قىزىلوردا وبلىسىنىڭ اكىمى قۋانىشبەك ىسقاقوۆ قارماقشى اۋدانىنا جۇمىس ساپارىمەن باردى. «اۋىلدىق ەلدىمەكەندەردىڭ جاس كاسىپكەرلەرى» فورۋمىنا قاتىسىپ،  ءىىى ينتەرناتسيونال اۋىلىنىڭ الەۋمەتتىك-ەكونوميكالىق دامۋ بارىسىمەن تانىستى.

كاسىپكەرلىك سالاسىندا جەتىستىككە جەتكەن ءوڭىر جاستارىمەن كەزدەسىپ، جاستار اراسىندا كاسىپكەرلىكتىڭ دامۋىنا قولداۋ كورسەتۋ ماقساتىندا وبلىس اكىمى قۋانىشبەك ىسقاقوۆتىڭ توراعالىعىمەن «اۋىلدىق ەلدىمەكەندەردىڭ جاس كاسىپكەرلەرى» فورۋمى  ءوتتى.

«باستى ماقساتىمىز - مەملەكەت باسشىسىنىڭ تاپسىرمالارىن جۇيەلى ورىنداۋ. الدىمەن اۋىزبىرشىلىكتى، تاتۋلىقتى ساقتاۋ كەرەكپىز. ويتكەنى ىنتىماق بولماي، ەشقانداي ءىس ونبەيدى. ەكىنشى - ءوڭىرىمىزدى يندۋستريالاندىرۋ. جاڭا كاسىپتەر، ءوندىرىس ورىندارىن اشۋ، جەر استىنىڭ پايدالى قازبالارىن دۇرىس پايدالانا ءبىلۋ، تابيعاتتىڭ مۇمكىندىكتەرىن ءتيىمدى قولدانۋ، ينۆەستيتسيا تارتىپ، ونەركاسىپتى نىعايتۋ قاجەت. تيىسىنشە كاسىپكەرلىكتى دامىتۋ ارقىلى جاڭا جۇمىس ورىندارى قۇرىلاتىن بولادى. وسى باعىتتا ءوڭىرىمىزدىڭ بارلىق اۋداندارىن ارالاپ، اتقارىلىپ جاتقان جۇمىستارمەن، حالىقتىڭ تۇرمىس-تىرشىلىگىمەن تانىستىم. قازىرگى تاڭدا جۇمىسسىزدىقتى ازايتۋ، بيزنەستى قولداۋ، ينۆەستيتسيانى دامىتۋ ماقساتىندا مەملەكەتتىك باعدارلامالار جۇزەگە اسىرىلۋدا. ءبىزدىڭ وبلىستا بۇل سالادا ءبىرشاما جۇمىستار اتقارىلىپ، وڭ كورسەتكىشتەر كورسەتىپ كەلەدى. وسىعان وراي، 2018 جىلى قىرىمبەك ەلەۋۇلى ەلباسىنىڭ قولىنان بيزنەستى جۇرگىزۋگە جاعداي جاساعان ەڭ ۇزدىك ايماق نوميناتسياسى بويىنشا التىن ساپا ماراپاتىن العانىن بىلەسىزدەر»،-دەدى ايماق باسشىسى.

شاراعا جەرگىلىكتى 18-29 جاس ارالىعىندا جاس كاسىپكەرلەر، كاسىپكەرلىك سالاسىنداعى مەملەكەتتىك مەكەمەلەر، قارجى ۇيىمدارى، وڭىرلىك كاسىپكەرلەر پالاتاسى قاتىستى.

ءىس-شارا بارىسىندا مادەني شارالار ۇيىمداستىرىلىپ، قاتىسۋشىلارعا مەملەكەتتىك جانە وڭىرلىك باعدارلامالار اياسىندا نەسيە جانە مەملەكەتتىك گرانت الۋ جولدارى ءتۇسىندىرىلدى. سونىمەن قاتار، سپيكەرلەر  كاسىپتى قالاي جۇرگىزۋ كەرەك، ونى دامىتۋدىڭ جولدارى، تابىستى كاسىپكەر بولۋدىڭ قۇپياسى، جەكە ءىسىن باستاعىسى كەلگەن  جاستارعا قاراستىرىلعان مۇمكىندىكتەر تۋرالى بايانداما جاسادى.

سونداي-اق، ءوز ءىسىن اشقان جاستاردىڭ شىعارعان ونىمدەرىنىڭ كورمەسى ۇيىمداستىرىلدى. شارا سوڭىندا ايماقتىڭ  جاس كاسىپكەرلەرى وبلىس اكىمىنىڭ قۇرمەت گراموتاسى جانە العىس حاتتارىمەن، ەستەلىك سىيلىقتارمەن ماراپاتتالدى.

قارماقشى اۋدانىنا جۇمىس ساپارى اياسىندا ايماق باسشىسى  ءىىى ينتەرناتسيونال اۋىلىندا اتقارىلىپ جاتقان جۇمىستارمەن تانىستى.

ءىىى ينتەرناتسيونال اۋىلىنىڭ حالىق سانى – 2444 ادام، وتباسى سانى – 475. اۋىلداعى №108 ورتا مەكتەپتە 452 بالا ءبىلىم الۋدا، 62 مۇعالىم، 30 قىزمەتكەر جۇمىس ىستەيدى.

«بيزنەستىڭ جول كارتاسى 2020» بيزنەستى قولداۋ مەن دامىتۋدىڭ بىرىڭعاي باعدارلاماسى شەڭبەرىندە «بيزنەس كەڭەسشى» جوباسى بويىنشا 7 ادام وقۋ كۋرستارىنان ءوتتى.

Abai.kz