جەكسەنبى, 19 مامىر 2024
3645 0 پىكىر 23 قىركۇيەك, 2019 ساعات 13:32

قىزىلوردالىق عالىمداردىڭ ەڭبەگىمەن الەمنىڭ كوپتەگەن عالىمدارى تانىسا الادى

باتىس باسپاسوزىندە قىزىلوردالىق ۇستازداردىڭ ماقالالارى جارىق كوردى. ناقتىراق ايتساق، بەدەلدى امەريكالىق «PSYCHOLOGY AND EDUCATION» جۋرنالىنىڭ جازعى نومىرىندە قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ دوكتورانتى ب.ج.پاريدينوۆانىڭ ەڭبەگى شىققان.
سونىمەن قاتار، قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ پروفەسسورى، پەداگوگيكا عىلىمدارىنىڭ دوكتورى ش.م.مايگەلديەۆا جانە قىزىلوردا «بولاشاق» ۋنيۆەرسيتەنىڭ پروفەسسورى، ساياسي عىلىمدارىنىڭ كانديداتى م.ءو.ناسيموۆتىڭ «بولاشاق مۇعالىمدەردىڭ رۋحاني دۇنيەتانىمىن دامىتۋ: نەگىزگى تۇسىنىكتەرى، ءمانى جانە ماسەلەلەرى» اتتى ماقالالارى جارىق كوردى.
بەرىلگەن زەرتتەۋ جۇمىسىندا بولاشاق مۇعالىمدەردىڭ رۋحاني دۇنيەتانىمىن دامىتۋدىڭ نەگىزگى تۇسىنىكتەرى، ءمانى مەن ماسەلەلەرى قاراستىرىلعان. وسى ماسەلەگە قاتىستى شەتەلدىك عالىمدار مەن ويشىلداردىڭ كەيبىر تۇجىرىمدامالىق يدەيالارى ساراپتالدى. قازىرگى قوعامداعى بولاشاق مۇعالىمدەردىڭ رۋحاني دۇنيەتانىمىن دامىتۋدىڭ ءرولى دايەكتەلدى.
«PSYCHOLOGY AND EDUCATION» - پسيحولوگيا مەن ءبىلىم بەرۋدىڭ جالپى سالالارى بويىنشا ىرگەلى زەرتتەۋلەر، تەوريالارى، ادىستەرى مەن تاجىريبەلەرىنە ارنالعان رەتسەنزيالاناتىن جۋرنال بولىپ تابىلادى. جۋرنال 1963 جىلدان باستاپ جارىق كورەدى.
جۋرنال تەك سكوپۋس بازاسىندا يندەكستەلىپ قانا قويماي،  PsycINFO, American Psychological Association (APA), Sage Publications جانە psychologyandeducation.net بازالارىندا يندەكستەلەدى. بۇل بەرىلگەن ماتەريالمەن الەمنىڭ كوپتەگەن عالىمدارى تانىسا الادى دەگەن ءسوز. جۋرنال جىلىنا ءوز بەتتەرىندەگى جاريالانىمداردى 27 ماقالادان اسىرمايدى. باسپاگەرلەردىڭ ءبىزدىڭ عالىمداردىڭ ەڭبەگىن تاڭداۋى سىر عالىمدارىنىڭ ۇلكەن جەتىستىگى دەپ تۇسىنەمىز.
جۋرنالداعى بەرىلگەن جاريالانىم سوڭعى 10 جىلداعى قازاقستاندىق اۆتورلاردىڭ ءبىرىنشى ماقالاسى ەكەندىگىن ايتا كەتكەنىمىز ءجون. زەرتتەۋ ب.ج. پاريدينوۆانىڭ «بولاشاق مۇعالىمدەردىڭ رۋحاني دۇنيەتانىمىن تۇلعالىق-باعدارلىق وقىتۋ ارقىلى دامىتۋ» دوكتورلىق ديسسەرتاتسياسى شەڭبەرىندە جۇرگىزىلدى.
Abai.kz
0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2146
ادەبيەت

«سولاي ەمەس پە؟»

عابباس قابىشۇلى 2551
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2365
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1661