جۇما, 29 ناۋرىز 2024
3447 1 پىكىر 24 قىركۇيەك, 2019 ساعات 14:07

قىزىلوردا وبلىسىنىڭ اكىمى قامكوڭىل جاندارمەن كەزدەستى

«Nur Otan» پارتياسىنىڭ «كەدەرگىسىز كەلەشەك» جوباسى اياسىندا پارتيانىڭ قىزىلوردا وبلىستىق فيليالى توراعاسى، وبلىس اكىمى قۋانىشبەك ىسقاقوۆ مۇمكىندىگى شەكتەۋلى جاندارمەن كەزدەستى، - دەپ حابارلايدى اباي-اقپارات.

جيىندا قامكوڭىل جاندار وبلىس اكىمىنە ءوز ۇسىنىس پىكىرلەرىن جەتكىزدى. كەزدەسۋ بارىسىندا ايماق باسشىسى جۇزەگە اسىرىلىپ جاتقان جۇمىستار تۋرالى ايتا كەلە:

– مەملەكەت باسشىسى قاسىم-جومارت كەمەلۇلى توقاەۆ قازاقستان حالقىنا ارناعان جولداۋىندا مۇمكىندىگى شەكتەۋلى ادامدارعا، ونىڭ ىشىندە مۇگەدەك بالالار تاربيەلەپ وتىرعان وتباسىلارعا ەرەكشە نازار اۋدارۋدى، ولار ءۇشىن تەڭ مۇمكىندىكتەر جاساۋدى تاپسىرعان بولاتىن. بۇل باعىتتا وبلىستا اۋقىمدى جۇمىستار اتقارىلۋدا. بۇگىنگى تاڭدا وبلىستا 30 مىڭعا جۋىق مۇمكىندىگى شەكتەۋلى جاندار بار. ولاردىڭ ءومىر ءسۇرۋ دەڭگەيىن جاقسارتۋ ءۇشىن 2013 جىلدان باستاپ ءار ەكى جىل سايىن ارنايى جول كارتاسى بەكىتىلەدى. سوڭعى التى جىل ىشىندە وسى جول كارتاسىن جۇزەگە اسىرۋ ءۇشىن الەۋمەتتىك تولەمدەردى ەسەپتەگەندە بيۋدجەتتەن 23 ملرد. تەڭگەدەن استام قارجى جۇمسالدى. بيىل وسى ماقساتقا 937 ملن.تەڭگە ءبولىنىپ وتىر. بۇل وتكەن جىلمەن سالىستىرعاندا 1,7 ەسەگە ارتتىق. الەۋمەتتىك وڭالتۋ شارالارىن ورىنداۋدا ءبىز سوڭعى 3-4 جىل كولەمىندە رەسپۋبليكا بويىنشا ءبىرىنشى ورىندا كەلەمىز. ۇستىمىزدەگى جىلى ايماقتا وڭالتۋ شارالارى 80 پايىزعا ورىندالىپ، رەسپۋبليكا بويىنشا ورتاشا ەسەپپەن 57 پايىزدى قۇراپ وتىر. بۇل جىلدان جىلعا كوبەيمەسە، ازايمايدى،- دەدى ايماق باسشىسى.

كەزدەسۋدە بارىسىندا مۇمكىندىگى شەكتەۋلى ازاماتتار جاردەماقىنى تاعايىنداۋ، تەگىن ءدارى-دارمەكتەر الۋ، وزگە وڭىرلەرگە بارىپ ەم قابىلداۋ ءۇشىن كۆوتا ءبولۋ، جولدا ءجۇرۋ جەڭىلدىكتەرى، سونداي-اق، عيماراتتارعا، ونىڭ ىشىندە جاڭادان سالىناتىن عيماراتتار مەن تۇرعىن ۇيلەردە مۇمكىندىگى شەكتەۋلى ازاماتتار ءۇشىن كەدەرگىسىز ورتا قالىپتاستىرۋ سەكىلدى ماسەلەلەر كوتەردى. قوزعالعان ماسەلەلەرگە بايلانىستى وبلىس اكىمى:

– ەرەكشە قاجەتتىلىگى بار جانداردىڭ ءجۇرىپ تۇرۋىنا كوپتەگەن كەدەرگىلەر بار ەكەنىن جاقسى بىلەمىن.بارلىق پروبلەمالاردى ءبىر كۇندە شەشىپ تاستاۋ مۇمكىن ەمەس. الىدە شەشىمىن تاپپاعان ماسەلەلەر بار. سولاردىڭ ءبىرى الەۋمەتتىك نىسانداردىڭ قولجەتىمدىلىگى. دەگەنمەن قالا ينفراقۇرىلىمى ول ءۇشىن ءالى دە تولىق بەيىمدەلمەگەن. وسى ماقساتتا «Nur Otan» پارتياسىمەن قابىلدانعان «كەدەرگىسىز كەلەشەك» جوباسى اياسىندا تياناقتى جۇمىستار قولعا الىندى. بارلىعى قارىجىعا كەلىپ تىرەلگەندىكتەن ولار كەزەڭ –كەزەڭىمەن شەشىلەتىن بولادى،- دەپ اتاپ ءوتتى.

سونداي-اق، ەركىن فورماتتاعى كەزدەسۋدە سىرداريالىق اقىن نۇرمۇحامەد ابىلقاسىموۆ قۋانىشبەك دوسمايىلۇلىنا «تاسجارعان» كىتابىن تابىس ەتتى.

ءوز كەزەگىندە ايماق باسشىسى ايتىلعان ۇسىنىس-پىكىرلەردىڭ بارلىعى نازارعا الىنىپ، سالا باسشىلارىنا ءتيىستى تاپسىرمالار جۇكتەلەتىنىن جەتكىزدى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2283
عيبىرات

قايسار رۋحتى عازيز جان

مۇحتار قۇل-مۇحاممەد 3620