بەيسەنبى, 28 ناۋرىز 2024
بارەكەلدى! 4398 0 پىكىر 30 قىركۇيەك, 2019 ساعات 11:55

ەگەۋحان اپا: رەسپۋبليكا سارايىنا 30 جىلدان سوڭ قايتا شىقپاقپىن

بۇگىن الماتىداعى رەسپۋبليكا سارايىندا "وتان وتباسىنان باستالادى" اتتى رەسپۋبليكالىق اقىندار ايتىسى وتەدى. وعان "نۇر وتان" پارتياسى دەمەۋشىلىك جاساپتى. 

بۇل ايتىستىڭ باسقا ايتىستاردان وزگەشەلىگى - بۇل وتباسىلىق ايتىس. بۇگىن ەگەۋحان مۇقاماديقىزى نەمەرەسى ارداكەرەيمەن، رۇستەم قايىرتايۇلى اكەسى قايىرتايمەن، بەكارىس شويبەكوۆ ءىنىسى داۋرەنمەن، ديدار قاميەۆ ءىنىسى ۇلانعاسىرمەن، يرانعايىپ كۇزەمباەۆ اعاسى تالعاتپەن، ەرجان ءامىروۆ ءىنىسى بەكزاتپەن، امانگەلدى پانابەرديەۆ ءىنىسى سەرىكبولمەن ايتاسىدى.

البەتتە، ايتىستىڭ الدىندا اقىنداردا تولقۋ، وي قورىتۋ، قوبالجۋ بولاتىنى ءسوزسىز. دەگەنمەن، بارلىق كورەرمەن، جانكۇيەرلەر عانا ەمەس، ايتىسكەرلەر دە اسىعا كۇتىپ وتىرعان ءسوز سايىسىنىڭ الدىندا "aitysker.org" سايتى ارداگەر اقىن، "باتىر انا" ەگەۋحان مۇقاماديقىزىنان ەكى اۋىز پىكىر الىپتى.

ەگەۋحان مۇقاماديقىزى:

- ايتىسقا العاش 16 جاسىمدا كەلگەن بولاتىنمىن. بۇعان بىردەن-ءبىر سەبەپشى بولعان ءوزىمنىڭ انام ەدى. ايتىسكەر اقىن عانا ەمەس، بىرنەشە جىرلاردى جاتقا ايتاتىن تالاپكەر ادام بولاتىن. جالپى، ونەرگە دەگەن تالپىنىسىمىز وتباسىمىزدىڭ ءəربىر مۇشەسىندە بار بولاتىن. اعام موڭعوليا قازاقتارىنىڭ العاشقى رومانىن جازعان، جالپى ونعا جۋىق روماندار جازعان جازۋشى، اۋدارماشى، قازاقستان جازۋشىلار وداعىنىڭ، موڭعوليا جازۋشىلار وداعىنىڭ مۇشەسى بولعان. مەن ءوزىم دە موڭعوليا جازۋشىلار وداعىنىڭ مۇشەسى، جۋرناليستەر وداعىنىڭ مۇشەسى، ەڭبەك ارداگەرى اتانعانمىن.  ءبىزدىڭ وتباسىنىڭ ءاربىر مۇشەسىندە اقىندىق بار. تامارا دەگەن ەڭ ۇلكەن قىزىم جازبا اقىن. بەدەلحان دەگەن بالام دا ايتىسقان. ەسەنگۇل دەگەن جۋرناليست قىزىم ونەر جولىن وسى ايتىستان باستاعان.  ەڭ نەگىزگىسى،  وسى ايتىستى تۋ ەتىپ، جازبا ولەڭمەن قاتار الىپ كەلە جاتقان دəۋلەتكەرەي دەگەن كىشى بالامىز. وعان نەمەرەمىز ارداكەرەي دە ىلەسىپ جۇرگەن جايى بار. ايتىسقا وسى نەمەرەم ارداكەرەيمەن شىققالى تۇرعانىما اللاعا مىڭ دا ءبىر شۇكىر! بۇرىن-سوڭدى بولماعان دۇنيە عوي جالپى…

