جۇما, 29 ناۋرىز 2024
3170 2 پىكىر 24 قىركۇيەك, 2019 ساعات 13:20

زاكاريا اريفوۆ: كۇرىش ورۋدان قارماقشى اۋدانىنىڭ چەمپيونى اتاندىم

قاراپايىم ەڭبەك ادامدارىنىڭ ەڭبەگى قاشاندا ەسكەرۋسىز قالمايتىنى بەلگىلى. ماسەلەن، مەحانيزاتورلىققا سانالى عۇمىرىن ارناعان ەڭبەك ەرلەرى كامشات دونەنباەۆا، جادىرا تاسپانبەتوۆا، قاسىمتاي ىزتىلەۋوۆ پەن بيبىگۇل ابىشەۆا ەڭبەگىمەن ەل ىقىلاسىنا بولەندى.
بۇگىندە سول اعا بۋىن وكىلدەرىنىڭ مەرەيىن تاسىتقان  وسى ماماندىق جاس­تار اراسىندا قانشالىقتى قۇرمەتتى؟ ەل الەۋەتىنىڭ ءوسىپ-وركەندەۋىنە، ونىڭ ىشىندە اۋىل شارۋاشىلىعىنىڭ دامۋىنا وراسان ۇلەس قوسقان ماماندىق يەلەرىنىڭ ءىزباسارلارى اۋىلدا ەكەنىن بىلەمىز. ولاردىڭ ءبىرى – قارماقشى اۋدانى، ءىىى ينتەرناتسيونال اۋىلىنىڭ تۇرعىنى زاكاريا اريفوۆ.
اۋىلداعى مەكتەپتى ءتامامداي سالا اتا-اناسىنىڭ قولداۋىمەن اكەسى، ەسىمى ەلگە تانىمال اۋىل شارۋاشىلىعىنىڭ مايتالمانى ميليار اريفوۆ باسقاراتىن «دوستىق جەر مك» شارۋاشىلىعىنىڭ №1 ەگىس بريگاداسىنا مەحانيزاتور بولىپ، ەڭبەككە ارالاستى. زاكاريانىڭ تراكتورشى ماماندىعىن مەڭگەرگەنىنە  بيىل 21 جىل بولىپتى.
جاس مامان العاشقى جىلدارى «متز-80» تراكتور رۋلىنە وتىرىپ، بريگاداداعى اعا بۋىن ارىپتەستەرىنەن مەحانيزاتورلىق ماماندىقتىڭ قىر-سىرىن مەڭگەرسە، كەيىن جاتكا جانە كومباينداردى دا تىزگىندەدى. ەگىن جيناۋ ناۋقانىندا جاقسى كورسەتكىشتەرگە قول جەتكىزە باستادى. ءوز قاتارلاستارى اراسىندا  ۇيىمداستىرىلعان جارىستاردا ۇزدىكتەر قاتارىنان كورىنە باستاعان جاس تراكتورشى كەيىننەن وزاتتار قاتارىنان ورىن الدى. ءيا، «ەڭبەك ءتۇبى – بەرەكە» دەگەندەي، بۇگىن­دە زاكاريا – ءوزى ەڭبەك ەتەتىن №1 ەگىس بريگادا­سىنىڭ عانا ەمەس، شارۋاشىلىقتىڭ ۇزدىك مەحاني­زاتور­لارىنىڭ ءبىرى. ول – ءوز سالاسى بويىنشا ۇزدىكتەر كوشىن باستاپ، ءتۇرلى ماراپاتتارعا، زامانداستارى اراسىندا مارتەبەلى اتاققا يەلەنىپ جۇرگەن مايتالمان مامان.
– مەنىڭ جوعارى ءبىلىم الۋعا مۇمكىندىگىم بولدى. الايدا، تراكتورشىلىققا  بالا جاسىمنان جاقىن بولىپ وسكەندىكتەن، مەكتەپتى بىتىرە سالا اكەمنىڭ رۇقساتىمەن شارۋاشىلىقتا جۇمىسشى بولدىم. كەيىننەن تراكتورشى ماماندىعىن مەڭگەرىپ، مەحانيزاتورلىققا اۋىستىم. مىنە، سودان بەرى قىستا – تراكتور، كوكتەم-كۇزدە جاتكا-كومباين رۋلدەرىن تىزگىندەپ كەلەمىن.  كىمدە-كىم ءوزىنىڭ ماماندىعىن دۇرىس تاڭداي بىلسە، ونىڭ جولى ارقاشان اشىق ءارى جەڭىل بولادى. كوپتەگەن جەتىستىكتەرگە  قول جەتكىزدىم.  وتكەن جىلى 1100 گەكتار ەگىستىك القاپتىڭ كۇرىشىن ورىپ، اۋدان چەمپيونى اتاندىم. كەزىندە اعا ارىپتەستەرىمنەن العان تاجىريبەمدى، وزىمنەن كەيىنگى  ۇزىڭگىلەس ىنىلەرىمە ۇيرەتۋدەمىن، – دەيدى ز.اريفوۆ.
نۇرباي ءجانادىلوۆ 
Abai.kz
2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2282
عيبىرات

قايسار رۋحتى عازيز جان

مۇحتار قۇل-مۇحاممەد 3618