جۇما, 24 مامىر 2024
3208 0 پىكىر 6 قىركۇيەك, 2019 ساعات 13:29

قىزىلوردادا الما مەن ءجۇزىم ەككەن كاسىپكەرلەرگە سۋبسيديا بەرىلەدى

قىزىلوردا وبلىسىندا كاسىپكەرلەرگە الما مەن ءجۇزىم ەككەنى ءۇشىن ارنايى سۋبسيديا بەرىلەتىن بولدى. ايماقتاعى اۋىلشارۋاشىلىعى تاۋارىن ءوندىرۋشى كاسىپكەرلەر ءۇشىن بۇل «ءسۇيىنشى» جاڭالىقتى قىزىلوردا وبلىسى كاسىپكەرلەر پالاتاسىنىڭ اگروونەركاسىپتىك كەشەن ءبولىمىنىڭ باستىعى جاسۇلان سەرىكوۆ مالىمدەدى. 

وسىعان دەيىن، كاسىپكەرلەر پالاتاسى اۋىل شارۋاشىلىعى مينيسترلىگىمەن قولدانىسقا ەنگىزىلگەن مامانداندىرۋ سحەماسىنىڭ جەرگىلىكتى كاسىپكەرلەردىڭ قۇقىعىن شەكتەپ وتىرعاندىعى جايلى ماسەلەنى ءتۇرلى الاڭداردا كوتەرىپ كەلگەن بولاتىن.

اتاپ ايتقاندا، جىل باسىندا جاسۇلان سەرىكوۆ سول كەزدە بۇقارالىق اقپارات قۇرالدارىنا:

«اۋىل شارۋاشىلىعى ءمينيسترىنىڭ 2014 جىلعى بۇيرىعىمەن بەكىتىلگەن «اۋىل شارۋاشىلىعى ءونىمىنىڭ ناقتى تۇرلەرىن ءوندىرۋ ءۇشىن اۋىل شارۋاشىلىعى جەرلەرىن وڭتايلى پايدالانۋ بويىنشا وڭىرلەردى مامانداندىرۋدىڭ ۇسىنىلاتىن سحەماسىنا» سايكەس وبلىستا بىرقاتار باعىتتار بويىنشا مەملەكەت تاراپىنان بەرىلەتىن جەڭىلدىكتەردى  الۋعا قول جەتكىزە الماي كەلگەن بولاتىن. مىسال رەتىندە ايتايىن، «2019 جىلدىڭ قاڭتار ايىنان باستاپ ينۆەستيتسيالىق سۋبسيديالاردى بەرۋدە وسى مامانداندىرۋ سحەماسىن باسشىلىققا الىنسىن»،- دەپ كورسەتىلگەن. بۇگىندە شيەلى، جاڭاقورعان اۋداندارىنىڭ تۇرعىندارى الما وسىرۋمەن اينالىسۋدا. الايدا مامانداندىرۋ سحەماسىندا ءبىزدىڭ وبلىستىڭ اۋداندارىنىڭ ەشقايسىسى دا الما باعىن ءوسىرۋ بويىنشا باسىم باعىتتار قاتارىندا كورسەتىلمەگەن. ياعني بۇل باعىتتا ءىس باستاپ جۇرگەن ازاماتتار سۋبسيدياعا نەمەسە «قازاگرو» ۇبح اق تاراپىنان بەرىلەتىن جەڭىلدەتىلگەن قارجىنى الۋعا قول جەتكىزە المايدى دەگەن ءسوز. ماسەلەن، جانىمىزدا ءتيىپ تۇرعان تۇركىستاننىڭ كاسىپكەرلەرى الما ەككەنى ءۇشىن سۋبسيديا الاتىن بولسا، جانىندا تۇرعان جاڭاقورعان، شيەلى اۋداندارىنىڭ ازاماتتارىنا بۇل قولجەتىمسىز. ءبىز مينيسترلىكتەن كاسىپكەرلەرگە تەڭ جاعداي جاساپ، بۇل تارماقتى الىپ تاستاۋىن سۇرادىق»، - دەپ سۇحبات بەرگەن بولاتىن.

سونىمەن قاتار، ءبىزدىڭ اۋىل شارۋاشىلىعى تاۋاروندىرۋشىلەرىمىز كارتوپ پەن ماقسارى ەككەنى ءۇشىن، ءسۇت باعىتىنداعى ءىرى قارا مال وسىرگەنى ءۇشىن دە سۋبسيديادان، سونداي-اق  «قازاگرو» ۇبح اق تاراپىنان بەرىلەتىن جەڭىلدەتىلگەن قارجىدان قاعىلىپ كەلدى.

قىزىلوردا وبلىسى كاسىپكەرلەر پالاتاسىنىڭ ءوڭىر كاسىپكەرلەرىمەن، وبلىستىق اۋىل شارۋاشىلىعى باسقارماسىمەن بىرگە ءتيىستى مينيسترلىككە بەرگەن ۇسىنىسى قابىلدانىپ، 2019 جىلعى اۋىل شارۋاشىلىعى مينيسترلىگى مامانداندىرۋ سحەماسىنا وزگەرىستەر ەنگىزدى.

وزگەرىستەرگە ساي ەندىگى جەردە ماقسارى ەككەنى ءۇشىن قازالى اۋدانى مەن قىزىلوردا قالاسىنىڭ كاسىپكەرلەرى، كارتوپ ەككەنى ءۇشىن قىزىلوردا قالاسى مەن قارماقشى، جالاعاش، سىرداريا، شيەلى، جاڭاقورعان اۋدانىنىڭ، الما مەن ءجۇزىم ەككەنى ءۇشىن شيەلى مەن جاڭاقورعان اۋداندارىنىڭ، ءسۇت باعىتىنداعى ءىرى قارا مال وسىرگەنى ءۇشىن قىزىلوردا قالاسى مەن جاڭاقورعان، شيەلى، سىرداريا اۋداندارىنىڭ كاسىپكەرلەرى سۋبسيديا، سونىمەن بىرگە «قازاگرو» ۇبح اق تاراپىنان بەرىلەتىن جەڭىلدەتىلگەن قارجى الۋ مۇمكىندىگىنە يە بولدى.

Abai.kz

0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2300
ادەبيەت

«سولاي ەمەس پە؟»

عابباس قابىشۇلى 2650
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2739
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1740