اتامەكەن تورىندە العاش الماتىداعى «رەسپۋبليكا سارايىندا» 1989 جىلى حالىقارالىق ايتىسقا  شىققان بولاتىنمىن. سودان بەرى تۋرا 30 جىلدان سوڭ،  دəل وسى «رەسپۋبليكا سارايىندا» شىققالى وتىرمىن. سول كەزدەگى ءبىزدى قابىلداپ، ايتىسقا شىعارعان ءجۇرسىن باۋىرىمىز ەدى. ءƏلى كۇنگە دەيىن ايتىستى قاجىماي، تالماي جۇرگىزىپ كەلە جاتقانىنا وتە ريزامىن. ايتىستى جانىمەن، جۇرەگىمەن سۇيەتىن ادام دەپ تانيمىن. قازاقتىڭ ۇلكەن ءتول ونەرىن دəرىپتەپ، ودان ءəرى دامىتىپ، 30 جىلدان بولەك، بۇرىننان باستاپ قولعا الىپ، ساحنادان تۇسىرمەي كەلە جاتقانى ءۇشىن وعان مىڭ دا ءبىر راقمەتىمدى ايتامىن. ايتىس əر قىرىنان، əر تۇرىنەن تانىلىپ جاتىر. مۇنىڭ ءبəرى حالىقتىڭ قىزۋعىشىلىعىن ارتتىرۋ ءۇشىن جاسالىپ جاتقان جۇمىستار دەپ بىلەمىز. قولداپ جاتقان «NurOtan» پارتياسىنداعى ازاماتتارعا دا راحمەت! تəربيە وتباسىنان باستالادى، قۇس ۇيادا نەنى كورسە، ۇشقاندا سونى ىلەدى. قانشاما وتباسىنان وسىنداي اقىندار شىعىپ جاتقانى بارشامىزدى قۋانتادى.

قاجىماي، تالماي ايتىسىپ جۇرە بەرگىم كەلەدى. وسى ايتىسقا قالدىرماي، قۇرمەتتەپ شاقىرىپ وتىرعان ازاماتتارعا، حالقىما العىسىم شەكسىز!

حوش، ەگەۋحان اپامىز العاش رەت رەسپۋبليكا سارايىنا شىققاندا نەمەرەسى ارداكەرەي ءالى ومىرگە كەلمەگەن دە ەكەن.

ارداكەرەي كاپ:

- ايتىس قازاقتىڭ ەڭ ۇلكەن ءتول ونەرى. Əر قازاقتىڭ قانىنا سىڭگەن قاسيەتتى قارا ولەڭ ءبىزدىڭ وتباسىمىزعا دا دارىعان. اتامىز بەن انامىز (əجەمىز) ۇلكەن ايتىسكەر اقىن بولعان، الدىمدا داۋلەتكەرەيدەي اعام بار، وسى كىسىلەرگە قاراپ بوي تۇزەپ، ىزىنەن ەرىپ كەلە جاتقان جاس اقىن رەتىندە، قارا شاڭىراعىمىزدا قالىپتاسقان ءدəستۇردى ولتىرمەي، جانداندىرۋ ماقساتىندا مەن دە ونەرىمدى حالىققا پاش ەتكىم كەلەدى! تاريحتا əجە مەن نەمەرەنىڭ ايتىسى بۇرىن-سوڭدى بولماعان شىعار، بولسا دا بۇگىنگى كۇنگە جەتپەگەن دەۋگە  بولادى. Əجە مەن نەمەرەنىڭ اراسىنداعى سىيلاستىققا، ىزگى-ونەگەگە تولى ايتىس جاساۋعا تىرىسامىن!

ەستەرىڭىزگە سالا كەتەيىك، قىركۇيەك ايىنىڭ 30 جۇلدىزىندا "NurOtan" پارتياسىنىڭ قولداۋىمەن، الماتى قالاسى اكىمدىگى جانە "ايتىس اقىندارى مەن جىرشى، تەرمەشىلەردىڭ حالىقارالىق وداعى" رقب  ۇيىمداستىرۋىمەن "وتان وتباسىنان باستالادى" اتتى  اقىندار ايتىسى وتەدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3525