جۇما, 2 جەلتوقسان 2022
جاڭالىقتار 2888 1 پىكىر 24 قىركۇيەك, 2019 ساعات 12:19

«تەرميندەردى ىرىكتەۋدىڭ كريتەريلەرى مەن پرينتسيپتەرى» اتتى ادىستەمەلىك سەمينار وتەدى

قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتىنىڭ تاپسىرماسىمەن ش.شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعى «تەرميندەردى ىرىكتەۋدىڭ كريتەريلەرى مەن پرينتسيپتەرى» اتتى رەسپۋبليكالىق ادىستەمەلىك سەمينارىن وتكىزەدى.

ادىستەمەلىك سەميناردىڭ وزەكتىلىگى قازاقستان رەسپۋبليكاسىندا تىلدەردى قولدانۋ مەن دامىتۋدىڭ  2011-2019 جىلدارعا ارنالعان مەملەكەتتىك باعدارلاماسىن ىسكە اسىرۋ ماقساتىندا  سالالىق تەرميندەردى بىرىزدەندىرۋگە جانە ىرىكتەۋ كريتەريلەرىن بەلگىلەۋگە نەگىزدەلگەن.

ادىستەمەلىك سەميناردىڭ ماقساتى – سالالىق تەرمينولوگيانى قازاق ءتىلىن عىلىم ءتىلى رەتىندە دامىتۋ تۇرعىسىندا قاراستىرۋ جانە تەرميندەردى ىرىكتەۋ مەن رەسمي بەكىتۋگە قويىلاتىن نەگىزگى تالاپتاردى ايقىنداۋ.

اتالعان ادىستەمەلىك سەميناردا سالالىق تەرمينولوگيانى جانداندىرۋ،  تەرميندەردى قازاق ءتىلىنىڭ جازۋ نورمالارىنا سايكەس رەتكە كەلتىرۋ ماسەلەلەرى قوزعالىپ، اركەلكى قولدانىلىپ جۇرگەن كەيبىر ءساتسىز بالامالاردى وزگەرتۋ مەن تۇزەتۋ جولدارى تالقىلانادى.

سونداي-اق سەميناردىڭ بايانداماشىلارى لاتىننەگىزدى قازاق الىپبيىنە كوشۋ بارىسىندا تەرمين سوزدەردىڭ بىرگە جانە بولەك جازىلۋ بەلگىلەرىن انىقتاۋ جولدارىن كورسەتەدى.

ءىس-شاراعا جەتەكشى عالىمدار، قازاقستان رەسپۋبليكاسى ۇكىمەتىنىڭ جانىنداعى رەسپۋبليكالىق تەرمينولوگيا كوميسسياسىنىڭ مۇشەلەرى، قازاق ءتىلى ءالىپبيىن لاتىن گرافيكاسىنا كوشىرۋ جونىندەگى ۇلتتىق كوميسسيا جانىنداعى تەرمينولوگيالىق جۇمىس توبىنىڭ مۇشەلەرى، ۇلتتىق اۋدارما بيۋروسى مەملەكەتتىك ورگانداردىڭ قىزمەتكەرلەرى، ۇلتتىق كومپانيالار مەن باق وكىلدەرى قاتىسادى.

وتەتىن ورنى مەن ۋاقىتى: 27 قىركۇيەك 2019 جىل، ساع. 10.00

الماتى قالاسى، قۇرمانعازى كوشەسى 40, دوستىق ءۇيىنىڭ ءماجىلىس زالى.

Abai.kz

1 پىكىر

ۇزدىك ماتەريالدار

قۇيىلسىن كوشىڭ

قانداستار قازاققا، قازاقستانعا نە بەردى؟

رايىس ءارىپجانۇلى 1339
الاشوردا

تۇركىلىك تەك جانە تۇركى-موعول بىرلىگى

ءجادي شاكەنۇلى 641
قاۋىپ ەتكەننەن ايتامىن

گازدىڭ گەوساياسي «گەموررويى»

ءامىرجان قوسان 830