ەرتەڭنەن باستاپ 100 janaesim.ruh.kz سايتىندا «قازاقستاننىڭ 2019 جىلعى 100 جاڭا ەسىمى: جاس قازاقستاندىقتاردىڭ تابىس تاريحى» جوباسىنا وتىنىمدەر قابىلداۋ باستالادى. بۇل تۋرالى بۇگىن ەلوردادا وتكەن ءباسپاسوز ءماسليحاتىندا ءمالىم بولدى.

بۇل تۋرالى بۇگىن ەلوردادا وتكەن ءباسپاسوز ءماسليحاتىندا ءمالىم بولدى.

اتاپ ايتقاندا، قر اقپارات جانە قوعامدىق دامۋ مينيسترلىگىنىڭ باستاماسىن وتكەن جىلدارداعى ەڭ بەلسەندى جەڭىمپازداردان تۇراتىن «بيۋرو 100» كومانداسى قولداۋ جاساۋدا. ولار بايقاۋعا ەڭ لايىقتى ۇمىتكەرلەردى ىزدەستىرۋ ءۇشىن قازاقستاننىڭ بارلىق ايماقتارىنا بارۋدى كوزدەيدى. كوماندا الەۋمەتتىك جەلىلەردەن جوبا قاتىسۋشىلارىن ىزدەۋدىڭ بارلىق كەزەڭدەرىن كورسەتەدى.

«ۇلكەن جوبانى باستاعالى جاتىرمىز. وزدەرىڭىز جاقسى بىلەسىزدەر، وسىدان ەكى جىل بۇرىن ەلباسى «رۋحاني جاڭعىرۋ» اتتى باعدارلاماسىنا باستاماشىلىق ەتتى. وسى ورايدا سونىڭ اياسىندا «100 جاڭا ەسىم» جوباسىنىڭ ءۇشىنشى كەزەڭىن باستاماقپىز. بۇل جوبا قوعامنىڭ دامۋىنا ءوزىنىڭ ۇلكەن ىقپالىن تيىگىزىپ كەلەدى، سوندىقتان ونى جالعاستىرۋعا بەل بۋدىق»، - دەدى قر اقپارات جانە قوعامدىق دامۋ ءمينيسترى داۋرەن اباەۆ.

ۆەدومستۆو باسشىسى «100 جاڭا ەسىم» جوباسى تاۋەلسىزدىك جىلدارىندا ەلىمىزگە وڭ ىقپالىن تيگىزگەن ازاماتتاردى ناسيحاتتاۋ، ولاردىڭ ەڭبەك تاجىريبەسىن تانىستىرۋ ماقساتىندا ۇيىمداستىرىلعانىن ەسكە سالدى.

«ەكى جىلدىڭ ىشىندە 5 مىڭعا جۋىق ادام قاتىستى. بۇل تۇرعىدا جوبا اياسىندا ەكى ميلليونعا جۋىق قازاقستاندىق داۋىس بەردى»، - دەدى د. اباەۆ.

جوبا 2019 جىلى جاستار جىلىنا ارنالادى. قاتىسۋعا 39 جاسقا دەيىنگى ادامدار قاتىسا الادى. وسى ورايدا عىلىم، قوعام، مەديتسينا، بيزنەس، مادەنيەت جانە سپورت سالاسىنداعى ناقتى جەتىستىككە جەتكەندەردىڭ وتىنىمدەرى قارالاتىن بولادى.

«رۋحاني جاڭعىرۋ» قازاقستاندىق قوعامدىق دامۋ ينستيتۋتى» كوممەرتسيالىق ەمەس اق باسقارما توراعاسى كەمەلبەك ويشىباەۆتىڭ سوزىنە قاراعاندا، قاتىساتىن ادامدار 100janaesim.ruh.kz سايتىندا ساۋالنامانى تولتىرۋى قاجەت. قاتىسۋشى سەنىمدى ءارى ناقتى اقپارات بەرۋگە مىندەتتەلەدى. بارلىق وتىنىمدەر مودەراتسيادان ءوتىپ، كەيىن سايتتا جاريالانىپ، جەلىدە داۋىس بەرۋگە رۇقسات الادى. سونىمەن قاتار، بەلگىلى قوعام جانە مادەنيەت قايراتكەرلەرى، سپورت جانە بيزنەس وكىلدەرىنەن تۇراتىن قازىلار القاسىنىڭ قاراۋىنا ۇسىنىلادى.

«جوبا اياسىندا وتىنىمدەردى قابىلداۋ 1 قازاننان باستاپ 20 قازانعا دەيىن جالعاسادى»، - دەدى ك. ويشىباەۆ.

جوبانىڭ رەسمي سايتىندا قالاعان ۇمىتكەرگە داۋىس بەرۋ ءۇشىن ونلاين تىركەلىپ، ەلەكتروندى پوشتا كورسەتىلۋى كەرەك. بەلگىل بولعانداي، جوبانىڭ ناتيجەلەرى بيىل جەلتوقسان ايىندا ەلباسىنىڭ قاتىسۋىمەن وتەتىن تانىستىرىلىمدا جاريالانادى.

بۇدان بۇرىن حابارلانعانداي، بيىل اقپان ايىندا ەلباسى نۇرسۇلتان نازارباەۆ «100 جاڭا ەسىم» جوباسىنىڭ ارى قاراي جالعاساتىنىن ايتقان بولاتىن.

Abai.kz