وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا ايتىلعان مالىمەتكە سۇيەنسەك، بيىل قىزىلوردالىق  900 جاس وتان الدىنداعى بورىنىش وتەۋگە اتتاندى. 

بۇل تۋرالى بۇگىن وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا قىزىلوردا وبلىسىنىڭ قورعانىس ىستەرى جونىندەگى دەپارتامەنت باستىعى ەركىنبەك بايبولوۆ وسىلاي دەدى.

«كۇزگى مەرزىمدى اسكەري قىزمەتكە 900-گە جۋىق سىر بويىلىق جاس ورەن اتتانادى دەپ كۇتىلۋدە. ونىڭ ىشىندە 300-گە جۋىعى قازاقستان رەسپۋبليكاسىنىڭ قارۋلى كۇشتەرىنە، 300-گە جۋىعى ىشكى ىستەر مينيسترلىگىنىڭ ۇلتتىق ۇلانىنا، 200-گە جۋىعى ۇلتتىق قاۋىپسىزدىك كوميتەتىنىڭ شەكارا قىزمەتىنە شاقىرىلۋدا. سونداي-اق 15 جاس قازاقستان رەسپۋبليكاسىنىڭ مەملەكەتتىك كۇزەت قىزمەتىندە وتان الدىنداعى بورىشىن وتەيتىن بولادى» - دەدى دەپارتامەنت باستىعى ە.بايبولوۆ.

قازاقستان رەسپۋبليكاسى قارۋلى كۇشتەر مەن باسقا دا اسكەرلەرى مەن اسكەري قۇرىلىمداردى جاساقتاۋ ءۇشىن كۇزگى مەرزىمدى اسكەري قىزمەتكە شاقىرۋ 100%-دان اسا ورىندالىپ، 800-دەن اسا ازامات اسكەرگە اتتانعان بولاتىن.

ىرىكتەۋ كەزىندە دەنە دايىندىعى، ەموتسيالىق تۇراقتىلىققا باسا ءمان بەرىلەدى. سونداي-اق ۇمىتكەرلەر پسيحولوگتىڭ تەكسەرۋىنەن وتەدى. دەنساۋلىق جاعدايىنا بايلانىستى جانە وتباسىنىڭ جالعىز اسىراۋشىسى بولىپ تانىلاتىن ازاماتتار اسكەرگە شاقىرىلۋدان بوساتىلادى.

Abai.kz