Jeksenbi, 8 Jeltoqsan 2019
Bilik 3005 0 pikir 1 Şilde, 2015 sağat 10:44

QAZAQSTAN MAGNITKASINA 55 JIL (FOTO)

Qazaqstan Magnitkasınıñ 55 jıldığına baylanıstı «ArselorMittalTemirtau» AQ mereytoylıq şoyını qwyıldı. 

Mereytoylıq şoyın şığarılımına domna peşi cehiniñ basşılığı Igor' Belousa jäne ardager metallurgter qatıstı. 

«Biz sizderdi üşinşi domna peşine beker şaqırğanımız joq. Bwl bizdiñ - flagman. Jañğırtılğan peşti biz biıl iske qosıp, qazirgi uaqıtta täuligine 6500 tonna şoyın alamız», - dedi «ArselorMittal Temirtau» AQ atqaruşı direktorı Ivo Hmelik.

Eske sala keteyik 1960 jılı 3 şilde küni Qazaqstan Magnitkasında elimizdiñ twñğış şoyını alınğan. Däl osı küni Qarağandıdağı metallurgiya kombinatında twñğış domna peşi iske qosıldı. Bwl kün Qazaqstan Magnitkasınıñ düniege kelgen küni bolıp sanaladı.
Qazaqstan Magnitkası zauıtınıñ qwrılısı 1950 jılı bastalğan edi. Kölemi 1513 m3 alğaşqı domna peşin salu 1957 jılı jeltoqsanda qolğa alındı. 1958 jılı BLKJO XIII-s'ezinde Qazaqstan magnitkasın salu Bükilodaqtıq ekpindi komsomol qwrılısı dep jariyalandı. 1960 jılı 3 şildede № 1 domna peşi, twñğış şoyın qorıttı, qaraşada 2 koks batareyası paydalanuğa berildi, 30 jeltoqsanda qazaqstandıq alğaşqı koks alındı. 

Kombinatta 1980 jıldarı 41 mıñnan asa adam eñbek etti. 6 adam Socialistik Eñbek Eri atağına ie boldı.

Temirtaudağı bwl zauıt qazirgi uaqıtta Qarağandı oblısınıñ elimizdiñ öndiristik lokomativi atanuına öziniñ zor ülesin qosuda.

QazAqparat

0 pikir