دۇيسەنبى, 20 مامىر 2024
3417 0 پىكىر 24 قىركۇيەك, 2019 ساعات 12:33

«قورقىت جانە ۇلى دالا سازى»

ەلباسىنىڭ «بولاشاققا باعدار: رۋحاني جاڭعىرۋ»، «ۇلى دالانىڭ جەتى قىرى» باعدارلامالىق ماقالالارىن جۇزەگە اسىرۋ باعىتىندا حالىقارالىق «تۇركسوي» ۇيىمى بىرلەسىپ تۇركىتىلدەس ەلدەردىڭ ۇلتتىق فولكلورلىق مۋزىكالىق ونەرىن دارىپتەۋ، مادەني بايلانىستى نىعايتۋ ماقساتىندا 2019 جىلعى 20-21 قىركۇيەك كۇندەرى «قورقىت جانە ۇلى دالا سازى» اتتى حالىقارالىق فولكلورلىق-مۋزىكالىق ونەر فەستيۆالى جانە «قورقىت اتا مۇرالارىنىڭ تۇركى الەمىندەگى ءرولى» اتتى عىلىمي-تەوريالىق كونفەرەنتسيا ءوتتى.

ەلباسىنىڭ قولداۋىمەن العاش رەت 2006 جىلى باستاۋ العان فەستيۆال بيىلعى جىلى بەسىنشى مارتە وتكىزىلىپ وتىر.

بيىلعا فەستيۆالگە تۇركيا، يران، ءازىربايجان، سەربيا، گرۋزيا، وزبەكستان، قىرعىزستان، تاتارستان، باشقۇرتستان، ساحا رەسپۋبليكالارىنان جانە ەلىمىزدىڭ ءار وڭىرىنەن بەلگىلى عالىمدار مەن ونەر يەلەرى، شىعارماشىلىق ۇجىمدار قاتىستى.

19 قىركۇيەكتە فەستيۆال قوناقتارى وبلىستىق تاريحي-ولكەتانۋ مۋزەيىمەن، سىرداريا وزەنىنىڭ سول جاعالاۋىندا ورنالاسقان  قالا تاريحى مۋزەيى جانە «رۋحاني جاڭعىرۋ» ورتالىعىمەن تانىسىپ، كەشكە ا.توقماعامبەتوۆ اتىنداعى مادەنيەت ۇيىندە «تۇران تۇركى ەسىگى، قورقىت جىردىڭ بەسىگى» اتتى سىر بويى حالقىنا كونتسەرتىن ۇسىندى.

20 قىركۇيەكتە «قورقىت اتا مۇرالارىنىڭ تۇركى الەمىندەگى ءرولى» تاقىرىبىنداعى  حالىقارالىق دەڭگەيدەگى كونفەرەنتسيادا وبلىس اكىمى ق.د.ىسقاقوۆ: «بارشا تۇركى الەمىنىڭ رۋحاني تالىمگەرىنىڭ شىعارمالارىن ساقتاپ  قانا قويماي، ونى بولاشاق ۇرپاققا  جەتكىزىپ،  ۇلى بابامىزدىڭ مۇراسىن ناسيحاتتاۋ – اسا ماڭىزدى ەكەنىن اتاپ ءوتىپ،  شەتەلدىك، وتاندىق عالىمدار مەن قوناقتارعا  سىر جۇرتشىلىعى اتىنان العىس ءبىلدىردى».

سونداي-اق، جيىندا  حالىقارالىق  تۇركسوي ۇيىمى باس حاتشىسىنىڭ ورىنباسارى، دوتسەنت، فيلولوگيا عىلىمدارىنىڭ دوكتورى چاكىدجى بيليال  مىرزا ءسوز سويلەپ، قازاقستان رەسپۋبليكاسى مادەنيەت جانە سپورت مينيسترىلىگى ءتىل ساياساتى كوميتەتى توراعاسىنىڭ مىندەتىن اتقارۋشى  مىرزابەكوۆا اينۇر  ايۋپقىزى مينيستر اقتوتى رايىمقۇلوۆانىڭ قۇتتىقتاۋ حاتىن وقىدى.

كونفەرەنتسيادا عالىمدار تۇركى الەمىنە ورتاق ويشىل قورقىت بابا جايىندا تىڭ دەرەكتەردى ورتاعا سالىپ، باياندامالارى تىڭدالدى.

شارا بارىسىندا  ءۇش تىلدە جارىق كورگەن، تاريح عىلىمدارىنىڭ كانديداتى، ايماقتىق وڭىرلىك «رۋحاني جاڭعىرۋ» ورتالىعىنىڭ ءبولىم باسشىسى سەرىكباي قوسانوۆتىڭ «قورقىت اتانىڭ  دانالىق سوزدەرى» اتتى كىتابىنىڭ تۇساۋ كەسىلىپ، عالىمدارعا تاراتىلدى.

سونىمەن قاتار، فەستيۆال اياسىندا  قورقىت اتا اتىنداعى قىزىلوردا  مەملەكەتتىك ۋنيۆەرسيتەتى، قازانعاپ اتىنداعى مۋزىكالىق كوللەدجى، م.مامەتوۆا اتىنداعى گۋمانيتارلىق كوللەدجى،  قىزىلوردا وبلىستىق فيلورمونياسىندا الىس-جاقىن شەتەلدەردەن كەلگەن جانە قازاقستاندىق ونەرپازداردىڭ قاتىسۋىمەن شەبەرلىك دارىستەرى ۇيىمداستىرىلدى. فەستيۆالدىڭ اشىلۋ سالتاناتى «دوستىق ءۇيى» الاڭىندا، قورىتىندى جابىلۋ شاراسى قارماقشى اۋدانىنداعى قورقىت اتا ەسكەرتكىش كەشەنىندە وتكىزىلدى.

كەشەندە  سىر ەلى قولونەر شەبەرلەرىنىڭ ۇلتتىق بۇيىمدار جارمەڭكەسى، «التىباقان» جاستار ويىن-ساۋىق باعدارلاماسى ۇيىمداستىرىلدى.

فوتوبايان:

Abai.kz

0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2175
ادەبيەت

«سولاي ەمەس پە؟»

عابباس قابىشۇلى 2575
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2468
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1672