دۇيسەنبى, 25 مامىر 2020
COVID-19 قازاقستاندا. جۇقتىرعاندار — 8531. جازىلعاندار — 4506. قايتىس بولعاندار — 35
930 1 پىكىر 9 قىركۇيەك, 2019 ساعات 14:52

ماسكەۋ قالالىق دۋماسىنداعى ورىنداردىڭ جارتىسىن وپپوزيتسيا يەلەندى

رەسەي استاناسىندا جەكسەنبى كۇنى وتكەن سايلاۋ ناتيجەسى بويىنشا، وپپوزيتسيالىق ۇمىتكەرلەر ماسكەۋ قالالىق دۋمامىنداعى 45 ورىننىڭ جيىرماسىنا يە بولدى.

قالالىق سايلاۋ كوميسسياسى سايلاۋ ناتيجەسىن ءوز سايتىندا جاريالادى. كوممۋنيستىك پارتيادان 13 ۇمىتكەر ءوتتى. 2005 جىلدان بەرى العاش رەت "يابلوكو" پارتياسىنىڭ وكىلدەرى ماسكەۋ قالالىق دۋماسىنا ەندى. اتالعان پارتياسىن ءۇش ۇمىتكەرى جانە پارتيا قولداعان ءبىر ۇمىتكەر سايلاۋدا جەڭىسكە جەتتى. "سپراۆەدليۆايا روسسيا" قوزعالىسىنىڭ ءۇش وكىلى قالالىق دۋماعا ءوتتى.

ساياساتكەر الەكسەي ناۆالنىي "اقىلدى داۋىس" ستراتەگياسىنىڭ ءساتتى شىققانىن مالىمدەدى. ول جاقتاستارىن تۆيتتەر ارقىلى قۇتتىقتادى.

25 ورىندى ءوزىن ءوزى ۇسىنۋشىلار الدى. ماسكەۋ مەملەكەتتىك دۋماسىن سايلاۋعا "ەدينايا روسسيا" ۇمىتكەر ۇسىنبادى، ويتكەنى پارتيا بەدەلى ءتۇسىپ كەتىپ، ونىڭ مۇشەلەرى سايلاۋعا ءوزىن ءوزى ۇسىنعان.

"ەدينايا روسسيا" پارتياسى ماسكەۋ ءبولىمىنىڭ جەتەكشىسى اندرەي مەتەلسكي كوممۋنيستىك پارتيا ۇمىتكەرى سەرگەي ساۆوستيانوۆتان جەڭىلىپ قالدى. ساۆوستيانوۆ "ەدينايا روسسيا" داۋىس بەرۋ ناتيجەسىن بۇرمالاۋعا تىرىسقانىن حابارلاعان.

ماسكەۋ قالالىق دۋماعا ونداعان تاۋەلسىز ۇمىتكەر قاتىستىرىلمادى. بۇنىڭ سوڭى قالادا جاپپاي ميتينگتەرگە ۇلاستى.

Abai.kz

1 پىكىر