سەيسەنبى, 25 قاڭتار 2022
2296 3 پىكىر 25 قىركۇيەك, 2019 ساعات 11:58

ديپلوماتتار شىمكەنت تۇرعىندارىنان قىسىم كورگەنىن ايتقان وزبەك ستۋدەنتتەرىمەن كەزدەستى

شىمكەنت قالاسىنداعى يننوۆاتسيا اكادەميالىق ۋنيۆەرسيتەتىندە وقيتىن وزبەك ستۋدەنتتەرى جاقىندا الەۋمەتتىك جەلىلەر ارقىلى ۆيدەوۇندەۋ جاسادى. وندا ستۋدەنتتەر جەرگىلىكتى تۇرعىنداردان قىسىم كورگەنىن ايتقان.

21 قىركۇيەكتە شىمكەنتتە وزبەكستان ەلشىسى سايديكروم نيازحودجاەۆ، شىمكەنت قالاسى اكىمدىگىنىڭ، قازاقستان حالقى اسسامبلەياسىنىڭ وكىلدەرى قاتىسقان جينالىس بولدى.

وندا شىمكەنت قالاسىندا وقيتىن وزبەكستان ازاماتتارىنىڭ قاۋىپسىزدىگىن قامتاماسىز ەتۋ ماسەلەسى دە ءسوز بولدى. بۇل تۋرالى وزبەكستاننىڭ سىرتقى ىستەر مينيسترلىگى حابارلادى.

وزبەكستاننىڭ قازاقستانداعى ەلشىلىگى مەن الماتى قالاسىنداعى باس كونسۋلدىعى جاعدايدى باقىلاۋعا العان. وزبەك ستۋدەنتتەرىنە ديپلوماتيالىق وكىلدىك قورعاۋىندا ەكەنى حابارلانعان.

"بۇل ماسەلە شىمكەنت بيلىگىمەن بىرگە شەشىلەدى. جەرگىلىكتى بيلىك ديپلوماتيالىق وكىلدىك جۇمىسىنا قولداۋ كورسەتىپ وتىر" دەلىنگەن وزبەكستان ءسىم مالىمدەمەسىندە.

Abai.kz
3 پىكىر