جۇما, 29 ناۋرىز 2024
بيلىك 3776 0 پىكىر 28 قازان, 2019 ساعات 10:42

سەنات الداعى ءۇش جىلعا ارنالعان بيۋدجەتتى تالقىلاپ جاتىر

سەناتتا 2020-2022 جىلدارعا ارنالعان رەسپۋبليكالىق بيۋدجەت تۋرالى، ەلىمىزدىڭ ۇلتتىق قوردان 2020-2022 جىلدارعا ارنالعان كەپىلدەندىرىلگەن ترانسفەرت تۋرالى، رەسپۋبليكالىق جانە وبلىستىق بيۋدجەتتەر، رەسپۋبليكالىق ماڭىزى بار قالالار، استانا بيۋدجەتتەرى اراسىنداعى 2020-2022 جىلدارعا ارنالعان جالپى سيپاتتاعى ترانسفەرتتەردىڭ كولەمى تۋرالى زاڭ جوبالارىنىڭ تانىستىرىلىمى بولدى.

رەسپۋبليكالىق بيۋدجەتتىڭ شىعىستارى 2020 جىلى 12,9 ترلن.تەڭگەنى قۇراپ، 2019 جىلدىڭ جوسپارىنا قاراعاندا 886,2 ملرد. تەڭگەگە وسەدى.

رەسپۋبليكالىق بيۋدجەت شىعىستارىنىڭ جالپى كولەمىنىڭ 46 پايىزى الەۋمەتتىك سالانى دامىتۋعا باعىتتالدى. الەۋمەتتىك شىعىستاردىڭ نەگىزگى ۇلەسى تۇتاستاي العاندا ەل ازاماتتارىن الەۋمەتتىك قامتاماسىز ەتۋگە جانە الەۋمەتتىك كومەك كورسەتۋگە جىبەرىلەدى. بۇل رەتتە كورسەتىلگەن شىعىستاردىڭ ەلەۋلى ۇلەسىن الەۋمەتتىك تولەمدەر قۇرايدى، 2020 جىلى وسى تولەمدەردى قارجىلاندىرۋ كولەمى 2019 جىلمەن سالىستىرعاندا 276,7 ملرد.تەڭگەگە ۇلعايدى.

دەنساۋلىق ساقتاۋ جۇيەسىنە 2020-2022 جىلدارعا ارنالعان شىعىستار 4,7 ترلن. ونىڭ ىشىندە 2020 جىلى-1,5 ترلن. تەڭگە نەمەسە 2019 جىلعى دەڭگەيگە قاراعاندا 298,5 ملرد. تەڭگەگە وسەدى. بۇل ءبىرىنشى كەزەكتە، تەگىن كەپىلدەندىرىلگەن دارىگەرلىك كومەك كولەمى اياسىندا مەديتسينا قىزمەتكەرلەرىنىڭ ەڭبەكاقىسىنىڭ ۇلعايۋىنا جانە مىندەتتى الەۋمەتتىك مەديتسينالىق ساقتاندىرۋعا كوشۋگە بايلانىستى بولىپ وتىر.

2020 جىلى جالپى ىشكى ءونىمنىڭ ناقتى ءوسۋى 4,1% دەڭگەيىندە بولجانىپ، ودان ءارى 2024 جىلى 4,7% - عا دەيىن وسەدى. ءجىو-ءنىڭ الداعى ورتا مەرزىمدى كەزەڭدەگى ورتاشا جىلدىق ءوسۋ قارقىنى 4,4 پايىزدى قۇرايدى. ۇلتتىق بانك جىلدىق ينفلياتسيانىڭ 2020-2021 جىلدارداعى ءدالىزىن 4,0-6,0% شەگىندە ساقتاي وتىرىپ، كەيىننەن 2022 جىلدان 3,0-5,0 پايىزعا دەيىن تومەندەتەتىن بولدى.

جالپى، رەسپۋبليكالىق بيۋدجەتتىڭ كىرىستەرى (ترانسفەرتتەردى ەسەپتەمەگەندە) ءۇش جىلدىق كەزەڭدە: 2020 جىلى – 8,1 ترلن. تەڭگە نەمەسە ءجىو-ءنىڭ 10,9%; 2021 جىلى – 8,7 ترلن. تەڭگە نەمەسە ءجىو-ءنىڭ 10,6%; 2022 جىلى-9,5 ترلن. تەڭگە نەمەسە ءجىو-ءنىڭ 10,7% بولادى.

ۇلتتىق قوردان رەسپۋبليكالىق بيۋدجەتكە كەپىلدەندىرىلگەن ترانسفەرتتىڭ مولشەرى 2020-2021 جىلدارى 2 ترلن. 700 ملرد. تەڭگە بولىپ،  2022 جىلى 2 ترلن. 600 ملرد. تەڭگەگە دەيىن تومەندەيدى. 

جالپى سيپاتتاعى ترانسفەرتتەر وڭىرلەردىڭ بيۋدجەتتىك قامتاماسىز ەتىلۋىن تەڭەستىرۋگە جانە ايماقتىق ەكونوميكانىڭ دامۋىن ىنتالاندىرۋدى ارتتىرۋعا باعىتتالعان. ترانسفەرتتەر كولەمى وڭىرلەردىڭ ەرەكشەلىكتەرىن، شاعىن جانە ورتا بيزنەستى دامىتۋدى ىنتالاندىرۋدى، سونداي-اق جەرگىلىكتى تابىستاردىڭ ءوسۋ الەۋەتىن ەسكەرە وتىرىپ ەسەپتەلدى.

ماقساتتى ترانسفەرتتەردەن ميكرو جانە شاعىن بيزنەس كىرىستەرىنىڭ سالىق سالۋدان بوساتىلۋىن جانە پەداگوگتاردىڭ، مادەنيەت جانە ونەر قىزمەتكەرلەرىنىڭ جالاقىسىن كوتەرۋگە قاراجات ءبولۋىن ەسكەرە وتىرىپ، سۋبۆەنتسيالار مەن الىپ قويۋ كولەمدەرى تۇزەتىلدى.

وسىننداي ەرەكشەلىكتەر ەسەپكە الىنا وتىرىپ، جالپى سيپاتتاعى ترانسفەرتتەر مىناداي كولەمدەردە ايقىندالدى: بيۋدجەتتىك الۋلار 2020 جىلى – 420 ملرد. تەڭگە; 2021 جىلى – 451 ملرد.تەڭگە; 2022 جىلى – 490 ملرد. تەڭگە; بيۋدجەتتىك سۋبۆەنتسيالار 2020 جىلى-2 ترلن. 104 ملرد. تەڭگە; 2021 جىلى – 2 ترلن. 121 ملرد. تەڭگە; 2022 جىلى - 2 ترلن. 125 ملرد. تەڭگە. 

وسىلايشا، 2020-2022 جىلدارى 13 سۋبۆەنتسيالىق جانە ءتورت ايماق-دونور ايقىندالدى. 

ۇسىنىلعان زاڭ جوبالارى سەناتتىڭ قارجى جانە بيۋدجەت كوميتەتىنىڭ كەڭەيتىلگەن وتىرىسىندا 21 قاراشادا قارالىپ، وعان دەيىن تالقىلاۋ جۇمىس توپتارىندا تالقىلانادى.

قازاقستان رەسپۋبليكاسى پارلامەنتى
سەناتىنىڭ ءباسپاسوز قىزمەتى

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3594