بەيسەنبى, 28 ناۋرىز 2024
2383 0 پىكىر 17 قىركۇيەك, 2019 ساعات 08:59

مەملەكەت باسشىسى حالىقارالىق ەلەكتر بايلانىسى وداعىنىڭ باس حاتشىسىن قابىلدادى

قازاقستان پرەزيدەنتى قاسىم-جومارت توقاەۆ حالىقارالىق ەلەكتر بايلانىسى وداعىنىڭ باس حاتشىسى چجاو ءحوۋليندى قابىلدادى.

كەزدەسۋ بارىسىندا قازاقستان مەن حالىقارالىق ەلەكتر بايلانىسى وداعىنىڭ ينفوكوممۋنيكاتسيالىق تەحنولوگيا سالاسىنداعى ءوزارا ءىس-قيمىل ماسەلەلەرى تالقىلاندى.

پرەزيدەنت قازاقستاندا جاڭا يننوۆاتسيالار مەن تەحنولوگيالاردى دامىتۋعا جانە ەنگىزۋگە باسا ءمان بەرىلەتىنىن اتاپ ءوتتى. مەملەكەت باسشىسى وڭىردە زاماناۋي ينفوكوممۋنيكاتسيالىق ينفراقۇرىلىم قۇرۋدىڭ ماڭىزدىلىعىن ايتتى.

چجاو حوۋلين قاسىم-جومارت توقاەۆقا حالىقارالىق ەلەكتر بايلانىسى وداعى قىزمەتىنىڭ نەگىزگى باعىتتارى تۋرالى مالىمدەدى. اتاپ ايتقاندا، ول پرەزيدەنتكە ءوزى باسقاراتىن وداقتىڭ 4G جانە 5G سياقتى تەلەكوممۋنيكاتسيالار مەن قىزمەت كورسەتۋ سالاسى بويىنشا ازىرلەپ جاتقان حالىقارالىق ستاندارتتارى جونىندە ايتتى.

حالىقارالىق ەلەكتر بايلانىسى وداعى باس حاتشىسىنىڭ باعالاۋىنشا، قازاقستاندا بلوكچەين، Big Data تەحنولوگيالارىن، جاڭا ساندىق قارجى قۇرالدارىن پايدالانۋعا، سونداي-اق، اۋىل شارۋاشىلىعىندا، ءبىلىم بەرۋ جانە دەنساۋلىق ساقتاۋ سالالارىندا، مەملەكەتتىك باسقارۋ ىسىندە كەڭىنەن قولدانىلاتىن اقپاراتتىق-كوممۋنيكاتسيالىق تەحنولوگيالاردى ەنگىزۋگە جاقسى مۇمكىندىكتەر جاسالعان دەپ سانايدى.

كەزدەسۋگە تسيفرلىق دامۋ، قورعانىس جانە اەروعارىش ونەركاسىبى ءمينيسترى اسقار جۇماعاليەۆ، پرەزيدەنتتىڭ كومەكشىسى مۇرات نۇرتىلەۋوۆ، حالىقارالىق ەلەكتر بايلانىسى وداعىنىڭ وڭىرلىك وكىلى كيريلل وپارين قاتىستى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3516