جۇما, 29 ناۋرىز 2024
5687 4 پىكىر 15 قازان, 2019 ساعات 16:40

سۇلەيمەنوۆ قۇرعان قوزعالىستىڭ ۆيتسە-پرەزيدەنتى ۇستالدى

"نەۆادا-سەمەي" انتيادرولىق قوزعالىسىنىڭ ۆيتسە-پرەزيدەنتى ۇستالدى. الماتى پوليتسيا دەپارتامەنتى دە اتالعان فاكتى بويىنشا اقپاراتتى راستادى.

الماتى پوليتسياسى "نەۆادا-سەمەي" (نەۆادا-سەميپالاتينسك) انتيادرولىق قوزعالىسىنىڭ ۆيتسە-پرەزيدەنتى حارون داداەۆتى ۇستاعان.

"الماتى پد ازامات د-نىڭ قر قك 190 بابى، 4-تارماعى بويىنشا قىلمىستىق ءىس جاسادى دەگەن كۇدىكپەن قىركۇيەك ايىندا ۇستالعانىن راستايدى", دەلىنگەن حابارلامادا.

ۇستالعان حورون داداەۆقا قىلمىستىق كودەكستىڭ 190 بابى، 4-تارماعى بويىنشا "الداۋ ارقىلى نەمەسە اقپاراتتىق جۇيە قولدانۋشىسىنىڭ سەنىمىن ءوز ماقساتىنا پايدالانۋ ارقىلى الاياقتىق جاسادى" دەگەن ايىپ تاعىلعان.

اتالعان ءىس قازىر سوت قاراۋىنا جىبەرىلگەن. داداەۆتىڭ كىناسى دالەلدەنگەن جاعدايدا ول 5 جىلدان 10 جىلعا دەيىنگى مەرزىمدە اباقتىعا وتىرۋى جانە دۇنيە-مۇلكىن تاركىلەۋى مۇمكىن.

ەستەرىڭىزگە سالا كەتەيىك، وسىعان دەيىن بيىلعى جىلدىڭ تامىز ايىندا الماتىنىڭ مەدەۋ اۋداندىق كريمينالدىق پوليتسيا ءبولىمى 69 جاستاعى حورون داداەۆقا ىزدەۋ جاريالاعان.

حورون داداەۆ كىم؟

حارون داداەۆ 1950 جىلى قاراعاندى وبلىسىندا تۋعان. ينتەرنەتتەگى اشىق دەرەككوزدەردەگى مالىمەتتەرگە سۇيەنسەك، داداەۆ زاڭ عىلىمدارىنىڭ كانديداتى. "نەۆادا-سەمەي" انتيادرولىق قوزعالىسىنىڭ ۆيتسە-پرەزيدەنتى لاۋازىمىنا 1989 جىلى تاعايىندالعان.

"نەۆادا-سەمەي" انتيادرولىق قوزعالىسىن اقىن ولجاس سۇلەيمەنوۆ قۇرعان. قوزعالىس تاريحى 1989 جىلدىڭ 25 اقپانىنان باستالادى. قوزعالىس قۇرىلاردان بىرنەشە كۇن بۇرىن سەمەيدەگى يادرولىق سىناق پوليگونىندا راديواكتيۆتى گاز تاراعان.

ول كەزدە ولجاس سۇلەيمەنوۆ قازسسر جوعارعى كەڭەسىنە دەپۋتاتتىققا ءتۇسىپ جاتقان. ءوزىنىڭ سايلاۋداعى ۇگىت-ناسيحاتىندا سۇلەيمەنوۆ پوليگوننىڭ جۇمىسىن توقتاتۋدى ماسەلە ەتىپ كوتەرگەن. 28 اقپان كۇنى قازاقستان جازۋشىلار وداعى ماڭىندا مىڭعا جۋىق ادام جينالىپ، ادرولىق پوليگوننىڭ جابىلۋىن تالاپ ەتكەن. انتيادرولىق قوزعالىس وسىلاي قۇرىلعان.

1989 جىلى قاراشادا سوۆەت وداعى جوعارعى كەڭەسىنىڭ شەشىمىمەن سەمەي پوليگونىندا جارلىستارعا شەكتەۋ سالىنعان. ەڭ سوڭعى سىناق 1989 جىلدىڭ 19 قازانىندا وتكەن.

ال سەمەي يادرولىق پوليگونى 1991 جىلدىڭ 29 تامىزى كۇنى قازاقستان پرەزيدەنتىنىڭ شەشىمىمەن تولىق جابىلعان.

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594