جۇما, 29 ناۋرىز 2024
3568 2 پىكىر 8 قازان, 2019 ساعات 11:47

ترامپ يمپيچمەنت جاريالاۋدى تالاپ ەتتى

اقش پرەزيدەنتى دونالد ترامپ 7 قازاندا كونگرەسستىڭ وكىلدەر پالاتاسىنىڭ سپيكەرى نەنسي پەلوسيدى "مەملەكەتكە ساتقىندىق جاسادى" دەپ ايىپتاپ، وعان تەزدەتىپ يمپيچمەنت جاريالاۋعا شاقىردى.

ول بۇل پىكىرىن جەكسەنبى كۇنى تۆيتتەر پاراقشاسىندا جاريالادى.

ترامپ «اۋىر قىلمىستار مەن تەرىس قىلىقتار» (high crimes and misdemeanors) دەگەن زاڭدىق تەرمينگە سۇيەندى. ادەتتە بۇل تەرمين يمپيچمەنت جاريالاۋ ءۇشىن قولدانىلادى. بۇعان كوررۋپتسيا، قىزمەتىنە سالاقتىق تانىتۋ، جالعان كۋالىك ەتۋ، قىزمەتىن اسىرا پايدالانۋ، پارا الۋ، قورقىتۋ، مەملەكەت قاراجاتىن ماقساتسىز پايدالانۋ سەكىلدى ايىپتاۋلار جاتادى.

ترامپتىڭ تۆيتتەردەگى جازباسى وعان قارسى ارنايى قىزمەتتىڭ تاعى ءبىر وكىلى كۋالىك بەرۋگە نيەتتەنىپ جاتقانى ءمالىم بولعاننان كەيىن جاريالاندى.

وسىعان دەيىن اق ءۇي پرەزيدەنتتىڭ سويلەسۋلەرى جازىلعان ستەنوگراممانى جاريالاعان. وندا اقش پرەزيدەنتى دونالد ترامپ پەن ۋكراينانىڭ مەملەكەت باسشىسى ۆلاديمير زەلەنسكي تەلەفون ارقىلى سويلەسىپ جاتىپ، بۇرىنعى ۆيتسە-پرەزيدەنت دجو بايدەن مەن ونىڭ ۇلى حانتەر تۋرالى پىكىر الماسقان. زەلەنسكي ترامپ وزىنە قىسىم جاسالماعانىن ايتقان.

پرەزيدەنتتىڭ بۇل سويلەسۋلەرى تۋرالى مالىمەتتى اقش-تىڭ بارلاۋ قىزمەتكەرى جەتەكشىسىنە جەتكىزگەن. كونگرەسستەگى دەموكراتتار ترامپ پرەزيدەنتتىك قىزمەتىن جەكە ءوزىنىڭ ساياسي مۇددەسىنە پايدالاندى دەپ ايىپتاپ، وعان قارسى يمپيچمەنت جاريالاۋدى كوتەرگەن.

1 قازاندا اقش پرەزيدەنتى دونالد ترامپ وكىلدەر پالاتاسىنىڭ بارلاۋ كوميتەتىنىڭ توراعاسى، كونگرەسسمەن-دەموكرات ادام ءشيففتى "مەملەكەتكە ساتقىندىق جاسادى" دەپ ايىپتاپ، ونى قاماۋ تۋرالى ۇسىنىس جاساعان.

شيفف كونگرەسستە دونالد ترامپ پەن ۋكراينا پرەزيدەنتى ۆلاديمير زەلەنسكيدىڭ تەلەفون ارقىلى سويلەسۋلەرىنىڭ مازمۇنى تۋرالى بايانداما جاساعان.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3604