دۇيسەنبى, 28 قىركۇيەك 2020
COVID-19 قازاقستاندا. جۇقتىرعاندار — 107775. جازىلعاندار — 102736. قايتىس بولعاندار — 1699
1612 0 پىكىر 26 تامىز, 2019 ساعات 17:49

سىربويىلىق جاس كاسىپكەرلەر تاجىريبە الماستى

قىزىلوردا وبلىسىنىڭ كاسىپكەرلىك جانە تۋريزم باسقارماسىنىڭ ۇيىمداستىرۋىمەن «قىزىلوردا وبلىسىنىڭ جاس كاسىپكەرلەر فورۋمى» ءوتتى، - دەپ حابارلايدى اباي-اقپارات.

«اتالعان شارانىڭ نەگىزگى ماقساتى – كاسىپ جاساۋعا نيەتى بار جاستاردى قولداۋ، ولارعا تاجىريبەلى كومەك كورسەتۋ، سونداي-اق شاعىن كاسىپكەرلىك سۋبەكتىلەرىنىڭ سانىن كوبەيتىپ، جۇمىسسىزداردىڭ سانىن بارىنشا قىسقارتۋ» ،- دەيدى فورۋمدى ۇيىمداستىرۋشىلار.

قىزىلوردا وبلىسىنىڭ كاسىپكەرلىك جانە تۋريزم باسقارماسىنىڭ باسشىسى قوجابەرگەنوۆ فەردوۋسي ابىلقاسىمۇلى ايماقتاعى كاسىپكەرلىك سالاسىنىڭ دامۋى جانە ونداعى جاس كاسىپكەرلەردىڭ ۇلەسى تۋرالى بايانداما جاسادى. ول ءوز سوزىندە وڭىردەگى كاسىپكەر جاستاردى ءالى دە كوبەيتۋگە كۇش سالۋ كەرەكتىگىن ايتتى.

بۇدان بولەك، فورۋمدا جاس كاسىپكەرلەر اقجارقىن تاسبولاتوۆا، بايان دۇيسەنبەك، جانات ەرجىگىتوۆا، ەرداۋلەت سارسەنبەك سىندى ورەندەر كاسىپتى قالاي جۇرگىزۋ كەرەك، ونى دامىتۋدىڭ جولدارى، تابىستى كاسىپكەر بولۋدىڭ قۇپياسى، جەكە ءىسىن باستاعىسى كەلگەن جاستارعا قاراستىرىلعان مۇمكىندىكتەر ايتىپ ءوتتى. سونىمەن قاتار جيىندا بيزنەس باستاۋعا ىنتالى تالاپكەرلەر كاسىپكەرلەرمەن جۇزدەسىپ، تاجىريبە الماستى. ولارعا نەسيە الۋعا ارنالعان باعدارلامالار، مەملەكەتتىك گرانتتاردى الۋ جولدارى ءتۇسىندىرىلدى. جاس كاسىپكەرلەر مەن فورۋم قاتىسۋشىلارى ءوز ساۋالدارىن قويىپ، سالا ماماندارىنان جاۋاپتار الدى.

ايتا كەتەيىك، وبلىستا 2018-2020 جىلدارى جاپپاي كاسىپكەرلىكتى دامىتۋدىڭ ءۇش جىلدىعى دەپ جاريالانعان بولاتىن. بىلتىر بۇل ماقساتتا 32 ملرد تەڭگە قارجى قارالسا، بيىل بۇل باعىتتا ءارتۇرلى قاراجات كوزدەرىنەن 34 ملرد تەڭگە ءبولىنىپ وتىر.

Abai.kz

0 پىكىر