جۇما, 29 ناۋرىز 2024
جاڭالىقتار 2787 0 پىكىر 23 شىلدە, 2011 ساعات 03:50

ول «موي مير»-ءدى سايت دەپ ويلايدى

«گازەت-جۋرنالدى اشىپ قالساڭ دا، تەلەديداردى قوسىپ قالساڭ دا، راديونى باسىپ قالساڭ دا»، الدىڭنان «جۇلدىزدار» انداعايلاپ شىعا كەلەدى. ءبىر-بىرىنەن سويىپ قاپتاپ قويعانداي اۋمايتىن انشىلەر. ءتۇر-كەلبەتى، كيىم ۇلگىسى، داۋسى، سويلەۋ مانەرى، رەپەرتۋارى... ەڭ اياعى شاش ۇلگىلەرىنە دەيىن ۇقساس. سونىمەن، بۇگىنگى قازاق ءانشىسى قانداي دەگەن سۇراققا ۇزىك-ۇزىك «جاۋاپ».

«گازەت-جۋرنالدى اشىپ قالساڭ دا، تەلەديداردى قوسىپ قالساڭ دا، راديونى باسىپ قالساڭ دا»، الدىڭنان «جۇلدىزدار» انداعايلاپ شىعا كەلەدى. ءبىر-بىرىنەن سويىپ قاپتاپ قويعانداي اۋمايتىن انشىلەر. ءتۇر-كەلبەتى، كيىم ۇلگىسى، داۋسى، سويلەۋ مانەرى، رەپەرتۋارى... ەڭ اياعى شاش ۇلگىلەرىنە دەيىن ۇقساس. سونىمەن، بۇگىنگى قازاق ءانشىسى قانداي دەگەن سۇراققا ۇزىك-ۇزىك «جاۋاپ».

