جۇما, 29 ناۋرىز 2024
2885 0 پىكىر 24 قىركۇيەك, 2019 ساعات 13:11

ارال اۋدانىنىڭ پروكۋرورلارى شالعايداعى ەلدى-مەكەن تۇرعىندارىمەن كەزدەستى

بۇگىندە حالىقتىڭ الەۋمەتتىك ءھام قۇقىقتىق ساۋاتتى بولۋى اسا ماڭىزدى. بۇل تۇرعىدا مەملەكەت تاراپىنان دا ىرگەلى ىستەرى اتقارىلىپ جاتىر. ماسەلەن، جۋىردا قىزىلوردا وبلىسى، ارال اۋدانىندا جەرگىلىكتى پروكۋراتۋرانىڭ ۇيىمداستىرۋىمەن “حالقىما قىزمەت كەرۋەنى” تاقىرىبىندا اكتسيا ءوتتى.

اتالعان شارانىڭ ماقساتى – اۋدانعا قاراستى شالعاي ەلدى-مەكەن تۇرعىندارىنىڭ الەۋمەتتىك جاعدايىن كوتەرۋ سونىمەن قاتار، جەرگىلىكتى حالىقتىڭ قۇقىقتىق ساۋاتتىلىعىن ارتتىرۋ. جانە، وڭىردەگى حالىقتىڭ ەڭ وزەكتى، ماڭىزدى ماسەلەلەرىنە نازار اۋدارۋ.

اكتسيا اياسىندا اۋدان پروكۋرورى اسحات تاجەنوۆ پەن اۋداندىق پوليتسيا ءبولىمىنىڭ باسشىسى نۇربول ابدىرازاق: قاراتەرەڭ، بوگەن، جاڭاقۇرىلىس، قوسجار، امانوتكەل، قىزىلجار، قامىستىباس، اقباي، ارالقۇم ەلدى مەكەندەرىنىڭ جاي-كۇيىمەن تانىسىپ، تۇرعىندارمەن كەزدەستى.

كەزدەسۋ بارىسىندا جەرگىلىكتى تۇرعىنداردىڭ قىلمىستىق، قۇقىق بۇزۋشىلىق احۋالى، جەر ماسەلەسى، كوممۋنالدىق ماسەلەلەر، الەۋمەتتىك قامسىزداندىرۋ، مەديتسينالىق قىزمەت ساپاسىنىڭ كورسەتىلۋى، تيەسىلى امالداردىڭ تەگىن ءدارى-دارمەكتەرمەن قامتىلۋى، مۇگەدەك جانداردىڭ قۇقىقتارىنىڭ ساقتالۋى، كاسىپكەرلىكتى دامىتۋ باعىتىنداعى ۇسىنىس-پىكىرلەرىن تىڭدادى. سايكەسىنشە، جەرگىلىكتى حالىقتىڭ تالاپ – تىلەگىن، ولاردىڭ تۇيىتكىلدى ماسەلەلەرىنە سالا باسشىلارى جاۋاپ بەرىپ، نازارعا الدى.

وسى ورايدا، اۋدان پروكۋرورى الەۋمەتتىك ماسەلەلەرمەن قاتار، حالىق اراسىنداعى قىلمىستىق احۋالدى، الاياقتىق، مال ۇرلىعى، كامەلەت جاسقا تولماعاندار اراسىنداعى قۇقىق بۇزۋشىلىق، بۇزاقىلىق جانە جول ءجۇرۋ ەرەجەلەرىن قاتاڭ ساقتاپ، جول-كولىك وقيعالارىنان ساق بولۋعا شاقىردى.

سونىمەن قاتار، اۋدان بويىنشا الاياقتىقتىڭ بىرنەشە دەرەكتەرى تىركەلگەندىگىن ايتا كەلە، ءتۇرلى الاياقتىق تۇرلەرىنەن، سونىڭ ىشىندە عالامتور ارقىلى ءورشىپ تۇرعان اقشا جىمقىرۋ، تۇرعىنداردىڭ سەنىمىنە كىرۋ ارقىلى الداپ اقشا الۋ دەرەكتەرىنەن ساقتانۋدى ەسكەرتتى.

مۇنان وزگە، كامەلەت جاسقا تولماعان جاسوسپىرىمدەردىڭ جىنىستىق ەركىنە قول سۇعۋماۋشىلىق، الەۋمەتتىك جەلىنى قولدانۋى ناتيجەسىندە ءداستۇرلى ەمەس ءدىني اعىمدارعا ەلىكتەۋشىلىگى، باسقا دا رۇقسات ەتىلمەگەن سايتتارعا كىرۋ، ءوز-وزىنە قول جۇمساۋ سىندى ماسەلەلەرىنە توقتالىپ، اتالعان جايتتاردان اتا-انالار مەن مەكتەپ ۇجىمى تاراپىنان وقۋشىلاردى قاتاڭ باقىلاۋ قاجەت ەكەندىگىن تاپسىردى.

كەزدەسۋ سوڭىندا ىنتا بىلدىرگەن تۇرعىندار اراسىندا جەكە قابىلداۋ وتكىزىلدى.

ايتا كەتۋ كەرەك، اكتسيا ودان ءارى اعىمداعى جىلدىڭ 24 قىركۇيەگى – سەكسەۋىل كەنتى، شيجاعا، سازدى اۋىلدارىندا، 25 قىركۇيەگى – قوسامان، اقەسپە، مەرگەنساي اۋىلدارىندا، 26 قىركۇيەگى – جاقسىقىلىش كەنتى، توقاباي، ساپاق اۋىلدارىندا جالعاساتىن بولادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3553