneşe aymağınan olar özderiniñ jinağına qaray ärtürli kölemdegi päterdi satıp alu bäygesine qatıspaqşı.  Dayın bolğan baspanalarğa qatısu üşin balldar banktegi jinağı 3 jılğa tolğan jäne o bastağı qajet degen somasın tügel jinaqtağan azamattardıñ jinaytın balı da, ärine, joğarı bolmaq. Osılay, bank öziniñ tölem qabiletin qamtamasız ete alatın ötiniş beruşiler sanın anıqtaydı.

Bank törağası orınbasarınıñ aytuınşa, atalğan memlekettik bağdarlamanı jüzege asıruda banktiñ qatısuı tek investiciya salumen şektelip qalmaydı. Bank salınğan üylerdegi päterlerdi tañdauğa, salımşılarınıñ mümkindigine qaray bağası jağınan ıñğaylı äri bügingi ağımğa tän jaqsartılğan päterlerdi jasatuğa qatısadı. Jobanı bekituge atsalısadı.

 «Biz 3-klastı päterlerdi wsınamız. Bwl biznes klastıq päterler emes degenimizben, as üyi, juınatın jeri men bölmeleri quıqtay eski üylerdegidey päterler emes. Jaqsartılğan, sapalı päterler. Jalpı, banktiñ salımşıları ortaşa tabısı bar azamattar ekeni belgili. Sondıqtan biz qwrılıs kompaniyalarına solardıñ mümkindikterine qaray, 50-60 şarşı metrli päterlerge tapsırıs beremiz. Al endi qarjısı mol salımşılar biznes klastan alamız dese, onı tañdauları biledi» dedi  atalğan bank törağasınıñ orınbasarı.

Qımbattığı jağınan Astana ekinşi orında. Mwnda şarşı metr 112 500 teñge bolsa, basqa qalalarda ol 90 mıñ teñgeni qwraydı. Päterlerdiñ bäri dayın, aqtalıp, sırlanıp tapsırıladı. Satıp aluşı kilt qolına tie salısımen, dayın baspanağa köşip bara qoyadı.
Bağdarlama boyınşa beriletin baspanağa birinşi kezekte üş jılğa mejelengen jinağı tolıq adamdar ğana qol jetkizetinin ayttıq. Olar sol jinağan salımdarınıñ kölemindey bankten nesie aladı. Nesie jılına 5 payızdıq. Mwnday arzan nesieni basqa eşbir bank bermeydi. Al endi osı 3 jıl boyı salım salıp, qarajatın jinağan adamdardıñ belgili bir sebeptermen belgilengen mölşerge tolmay qalatını bolsa, olar jinağı tolıq salımşılardan artılğan baspanalardı aluı mümkin. «Bizde aralıq nesie degen de bar. Ol eger azamat jedel baspanalı bolğısı kelse, biraq jinağan qarjısı tolmay twrsa, 12 payızben nesie ala aladı. Biraq onday adamdar da, bağdarlama boyınşa salınğan päterlermen aldımen jinağın tolıqtarudı qamtamasız etip bolğannan keyin ğana artılğandarınan  aladı. 12 payızben nesie alğandar şaması jetip jatsa, nesieniñ basım böligin az uaqıtta üstin-üstin töley alatın bolsa, onda nesieniñ payızdıq mölşerlemesi tömendetilip otıradı. Bwl banktiñ adamdardı twrğın üymen qamtamasız etude jasap otırğan şaralarınıñ biri» deydi banktiñ Almatı qalalıq filialınıñ direktorı Almat Bölegenov mırza.

«Qazaqstannıñ twrğın üy qwrılıs jinaq banki» twrğındardıñ baspanalı boluına birden-bir zor mümkindikter jasap otırğan wyım ekenin jwrtşılıq endi tüsine bastağanday. Oğan onıñ salımşılarınıñ jıldan-jılğa artıp otırğanı dälel boladı. Ortaşa tabısı bar otbası üşin päter satıp alu arman ğana. Al bank osı armandı jüzege asıruğa jol aşuda. Tek qwnttılıq tanıtıp, salımşı bolsañız, onı ay sayın mwqiyat aparıp salıp twratın bolsañız, baspanalı boludıñ auılı jıl sayın jaqınday tüsedi. Qarap otırmay äreket jasamasañ, tegin üydiñ auılı alıstap ketkenin tüsinetin kez jetti.


abai.kz

 

 

0 pikir