مەملەكەتتىك ورگاندار حالىقتىڭ قاجەتتىلىكتەرىن جانە ولاردىڭ ماسەلەلەرىن انىقتاۋ بويىنشا “جامبىل وبلىسى جاستار ۇيىمدارىنىڭ قاۋىمداستىعى” زاڭدى تۇلعالار بىرلەستىگى 2019 جىلدىڭ 15 تامىزىندا پەتروپاۆلدا، 22 تامىزدا اقتوبەدە جانە 23 تامىزدا قىزىلوردادا فوكۋس توپ وتىرىستارىن وتكىزدى.

ءىس-شارانىڭ نەگىزگى ماقساتى — بەس الەۋمەتتىك باستاما باعدارلاماسى اياسىندا قىزمەت جەتكىزۋشىلەر مەن پروۆايدەرلەرىنىڭ سۋبەكتيۆتى قابىلداۋىن زەرتتەۋ; باعدارلامانى ىسكە اسىرۋدى باعالاۋ; بەس الەۋمەتتىك باستاما باعدارلامالارىن ىسكە اسىرۋدىڭ نەگىزگى ماسەلەلەرى بويىنشا قاتىسۋشىلارىنىڭ پىكىرلەرىن زەرتتەۋ جانە زەردەلەۋ.
فوكۋس-توپتىڭ تالقىلاۋى بارىسىندا بىرقاتار ۇسىنىستار ءتۇستى. اتاپ ايتقاندا، جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ، ستۋدەنت جاستاردىڭ جاتاقحاناداعى جاعدايىن جاقسارتۋ بويىنشا
سولتۇستىك قازاقستان وبلىسىندا:
- كوبىرەك جاتاقحانا سالۋ
- وبلىس (قالا) كاسىپورىندارى ءۇشىن ماماندىقتاردىڭ قاجەتتىلىكتەرىنە تۇراقتى زەرتتەۋلەر جۇرگىزۋ.
- زەرتتەۋ ناتيجەلەرىنە سايكەس ماماندىقتار بويىنشا گرانتتار تاقىرىبىن قالىپتاستىرۋ.
- ايماققا بايلانىستى گرانتتىق باعدارلامانى ازىرلەۋ.
- مەكتەپتەردە كاسىبي ءبىلىم بەرۋ بويىنشا ساباقتار ەنگىزۋ.

اقتوبە وبلىسىندا:
- ءتۇسۋ ەمتيحاندارىن جەڭىلدەتۋ.
- وقۋ اقىسىن تومەندەتۋ
- قاجەتتى جۇمىسشى ماماندىقتارىنا گرانتتى كوبىرەك ءبولۋ.
- جاتاقحانالاردىڭ باعاسى ستۋدەنتەردىڭ الاتىن شاكىرتاقىسىنىڭ 20 پايىز كولەمىندە بولسا.
قىزىلوردا وبلىسىندا:
- قازىرگى ۋاقىتتا قىزىلوردا قالاسىنداعى قورقىت ۋنيۆەرسيتەتىنىڭ جاعدايى وتە ناشار دەڭگەيدە سونى جاڭارتسا نەمەسە جوندەۋ جۇمىستارىن جۇرگىزسە.
- ستۋدەنتتەردىڭ شاكىرتاقىسىن ءومىر سۇرۋگە جەتەتىندەي دارەجەگە كوتەرسە نەمەسە قوسىمشا جۇمىس ىستەۋىنە مۇمكىندىك جاسالسا.
- وقۋ اقىسىن تومەندەتسە دەگەن ۇسىنىستار ءتۇستى.

ايتا كەتەيىك، “جامبىل وبلىسى جاستار ۇيىمدارىنىڭ قاۋىمداستىعى” زاڭدى تۇلعالار بىرلەستىگى قر اقپارات جانە قوعامدىق دامۋ مينيستىرلىگىنىڭ “ازاماتتىق باستامالاردى قولداۋ ورتالىعى” كوممەرتسيالىق ەمەس اكتسيونەرلىك قوعامىنىڭ “بەس الەۋمەتتىك باستاما بويىنشا “ازاماتتىق باقىلاۋ” قوعامدىق مونيتورينگى” تاقىرىبىمەن مەملەكەتتىك گرانت يەگەرى اتانعان بولاتىن. ءىس-شارا وسى اتالعان گرانت اياسىندا وتكىزىلدى.

Abai.kz