اۋداندىق ارداگەرلەر اراسىنداعى ءداستۇرلى سپارتاكيادا وسىمەن 9-شى رەت ۇيىمداستىرىلىپ وتىر. شاراعا كەنت جانە اۋىلدىق وكرۋگتەردەن 130 ارداگەر قاتىستى، - دەپ حابارلايدى اباي-اقپارات.

سالاماتتى ءومىر سالتىن ۇستانعان ارداگەرلەر سپورتتىڭ 5 ءتۇرى بويىنشا سىنعا ءتۇستى. اتاپ ايتقاندا، قول كۇرەس، اسىق، بەس اسىق، ارقان تارتۋ، جەڭىل اتلەتيكا (60 م، 500 م، 1000 م), ەستافەتا(40ح80). اۋدان اكىمى قايراتبەك سارسەنباەۆ جارىسقا قاتىسۋشىلارعا ساتتىلىك تىلەپ، الدا كەلە جاتقان 30 تامىز - كونستيتۋتسيا كۇنىمەن قۇتتىقتادى.

– سىزدەر اۋدانىمىزدىڭ وركەندەۋى مەن دامۋى ءۇشىن ءوز قاجىر-قايراتتارىڭىز بەن اقىل-كەڭەستەرىڭىزدى اياماي كەلەسىزدەر. سىزدەردى ومىردە ارقاشان ازاماتتىق پەن ادامگەرشىلىكتىڭ ۇلگىسى، ۇلكەنگە قۇرمەت، كىشىگە قامقور بولا بىلگەن ازامات رەتىندە تانيمىز. سىزدەردى بۇدان ءارى دە ارامىزدا اقىلشى، كەڭەسشى بولا ءجۇرىپ، ەلىمىزدىڭ يگىلىگى ءۇشىن قوعام ومىرىنە بەلسەنە ارالاسادى دەپ سەنەمىن، - دەدى ول.

جارىس ناتيجەسىندە كوماندالىق ەسەپ بويىنشا ءى ورىندى اقسۋ اۋىلدىق وكرۋگى يەمدەنسە، ءىى ورىندى جالاعاش كەنتىنىڭ ارداگەرلەرى ەنشىلەدى. ال جۇلدەلى ءىىى ورىندى ءبىلىم سالاسىنىڭ ارداگەرلەرى مىسە تۇتتى. جارىس جەڭىمپازدارى ارنايى ديپلومدارمەن جانە قارجىلاي سىيلىقتارمەن ماراپاتتالدى.

ەستەرىڭىزگە سالا كەتەيىك، اقسۋاتتىق ارداگەرلەر سپارتاكيادادا قاتارىنان 4-رەت جەڭىمپاز اتانىپ وتىر. جالاعاش اۋدانىندا قازىرگى تاڭدا 4000-عا جۋىق ارداگەر بار. ولار 79 باستاۋىش ۇيىمدارىندا ەسەپتە تۇرادى. ونى 11 ادامنان قۇرالعان اۋداندىق ارداگەرلەر كەڭەسى باسقارادى. 1500-گە جۋىق باتىر انالار بار.

Abai.kz