جۇما, 29 ناۋرىز 2024
3556 11 پىكىر 22 قازان, 2019 ساعات 10:35

پرەزيدەنتتىڭ ءباسپاسوز حاتشىسى داۋلى جارلىققا تۇسىنىك بەردى

قازاقستان پرەزيدەنتىنىڭ ءباسپاسوز حاتشىسى بەرىك ءۋالي قاسىم-جومارت توقاەۆتىڭ بۇگىن ەلدەگى كەيبىر اقپاراتتىق سايتتاردا جاريالانعان جارلىعىنا تۇسىنىك بەردى.

21 قازان كۇنى قازاقستانداعى قايسىبىر سايتتاردا پرەزيدەنتتىڭ "كەيبىر اكتىلەرگە وزگەرىستەر مەن تولىقتىرۋلار ەنگىزۋ تۋرالى" جارلىعى جاريالانىپ، سوڭىنان الىنىپ تاستالدى.

پرەزيدەنت توقاەۆ بيىلعى 9 قازاندا قول قويعان جارلىق سول كۇننەن باستاپ كۇشىنە ەنگەن. جارلىققا سايكەس پرەزيدەنتتىڭ ەلدەگى كەيبىر مينيسترلەر مەن وبلىس اكىمدەرىن بۇرىنعى پرەزيدەنت، قاۋىپسىزدىك كەڭەسىنىڭ توراعاسى نۇرسۇلتان نازارباەۆتىڭ قۋاتتاۋىمەن تاعايىندايتىنى ايتىلعان.

پرەزيدەنتتىكتەن كەتەر الدىندا قاۋىپسىزدىك كەڭەسىن ءومىر بويى باسقارۋ قۇزىرەتىنە يە بولعان نازارباەۆ كەلىسىمىمەن تاعايىندالاتىن لاۋازىمنىڭ قاتارىندا باس پروكۋرور، ۇقك توراعاسى، ۇلتتىق بانك توراعاسى، كەيبىر مينيسترلەر، وبلىس اكىمدەرى، رەسپۋبليكالىق ماڭىزى بار قالالار مەن استانا اكىمى، پرەزيدەنتكە باعىناتىن جانە ەسەپ بەرەتىن ورگان باسشىلارى بار.

وسى جارلىق جايلى الەۋمەتتىك جەلىدە تۇسىنىك بەرگەن پرەزيدەنتتىڭ ءباسپاسوز حاتشىسى بەرىك ءۋاليدىڭ ايتۋىنشا، جارلىققا بىلتىر قابىلدانعان قاۋىپسىزدىك كەڭەسى تۋرالى جاڭا زاڭنىڭ ەرەجەلەرىنە سايكەس قول قويىلعان. لاۋازىمدى تۇلعالاردى تاعايىنداۋداعى كەلىسىم ءتارتىبى پرەزيدەنتتىڭ بارلىق كادرلىق ماسەلەلەر بويىنشا ءوز بەتىنشە شەشىم قابىلداۋىنا كەدەرگى كەلتىرمەيدى دەپ تۇسىندىرەدى پرەزيدەنتتىڭ ءباسپاسوز حاتشىسى.

Abai.kz

11 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3545