وبلىس اكىمىنىڭ وكىمىمەن جانە قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمى بويىنشا بايقاداموۆ ناۋرىزباي سەيىتقاليۇلى قىزىلوردا وبلىسى اكىمىنىڭ ورىنباسارى لاۋازىمىنا تاعايىندالدى.

ناۋرىزباي بايقاداموۆ 1967 جىلى تۋعان.

ن. گوگول اتىنداعى قىزىلوردا پەداگوگيكالىق ينستيتۋتىن بىتىرگەن. تاريح عىلىمدارىنىڭ كانديداتى، قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ اكادەميالىق دوتسەنتى.

ەڭبەك جولىن 1991 جىلى سىرداريا اۋدانىنداعى  №139 ورتا مەكتەپتە تاريح ءپانىنىڭ مۇعالىمى رەتىندە باستاعان.

1994-2003 جىلدارى – قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ وقىتۋشىسى، اعا وقىتۋشىسى، كافەدرا مەڭگەرۋشىسى.

2003-2008 جىلدارى – قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ جانىنداعى كوللەدج ديرەكتورى، «نۇر وتان» پارتياسى قىزىلوردا وبلىستىق فيليالى توراعاسىنىڭ ورىنباسارى.

2008-2016 جىلدارى – قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ تاربيە جونىندەگى پرورەكتورى، قىزىلوردا وبلىسىنىڭ ءبىلىم باسقارماسىنىڭ باسشىسى، «نۇر وتان» پارتياسى قىزىلوردا وبلىستىق فيليالى توراعاسىنىڭ ءبىرىنشى ورىنباسارى.

2016 جىلدان باستاپ وسى كەزگە دەيىن قىزىلوردا وبلىستىق ءماسليحاتىنىڭ حاتشىسى بولدى.

Abai.kz