سەنبى, 25 مامىر 2024
4009 1 پىكىر 27 قىركۇيەك, 2019 ساعات 15:18

"پوليتسياعا باعىنباعان" بەلسەندى بولات سماعۇلوۆ 4 كۇنگە قامالدى

الماتى قالالىق ماماندانداندىرىلعان اۋدانارالىق اكىمشىلىك سوتى الماتىلىق بەلسەندى بولات سماعۇلوۆتى ءتورت تاۋلىككە قاماۋ تۋرالى شەشىم شىعاردى. وعان اكىمشىلىك كودەكستىڭ 667-باپ 1-تارماعى بويىنشا ("پوليتسيا تالابىنا باعىنباۋ") ايىپ تاعىلعان.

پروكۋراتۋرا وكىلدەرىنىڭ ايتۋىنشا، 21 قىركۇيەك كۇنى "رۇقسات ەتىلمەگەن ميتينگ كەزىندە" ارنايى جاساققا قارسىلىق كورسەتكەن. ال ايىپتالۋشى "ميتينگىدە ەمەس، جۇمىسقا بارا جاتقان كەزدە ارنايى جاساق الىپ كەتتى" دەپ سانايدى. ءىستى سۋديا باقىت ەدىلوۆا قارادى.

الماتىلىق بەلسەندى قانات جاقىپوۆ Facebook-تاعى پاراقشاسىندا بولات سماعۇلوۆتى 26 قىركۇيەكتە پوليتسيا المالى اۋداندىق پوليتسيا باسقارماسىنا اكەتكەنىن جازعان.

21 قىركۇيەكتە پوليتسيا قازاقستان تىيىم سالىنعان "قازاقستاننىڭ دەموكراتيالىق تاڭداۋى" قوزعالىسى بەلگىلەگەن "ميتينگى ورىندارىندا" رەسمي دەرەك بويىنشا شامامەن 100 ادامدى ۇستاعان. "رۇقسات ەتىلمەگەن ميتينگىگە قاتىسقان" ادامداردىڭ كوبى بىرنەشە ساعاتتان سوڭ بوساتىلعان. وننان استام ادام اكىمشىلىك جازاعا تارتىلعان. وقيعا كەزىندە پوليتسيانىڭ بەيبىت شەرۋشىلەرگە كۇش قولدانعانى حابارلانعان.

حالىقارالىق Human Rights Watch ادام قۇقىعىن قورعاۋ ۇيىمى قازاقستانداعى سوڭعى ۇستاۋلار مەن قاماۋلاردى سىناپ، پرەزيدەنت قاسىم-جومارت توقاەۆتى ساياسي رەفورما جاساۋعا شاقىردى.

Abai.kz

1 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2314
ادەبيەت

«سولاي ەمەس پە؟»

عابباس قابىشۇلى 2667
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2826
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1757