Särsenbi, 19 Aqpan 2020
Bolğan oqiğa 4200 0 pikir 3 Qañtar, 2015 sağat 06:06

PREM'ER-MINISTR JWMAĞA JAYAU BARDI

Türkiya  Prem'er-Ministri Ahmet Dauıtoğlo keşe Jwma namazğa jayau barıp-keldi. Bwl kezde meşitke bar jolda kölik bögelisi bolıp jatqan. Dauıtoğlo jol barısında joldıñ qarsı betine ötu üşin bağdarşamnıñ jasıl tüsi januın kütip, erekşe iltipat körsetti. Bwl turalı osı eldiñ TRT-aqparat agenttigi habarladı. 

Türik Prem'eri Dautoğlo Istambwl qalasınıñ Dolmanbahçedegi qızmet keñsesinen Sinanpaşa meşitine jwma oqu üşin jayau kelgen. Kartadan körip otırğanıñızday bwl aralıq 1,1 km-di qwraydı. Dauıtoğloğa Prem'er-Ministrdiñ orınbasarı Äli Babajan, Eñbek jäne Halıqtı äleumettik qorğau Ministri Faruk Çelik, Damu Ministri Jevdet Iılmaz jäne AQ partiyanıñ Istabmwl öñirlik törağası Aziz Babwşjw da ere jürgen. Namazdan soñ Dauıtoğlo otandastarın Mäulit künimen qwttıqtadı. Türik Prem'erine qwttıqtau sözinen soñ bir adam smit toqaşın sıylağan, sıylıqtan bas tartpağan Ministr qaytar jolında änşiligin künköris etken köşedegi mügedek adamnıñ da önerine bir sät qwlaq türdi. 

Dauıtoğlo joldıñ qarsısına ötu üşin bağdarşamnıñ jasıl tüsin kütip twrğan kezinde Filifindıq bir qız odan järdem swraydı. Ahmet Dauıtoğlo bolsa ol qızdıñ ötinişin qanağattandıru üşin keñsesine şaqırğan. 

Bir eldiñ bildey Prem'eriniñ halıq aldındağı osı äreketin körip otırıp eşqanday jasandılıq köre almaysız. Türki mädenietiniñ besigi sanalatın Koniya qalasında tuıp-ösken Ahmet Dauıtoğloğa ärine osınday qarapayımdılıq jarassa kerek. 

Türik Prem'eriniñ kişiligine tänti bolıp otırıp, Abai.kz saytında bwrınıraq jariyalanğan Mäsimov turalı bir oqiğa esime tüsip ketti. Ol Qajımwqan Ğabdollanıñ "ELBASI BİZDE EKEU ME?..." attı maqalasında jazılğan. Qaydam, qayda jürgenin bildirmey, mısıq tabandap qana jüretin Mäsimov, Ahmet ağası siyaqtı halıqpen birge jwmada säjde eter me eken?!

Nwrğali Nwrtay

Abai.kz

0 pikir