1. وعان انشىلىك دارىن اتا-باباسىنان، نە بولماسا ناعاشى جۇرتىنان، ايتەۋىر اتامزاماندا ءومىر سۇرگەن ءبىر تۋىسىنان دارىعان. قازىر ءانشى اتاسىنىڭ جولىن جالعاستىرىپ ءجۇر.
2. ونىڭ سوزدىك قورى جەردەگى قاراپايىم پەندەلەردىكىنەن ەكى-ءۇش ەسە كەدەي. جۋرناليستەر ولاردىڭ سۇحباتىن ءانشىنىڭ ءوزى تانىماستاي ەتىپ وڭدەپ، ماقال-ماتەل قوسۋعا مىندەتتى. ايتپەسە، ناشار جۋرناليست بولعانى.
3. ول جۋرناليستەردى جەك كورەدى، بىراق ءجيى سۇحبات بەرگەندى ۇناتادى. جەك كورەتىنى، جۋرناليستەر ايتقان ءسوزىن بۇرمالايدى، ايتپاعانىن ايتتى قىلادى. سوتتاسار ەدى، زاڭ بىلمەيدى نەمەسە جەڭىلىپ قالۋدان قورقادى.
4. ول كىتاپتى سوڭعى رەت 11-سىنىپتا جۇرگەندە وقىعان.
5. ول «موي مير»-ءدى سايت دەپ ويلايدى. ياعني، ونىڭ عالامتوردا «جەكە سايتى» بار.
6. ونىڭ رەپەرتۋارىنا ەكى جىلدا ءبىر ءان جانە ءبىر بەينەبايان قوسىلادى. وسى ءبىر ءان نەمەسە بەينەبايان تۋرالى ول ەكى جىل جالىقپاي سۇحبات بەرۋگە قابىلەتتى.
7. ول كليپتى وزبەكستاندا عانا تۇسىرەدى.
8. ول قازاق انشىلەرى ساحنادا بيلەمەۋى كەرەك دەپ سانايدى.
9. ول وزىنە-ءوزى پروديۋسەر. پروديۋسەرلىك جۇمىستىڭ اسقار شىڭى بۇگىن كەشكە وتەتىن تويدىڭ باعاسىنا كەلىسۋ دەپ سانايدى.
10. ونىڭ ايتۋىنشا، تويدا ءان سالۋ اتا-بابالارىمىزدان كەلە جاتقان سالت. بۇل ءداستۇردى بۇزۋعا بولمايدى. اقان سەرى، ءبىرجان سال، مايرا ۋاليقىزى، ۇكىلى ىبىرايلار كۇن سايىن تويعا بارعان. كەرەك دەسەڭىز، ءبىر تويدا ەكى ءان ايتا سالىپ، ەكىنشىسىنە جۇگىرىپ، ءبىر كۇندە التى-جەتى تويعا بارىپ ۇلگەرەتىن بولعان.
11. ول - «حالىقشىل». «حالقىم»، «ەلىم»، «قازاعىم» دەگەن اسقاق سوزدەردى ءجيى قايتالاۋعا قۇمار. ول حالىق ءۇشىن ءان ايتىپ، حالىق ءۇشىن بي بيلەپ ءجۇر. حالىقتىڭ ۇستىنەن كۇن كورىپ جۇرگەن جوق، حالىقتىڭ قۋانىشىن ءبولىسىپ ءجۇر. قىسقاسى، ەلباسىنان كەيىنگى حالىقتى ويلايتىن تۇلعا - ءوزى! ءبىر قىزىعى، حالقى ونى تانىماۋى ابدەن مۇمكىن.
12. ول «اۋليە ۆالەنتين»، «جاڭا جىل» سىندى مەرەكەلەر قازاققا جات دەپ ەسەپتەيدى. بىراق سول مەرەكە كۇندەرى «كورپوراتيۆكاعا» بارا بەرەدى.
13. ونى كوشەدە تانىماي قالعان ادام - تەلەديدار كورمەيتىن، مۋزىكا تىڭدامايتىن، گازەت-جۋرنال وقىمايتىن ساۋاتسىز جان. ونداي «ساۋاتسىزدارعا» «مەن بالەنشە دەگەن ءانشىمىن!» دەپ ەسكەرتۋ جاساۋ كەرەك.
14. ول ءوزىنىڭ جاعدايىن اعا بۋىن انشىلەرمەن سالىستىرىپ، جىلاپ-سىقتايدى. ونىڭ سوزىمەن ايتقاندا، بۇرىنعى انشىلەرگە مەملەكەت كومەكتەسكەن. ماشينە بەرگەن، كونتسەرتىن تەگىن وتكىزگەن، تەلەديداردان تەگىن جارنامالاعان، گاسترولدىك ساپارعا شىعارعان.
15. ول ءان ايتۋمەن شەكتەلمەيدى. ءارى كومپوزيتور، ءارى اقىن، تەلەجۇرگىزۋشى، تەاتر مەن كينو اكتەرى... زاڭگەر، ەكونوميست، بيزنەسمەندەرى دە بار. قىسقاسى، «سەگىز قىرلى، ءبىر سىرلى». ونىڭ كوزقاراسىندا، تەلەجۋرناليستيكا رەداكتور جازىپ بەرگەن ءسوزدى قايتالاپ وقىپ شىعۋمەن عانا شەكتەلەدى. «گازەتششيك» بولۋ ودان دا وڭاي.
16. ول شەت ءتىلىن بىلمەسە دە، ورىسشا، اعىلشىنشا قوسىپ سويلەۋگە تىرىسادى.
17. ول قازاق انشىلەرىن، ونىڭ ىشىندە ءوزىن تىڭدامايتىن تىڭدارمانداردى ۇناتپايدى. بىراق ءوزى كولىكتە وتىرىپ شەتەل انشىلەرىن تىڭداي بەرەدى.
18. ول ارتىق سالماقتان ارىلۋدى بوس اۋرەشىلىك دەپ ەسەپتەيدى. ارىقتاسا، تىڭدارماندارى اش دەپ ويلاۋى مۇمكىن. سپورتزالعا بارمايدى، شەيپينگپەن اينالىسپايدى.
19. ونىڭ بولاشاق جوسپارى: «قۇداي قالاسا، جاقىندا بىرنەشە جاڭا ءان جازدىرامىن. اللا قولداسا، كەلەسى جىلى جاڭا بەينەكليپ تۇسىرەمىن. ءتاڭىر جارىلقاسا، ەكى جىلدان كەيىن رەسپۋبليكا سارايىندا جەكە كونتسەرت بەرەمىن».
20. ونىڭ ءۇش ساعاتقا سوزىلعان جەكە كونتسەرتىندە 1 ساعات ءوزى، قالعان ەكى ساعات باسقالار ءان شىرقايدى.

«نۇر استانا» گازەتى

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594