سەنبى, 13 ءساۋىر 2024
2830 0 پىكىر 23 قىركۇيەك, 2019 ساعات 11:48

سىر وڭىرىندە كاسىپكەرلەردىڭ قۇقىعىن قورعاۋ جونىندە «جول كارتاسى» ازىرلەندى

قىزىلوردا وبلىسىنىڭ اكىمى قۋانىشبەك ىسقاقوۆتىڭ توراعالىعىمەن قازاقستان كاسىپكەرلەرىنىڭ قۇقىقتارىن قورعاۋ جونىندەگى ۋاكىلى بولات پالىمبەتوۆتىڭ كاسىپكەرلىك سۋبەكتىلەرىمەن كەزدەسۋى ءوتتى. جيىندا بيزنەس سالاسىنىڭ وزەكتى ماسەلەلەرى تالقىلانىپ، كەزدەسۋ قورىتىندىسىمەن جول كارتاسىنا قول قويىلدى، - دەپ حابارلايدى اباي-اقپارات.

سىر وڭىرىندە «جاپپاي كاسىپكەرلىكتى دامىتۋ» جوباسى ەكىنشى جىل قاتارىنان جۇزەگە اسىرىلىپ جاتقانى ءمالىم. بيىل بۇل ماقساتتا ءارتۇرلى قاراجات كوزدەردەن 34 ملرد تەڭگە ءبولىنىپ، ارنايى «جول كارتاسى» بەكىتىلدى. ونىڭ ىشىندە، 5 ملرد. تەڭگەدەن استام قاراجات مەملەكەتتىك باعدارلامالار اياسىندا قارجىلاي ەمەس قولداۋعا، قايتارىمسىز گرانتتار بەرۋگە جانە شاعىن نەسيەلەرمەن قامتاماسىز ەتۋگە باعىتتالعان.

– بيزنەستى مەملەكەتتىك قولداۋ شارالارىن تسيفرلاندىرۋ باعىتىندا ورتالىق ينجەنەرلىك جەلىلەرگە تەحنيكالىق شارتتاردى ەلەكتروندى فورماتتا ۇسىنۋدا. قازىرگى تاڭدا، جەر تەلىمدەرىن الۋ راسىمدەرى ەلەكتروندى نىسانعا كوشىرىلگەن. وبلىس اكىمدىگىنىڭ وڭىرلىك كاسىپكەرلەر پالاتاسى جانىنان قۇرىلعان وڭىرلىك كاسىپكەرلەر كەڭەسىمەن 2013 جىلدان باستاپ تىعىز جۇمىس ىستەپ كەلەدى. بۇگىنگە دەيىن وڭىرلىك كاسىپكەرلەر كەڭەسىنىڭ 20 وتىرىسى وتكىزىلىپ، شاعىن جانە ورتا بيزنەس سالاسىندا 50-گە جۋىق ماسەلەلەر قارالىپ، وڭ شەشىمىن تاپتى، - دەدى ايماق باسشىسى قۋانىشبەك دوسمايىلۇلى.

سونداي-اق، كاسىپكەرلەردىڭ قۇقىقتارىن قورعاۋ، ولارعا بارىنشا قولداۋ كورسەتۋ ماقساتىندا الداعى ۋاقىتتا اتقارىلاتىن شارالار بويىنشا وبلىس اكىمدىگى قازاقستان كاسىپكەرلەرىنىڭ قۇقىقتارىن قورعاۋ جونىندەگى ۋاكىلدىگىمەن بىرلەسىپ 8 تارماقتان تۇراتىن ارنايى جول كارتاسى ازىرلەنىپ، بۇگىنگى كەزدەسۋدە بەكىتىلدى. كەزدەسۋ بارىسىندا وبلىس اكىمى:

– سىزدەردىڭ كاسىپكەرلىك ورتانى دامىتۋعا قاتىستى قاندايدا ءبىر يدەيالارىڭىز بولسا، ءبىز ولاردى بىرلەسىپ تالقىلاۋعا دايىنبىز. وسى قابىلدانعان جانە الداعى ۋاقىتتا قابىلداناتىن شارالاردىڭ بارلىعى ءوڭىر بيزنەسىنىڭ دامۋىنا قولايلى جاعدايلار تۋعىزادى دەپ ويلايمىن، - دەپ اتاپ ءوتتى.

ايتا كەتەيىك، سىر وڭىرىندە كاسىپكەرلەر پالاتاسى – «اتامەكەن» ۇلتتىق كاسىپكەرلەر پالاتاسىنىڭ قۇرىلىمدىق ءبولىمى رەتىندە 2013 جىلعى 8 قازاندا قۇرىلعان. كاسىپكەرلىك پالاتاسى بيزنەستى قولداۋ جانە قورعاۋ بويىنشا ءتيىستى جۇمىستار اتقارۋ ۇستىندە. كاسىپكەرلەردىڭ قۇقىقتارى مەن مۇددەلەرىن قورعاۋ، سونداي-اق بيزنەستىڭ جۇيەلى جۇرگىزىلۋى ءۇشىن كاسىپكەرلەردى زاڭنامالىق جانە وزگە دە نورماتيۆتىك ەرەجەلەردىڭ قالىپتاسۋ پروتسەسىنە كەڭىنەن قاتىسۋىنا جاعداي جاسايدى. كاسىپكەرلەر پالاتاسىنىڭ قىزمەتى - قىزىلوردا وبلىسىنىڭ ىسكەرلىك جانە ينۆەستيتسيالىق تارتىمدىلىعىن ارتتىرۋ، بيزنەستىڭ دامۋى ءۇشىن ءتيىستى شارالار قابىلداۋ.

Abai.kz

0 پىكىر