سەنبى, 2 ناۋرىز 2024
3256 13 پىكىر 26 قىركۇيەك, 2019 ساعات 13:08

پۋتين ناتو ەلدەرىنەن ەۋروپاعا زىمىران ورناتۋدان باس تارتۋىن سۇرادى

رەسەي پرەزيدەنتى ۆلاديمير پۋتين ونداعان ەلدىڭ باسشىسىنا، سونىڭ ىشىندە ناتو-نىڭ بارلىق مۇشەسىنە، ەۋروپادا ورتا جانە قىسقا قاشىقتىققا ۇشاتىن زىمىراندار ورناتپاۋ تۋرالى حات جولدادى.

بۇل تۋرالى "كوممەرسانت" گازەتى ناتو ەلدەرىنىڭ ديپلوماتتارىنا سىلتەمە جاساپ حابارلادى. ولار بۇۇ باس اسسامبلەياسىنىڭ سەسسياسىنا جينالعان ەدى.

ديپلومات سوزىنشە، ءپۋتيننىڭ حاتى 19 قىركۇيەكتە جولدانعان. ەۋرووداق سىرتقى ساياسات مەكەمەسىنىڭ باسشىسى فەدەريكا موگەريني مەن ناتو باس حاتشىسى يەنس ستولتەنبەرگ تە رەسەي پرەزيدەنتىنەن حات العان.

بۇل حاتتا پۋتين اقش ەۋروپا مەن باسقا دا ايماقتاردا ورتا جانە شاعىم قاشىقتىققا ۇشاتىن زىمىران ورناتپاسا، مۇنداي قادامعا رەسەي دە بارمايتىنىن جازعان. بىراق اقش بۇل ۇسىنىستان باس تارتىپ وتىر. پۋتين وزگە دە ەلدەردى رەسەي ۇسىنىسىن قولداۋعا شاقىردى.

پۋتين حاتىن العان ەلدەردىڭ ءبىرى رەسەيدىڭ بۇل ۇسىنىسىن قولدامايتىنىن "كوممەرسانتقا" ايتقان. ويتكەنى رەسەي ءوز اۋماعىندا مۇنداي زىمىرانداردى ورناتىپ ۇلگەردى دەيدى گازەت دەرەككوزى.

Abai.kz

13 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 395
الاشوردا

قوجانوۆ مەجەلەۋ ناۋقانىندا

بەيبىت قويشىباەۆ 228
عيبىرات

قايسار رۋحتى عازيز جان

مۇحتار قۇل-مۇحاممەد 574