سىر ەلىندەگى ءوندىرىس ورىندارى جوبالىق قۋاتتىلىعىنا سايكەس ءوڭىر ەكونوميكاسىن دامىتۋدا. بۇگىندە ايماقتا قۇنى 567,7 ملرد.تەڭگەنى قۇرايتىن 28 جوبا ىسكە اسۋدا. سونىڭ ءبىرى اۋىل شارۋاشىلىعىنا باعىتتالعان ەت كومبيناتىنىڭ جۇمىسى. كومبيناتتىڭ قۇرىلىسى باستاۋ العان.

بۇل تۋرالى بۇگىن وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق يندۋستريالدىق-يننوۆاتسيالىق دامۋ باسقارما-سىنىڭ باسشىسى رينات سۇلتانگەرەەۆ مالىمدەدى.

اتالعان تسەح ىسكە اسسا قۋاتتىلىعى جىلىنا 5 مىڭ توننا ەتتى تەرەڭىنەن وڭدەيتىن كومبينات بولماق. نەگىزگى ءونىم ەكسپورتقا باعىتتالعان، ءونىمى ۆاكۋمدى قاپتامادا شىعارىلادى.

باسقارما باسشىسى وڭىردە تۇزعا دەگەن سۇرانىستىڭ ارتۋىنا بايلانىستى جاڭا يسپان تسەحىن اشۋ ءىسى باستالعانىن جەتكىزدى.

 «ارالتۇز» اكتسيونەرلىك قوعامى بيىلعى جىلى ونىمگە سۇرانىستىڭ جوعارى بولۋىنا بايلانىستى 3-ءشى يسپان تسەحىن سالۋ ماسەلەسىن قاراستىرۋدا. بيىلعى جىلى كاسىپورىن ءوندىرىس كولەمىن بىلتىرعى جىلمەن سالىستىرعاندا 25%-عا ارتتىرۋدا»،-دەيدى رينات سۇلتانگەرەەۆ.

ايتا كەتەيىك، وڭىردە يندۋستريالاندىرۋ كارتاسى اياسىندا 28 جوبا ءوز دەڭگەيدە ورىندالۋدا. وتكەن جىلى ىسكە قوسىلعان تسەمەنت جانە اك شىعارۋ زاۋىتتارىنىڭ ءونىمى ەسەلەنۋدە.

Abai.kz